Xeral
Aula virtual para exercicios de repaso e consulta de dúbidas ao correo electrónico: anaalvarez@iesferrolvello.org
Estes son os instrumentos de avaliación e os criterios de cualificación para este curso.
Instrumentos de avaliación
*Probas escritas
- Realizaranse polo menos dúas probas escritas por avaliación.
A última proba escrita abarcará toda a materia dada durante a avaliación.
- En xuño os alumnos coa materia cualificada negativamente, menos de 5, terán a oportunidade de recuperar a materia cunha proba de mínimos de todo o curso.
- En setembro farase unha proba extraordinaria sobre mínimos.
*Traballo e actitude en clase: Será avaliado mediante estes instrumentos:
- Atención, participación e actitude positiva e colaborativa.
- Encerado Avaliarase o razoamento, o uso axeitado do vocabulario e a organización do traballo mediante a realización escrita no encerado e a explicación oral do proceso seguido.
- Caderno: Realización de tarefas en clase: avaliarase a realización das actividades propostas.
* Traballo na casa: Será avaliado mediante estes instrumentos:
- Presentación de dúbidas sobre tarefas que non se puideron resolver.
- Revisión do caderno para ver a presentación das tarefas de casa.
- Encerado: Utilizarase este instrumento para corrixir actividades feitas na casa co obxecto de comprobar que o alumno comprende ben o exercicio ou problema e que non se limitou a memorizalo. Avaliarase tamén o razoamento o uso axeitado do vocabulario e a organización do traballo mediante a realización escrita no encerado e a explicación oral do proceso seguido.
Criterios de cualificación
Tendo en conta o exposto ata agora sobre o proceso de ensino-aprendizaxe, o baremo proposto para cada avaliación é:
- Probas escritas: 90 %
- Outros instrumentos de avaliación 10%.:
*Traballo de Clase 5%
* Traballo na casa 5%
En cada avaliación a nota das probas escritas obterase sumando:
o 40% da nota media das probas parciais
co 60% da nota da última proba da avaliación.
A cualificación final na convocatoria ordinaria será a media aritmética das cualificacións obtidas en cada avaliación, sempre que estean por enriba de 3. Se a media aritmética estivese por debaixo de 5, ou houbese algunha avaliación con cualificación inferior a 3, a/o alumna/o fará unha recuperación de toda a materia en xuño e a cualificación final será a nota da proba de mínimos de xuño puntuada sobre 10.
A cualificación na convocatoria extraordinaria será a obtida nunha proba escrita puntuada sobre 10.
Considerase superada a materia cando a cualificación final sexa igual ou superior a 5.