Esquema de temas
Xeral
Isabel Barreto
Concepción Arenal
Rosalía de Castro
Elvira López Mourín
Correos homenaxea cun selo á enfermeira lancaresa Elvira López
Participou no primeiro transporte aéreo de persoal sanitario español, na Guerra do Rif
A enfermeira Elvira López Mourín é a protagonista dun novo selo de Correos. Así lembra a esta lancaresa que formou parte do primeiro transporte aéreo de persoal sanitario español da historia, que foi tamén o primeiro voo dunha muller sanitaria.
Elvira López Mourín naceu en 1891 na parroquia de San Martiño de Río. A muller ingresa en 1918 no hospital da Cruz Vermella de Madrid, onde, xunto a outras catro compañeiras, formou parte da primeira promoción de enfermeiras profesionais desta entidade. Catro anos despois incorporouse ao hospital de Melilla.
No transcurso da Guerra do Rif, a principios de novembro de 1922 planificouse unha expedición con tres aeroplanos con material cirúrxico para atender aos centos de feridos. Elvira López ofreceuse voluntaria a participar nesta perigosa viaxe, xa que era un voo nocturno (un dos primeiros da aviación española), sobre territorio inimigo hostil e cunha aterraxe complicada. A misión acabou sendo un éxito e pasou á historia, debido a que foi o primeiro transporte aéreo de persoal sanitario en España e o primeiro dunha muller sanitaria. Este acto de Elvira López valeulle o recoñecemento dos reis Alfonso XIII e Vitoria Eugenia.