Aínda que estamos en verán, na escola seguimos traballando arreo para adaptarnos á situación actual, intentando ofrecer a todos os membros da nosa comunidade educativa espazos seguros, respectando tamén o benestar psicolóxico e emocional, que nos parece fundamental.
Esta semana os directores e directoras dos centros públicos de Vigo elaboramos un documento consensuado nos claustros e aprobado polo Consello Escolar do Centro, que remitimos á Consellería de Educación e Xefatura Territorial, solicitando máis medios para poder adaptarnos ao protocolo con garantías de seguridade.
Porque unha situación excepcional precisa tamén medidas excepcionais. Non reclamamos máis do que consideramos xusto e necesario.
Enviámosvos unha forte aperta e moitos folgos para esta loita contra o virus. E, xa sabedes... sentidiño e responsabilidade!