Lingua Galega

Xorde o agrarismo, movemento que loita para que os campesiños poidan ser donos das terras que traballan. A principal asociación, nesta loita, é Acción Gallega, liderada por un crego de Ourense, Basilio Álvarez.
No 1926, na ditadura de Primo de Rivera, conseguen o seu obxectivo. Como consecuencia, desaparece a fidalguía e aparece un campesiñado propietario.

Medra a industria (de conservas, de construción naval...), o comercio e a banca. Como consecuencia, por unha banda medran as cidades, especialmente a Coruña e Vigo, por outra banda, a burguesía comeza a ter certo peso na sociedade.

Ligadas ó galeguismo, xorden as Irmandades da Fala, no 1916, asociacións destinadas a defender a lingua e a cultura galegas, e que reclaman:

• Autonomía para Galicia para poder solucionar os problemas do País (pobreza e emigración masiva).

• Organización federal da Península.

• Cooficialidade entre o galego e o castelán.

• Fomento da cultura galega:

• Crean xornais (A Nosa Terra...)

• Crean editoriais (Nós...)

• Crean o Seminario de Estudos Galegos, institución destinada a investigar acerca da xeografía, da historia..., de Galicia.

No 1931, nace o Partido Galeguista, conseguindo situar nas cortes da República, a Otero Pedrayo e a Castelao. En xuño de 1936 conseguen que se aprobe o 1ª Estatuto de Autonomía para Galicia, que nunca se pon en práctica pola Guerra Civil e pola posterior implantación da ditadura.