Aquí tedes tarefas para estes días. Irei colgando máis dependendo do tempo que esteamos sen clase. Non mandedes as actividades para que as corrixa. corrixirémolas cando vollvamos a clase. Se tedes algún problema, podo resolvelo a través deste foro ou no correo amaliavea@edu.xunta.es Moito ánimo. A traballar!
Exercicios para a primeira semana:
1. Escribe tres alimentos de cada tipo:
a) doces: ...
b) cereais: ...
c) friame: ...
d) peixe: ...
e) lácteos: ...
f) froita: ...
g) hortalizas: ...
2. Redacta un pequeno texto coas recomendacións que, na túa opinión, son necesarias para levar unha vida saudable.
3. Escribe o feminino destes substantivos: xuíz, chinés, actor, patrón, xenro, capitán, campión, cliente, duque, león, heroe, can, bisavó, xudeu, alemán, rei, peixeiro, alcalde, príncipe, ladrón, adestrador, xefe, bailarín.
4. Escribe o substantivo que corresponde a cada un destes verbos, poñéndolle diante o ou a, segundo cumpra. Por ex.: suar ➝ estrear ➝ ... sangrar ➝ ... viaxar ➝ ... ordenar ➝ ... doer ➝ ... sinalar ➝ ...
5. Escribe de novo estas oracións, poñendo en plural todas as palabras que poidas:
– Mete na lavalouza a culler e a cunca, colle o pano de mesa e quita o mantel.
– Meu irmán e miña irmá van facer unha excursión e pensan visitar un val onde seica vive un animal que é bastante difícil de ver neste mes.
– Canta trapallada hai nesta caixa! Un álbum, un mandil, un compás, un anteface, unha chave inglesa, un ferro de pasar...
6. Pon os acentos diacríticos que sexan necesarios nestas oracións:
– Sabes que os programas de televisión de mais audiencia son os musicais dirixidos aos mozos e as mozas coma nos?
– O ordenador que hai no colexio e moito mais potente co que teño eu na casa.
– Compre que vaia ao supermercado da esquina e compre mais leite e te.
– Dóeme este pe, porque me fixen dano ao darlle unha patada a bola.
– Nin sei facer o no da gravata nin me gusta esa peza de roupa, mais, por se cambio de opinión, teño tres ou catro no roupeiro.
– O meu animal preferido e o oso panda.
– Da este paquete da miña parte a Sara; e lémbralle que o abra, que as veces e un pouco despistada.
– Por que non vos achegades vos? Nos temos moita presa.
7. Escribe unha oración con cada parella de palabras: fora – fóra, oso – óso, ven – vén, bola – bóla
8. Escribe o nome das principais leis que afectan á lingua galega. Cantas linguas sabes falar?
9. Relaciona cada definición co tipo de texto narrativo que corresponda: lenda novela conto fábula
a) Narración breve, normalmente en prosa, con poucos personaxes e argumento sinxelo.
b) Relato protagonizado por animais que actúan como humanos e do que se tira unha ensinanza.
c) Narración que mestura feitos naturais con outros de carácter fantástico, protagonizada por personaxes con poderes sobrenaturais.
d) Narración extensa cuxos elementos espazo-temporais están moi caracterizados.
Traballando coa lingua