O pasado mércores 22 de novembro o noso alumnado participou nunha Xornada de Campo a Través, actividade organizada polo Departamento de Educación Física. Parabéns polos resultados acadados. Podes obter máis información nesta ligazón, ou visualizar algunha imaxe da actividade na galería. 

Como tódolos anos nestas datas, o IES Lagoa de Antela traballa de xeito colaborativo para a eliminación da violencia contra a muller. 

Podes premer na imaxe ou nesta ligazón para máis información. Parabéns, polo seu traballo,  ao noso alumnado e ao Prof. Dr. Miguel Yebra Ferro. 

Os días 23, 24 e 25 de novembro o noso IES acolle os actos de celebración do XXXVI Congreso de Enciga (Ensinantes de Ciencias de Galicia), que ven reunindo cada ano nestas datas a un bo número de profesores de Ciencias de Galicia e norte de Portugal. Ademais do  intercambio de experiencias  entre ensinantes e científicos, durante estes tres días desenvolveranse no IEs diversas conferencias, ponencias e presentacións tipo cartel relacionadas co ensino das ciencias, complementadas con viaxes culturais e didácticas pola contorna. 

Coordinan este congreso a profesora Ana Belén Martínez Álvarez (profesora de Música e directora do Centro) e o profesor Dr. Miguel Ángel Yebra Ferro (profesor de Física e Química e Xefe de Departamento); tamén conta ca colaboración de varios profesores e profesoras dos departamentos de Ciencias Naturais, Física e Química, Matemáticas, Tecnoloxía, Artes Plásticas e Lingua Castelá e Literatura. 

Nesta ligazón podes obter máis información do congreso. 

 A inauguración oficial do "Mar  de Antela" terá lugar o vindeiro   mércores 18 de outubro, ca  presenza de autoridades educativas.
Neste  enlace podes atopar unha boa colección de fotografías do proceso de elaboración.          

Faise pública a listaxe dos libros de texto para o curso académico 2023-2024.

Faise público o calendario fin de curso 2022/2023

Publicanse os criterios de promoción e titulación vixentes, e que se aplican neste curso 2022/20023.

Criterios de titulación 4º da ESO

Criterios de Promoción 1º, 2º e 3º da ESO

Criterios de titulación en Bacharelato

Publicada a Orde do 10 de maio de 2023 (DOG nº 94 de 19/maio/2023) pola que se regula a participaciónno fondo solidario de libros de texto e se convocan axudas para adquirir librosde texto e material escolar destinadas ao alumnado matriculado en educaciónprimaria, educación secundaria obrigatoria e educación especial en centrosdocentes sostidos con fondos públicos para o curso escolar 2023/24.

O prazo de presentación de solicitudes iniciase o día 22 de maio erematará o día 21 de xuño de 2023.

A solicitude será única para todos os fillos e, de ser o caso, tutelados, que estean admitidos no mesmo centro docente para o curso 2023/24, e nela especificarase o nivel de estudos que espera realizar cada un deles no citado curso. Se estivesen admitidos en centros docentes distintos, presentarase unha solicitude en cada un dos centros, en que se incluirán os admitidos nese centro para o curso 2023/24. No caso de que a solicitude se tramite por vía electrónica empregando a aplicación fondolibros será necesaria a presentación dunha solicitude por cada alumno aínda que estean no mesmo centro.

As solicitudes presentaranse preferiblemente por vía electrónica a través do formulario normalizado (ED330B-anexos I e II) accesible desde a sede electrónica da Xunta de Galicia, https://sede.xunta.gal

Opcionalmente, poderá presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.

Para a presentación electrónica de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e clave Chave365 (https://sede.xunta.gal/chave365).

O formulario de solicitude tamén estará dispoñible nos centros educativos e na sede electrónica da Xunta de Galicia, https://sede.xunta.gal