PROBAS DE OBTENCIÓN DO TÍTULO DE ESO E BAC
Boas a todos e todas!
Informámosvos de que quedan convocadas as probas para a obtención do título da ESO para maiores de 18 anos. Podedes consultar toda a info relativa ás mesmas na RESOLUCIÓN do 27 de xaneiro de 2023
As convocatorias da proba de ESO son en:
- 19 de Maio (o prazo de inscripción para esta convocatoria son do 6 de marzo ao 16 de marzo de 2023, ambos os dous incluídos)
- 1 de Setembro ( prazo de inscripción do 3 de xullo ao 10 de xullo de 2023, ambos os dous incluídos).
Poderán participar nestas probas as persoas que cumpran os seguintes requisitos:
1. Ter feitos os dezaoito anos o día anterior á data de realización da proba.
2. Non estaren en posesión do título de graduado en educación secundaria.
3. Non estaren nin teren estado matriculadas no curso 2022/23 nas ensinanzas de educación secundaria ordinaria, nin nas de formación profesional básica.
Igualmente, tamén quedou convocada a proba para a obtención do título de bacharel para maiores de vinte anos.
Pódese consultar toda a información en relación a esta proba na seguinte RESOLUCIÓN.
Poderán participar nesta proba as persoas que cumpran os seguintes requisitos:
a) Ser maior de 20 anos ou cumprir esa idade no ano 2023.
b) Non estar en posesión do título de bacharel ou de calquera outro título declarado equivalente a efectos académicos.
c) Non estar a cursar ensinanzas de bacharelato en ningunha das súas modalidades ou réximes nin ter estado matriculado nesas ensinanzas no curso escolar 2022/23.
O período de inscrición na proba estará comprendido entre o 6 e o 15 de marzo de 2023. E a proba realizarase o 28 de abril de 2023.
Recorda! Esta proba só está dispoñible para as modalidades de Ciencias e de Humanidades e Ciencias Sociais.
Máis información nesta ligazón: http://www.edu.xunta.gal/portal/node/1238