Exercicio tipo - Solubilidade
A 25 oC a solubilidade en auga do bromuro de calcio é 2,0⋅10-4 M.
6.1. Calcule Kps para o sal á devandita temperatura.
6.2. Calcule a solubilidade do CaBr2 nunha disolución acuosa 0,10 M de NaBr considerando que este sal está totalmente disociado.
6.3. Explique razoadamente se aparecerá algún tipo de precipitado se engadimos sobre unha disolución de NaBr 10-3 M sobre outra disolución de CaS da mesma concentración e do mesmo volume. Considere que ambas as disolucións están totalmente disociadas e que os volumes son aditivos.
6.1.
O primeiro que temos que facer é escribir o noso equilibrio, tendo en conta os coeficientes estequiométricos dos ións para o cálculo de Kp2. Así:
CaBr2 (s) ⇄ Ca2+(ac) + 2Br-(ac) Kps = [Ca2+][Br−]2
s 2s
Como temos o dato da solublidade do bromuro en mol/L, simplemente substituímos na expresión de Kps. Se o problema nos dese o dato da solubilidade do sal en g/L teriamos que pasalo primeiro a mol/L.
Kps=[Ca2+][Br−]2=s.(2s)2=4s3=4.(2,0.10−4)3=3,2.10−11
6.2.
Aquí temos o típico exercicio do efecto do ión común, onde podemos comprobar como diminúe a solubilidade dun sal calquera cando en vez de disolvérmolo en auga, disolvémolo nunha disolución doutro sal que ten un ión en común co noso.
Nestes exercicios, imos supor -vano dicir no enunciado normalmente- que o sal que causa o eecto do ión común, neste caso o NaBr, está totalmente disociado e polo tanto a concentración do ión que nos interesa, neste caso o ión bromuro, é igual á do sal:
NaBr(s) → Na+(ac) + Br-(ac) polo que [Br-]=0,1M
Despois debemos volver escribir o equilibrio de solublidade do noso sal, tendo en conta que a solublidade variou -de feito, é o que imos calcular ;-) - polo que poremos s' en vez de s e teremos en conta a concentración de ión bromuro, o ión común, que nos dá a disolución de NaBr:
CaBr2 (s) ⇄ Ca2+(ac) + 2Br-(ac) Kps = [Ca2+][Br−]2
s' 0,1 + 2s'
Só nos queda substituír na expresión, tendo en conta que imos sempre facer a simplificación que comentamos na aula: 2s′+0,1 ≅ 0,1
Kps = [Ca2+][Br−]2 = s′.(2s′+0,1)2 ≅ s′.(0,1)2→ s´= Kps/(0,1)2 = 3,2.10−11/(0,1)2 = 3,2.10−9𝑀
Podemos comprobar como a nova solublidade é efectivamente moito menor, da orde de 10-9 fronte a inicial de 10-4.
6.3.
Neste último apartado teremos que calcular o Produto iónico, Q, e comparalo con Kps para decidir se aparece ou non precipitado.
Temos 2 disolucións, de NaBr e de CaS, ambas de concentración 10-3M, do mesmo volume e totalmente disociadas. Polo tanto,
NaBr(s) → Na+(ac) + Br-(ac) polo que [Br-] = 10-3M
CaS(s) → Ca2+(ac) + S2-(ac) polo que [Ca2+] = 10-3M
IMPORTANTE! Tede en conta que estas son as concentracións dos ións antes de que xuntemos as dúas disolucións, polo que temos que calcular a concentración que terán despois de xuntar as disolucións. Neste exercicio, non temos o dato dos volumes que adicionamos, só sabemos que ambas as disolucións teñen o mesmo volume.
Polo tanto, as concentracións dos ións bromuro e calcio, unha vez que adicionemos as 2 disolucións, serán a metade das iniciais. Isto é así porque, ao xuntarmos as disolucións o volume é o dobre, lembrade que o consideramos aditivo. Así,
[Br-] = 5.10-4M e [Ca2+] = 5.10-4M
Así o produto iónico será:
CaBr2 (s) ⇄ Ca2+(ac) + 2Br-(ac)
Q = [Ca2+] . [Br-]2 = 5.10-4M . (5.10-4)2 = 125.10-12 = 1,25.10-10
Como 1,25.10-10 > 3,2.10−11 → Q > Kps e podemos afirmar que aparecerá precipitado.