1. Consideracións para a creación e xestión de bloques

1. Ancho da columna.
   Visualmente a columna debe ocupar un lateral da páxina e non debe ter un ancho tal que a "invada" e distraiga ao visitante dos contidos principais.
Se incluimos no bloque un obxecto poremos coidado de xeito que o ancho do obxecto non exceda o ancho da columna estabrecido, evitando así que faga "engordar" a columna (o seu tamaño variará en función dos obxectos que conteña).

Evitaremos así que as columnas aparezan desprazadas ou movidas e melloraremos a visualización do blog.
Tes unha ferramenta moi útil para controlar as dimensión nunha web. É un complemento para Mozilla que se chama MeasureIt e que podes descargar no enderezo https://addons.mozilla.org/es-ES/firefox/addon/539

Neste mesmo tema na sección de materiais complementarios podes atopar información sobre a instalación e funcionamento de measureit


2. Os bloques non son para a publicidade comercial.
   Non está permitido incluír publicidade comercial de ningún tipo. En cambio é moi interesante publicitar todos os proxectos e experienzas educativas (sen ánimo de lucro) que coñezas que poidan ser de interese para a comunidade educativa.


3. Asegurarse de que non hai problemas de copy right.
   Non se poden poñer contidos que infrinxan ningún tipo de legalidade, coidado cos dereitos de autor!. Emprega sempre contidos baixo licenzas Creative Commons.
   
   
4. Non sobrecargues a páxina de flash, gadgets, slides..
   Fai un emprego razoable das cousas, mellorarás a visualización da páxina, a súa accesibilidade e a carga da mesma será mais rápida.


5. Respecto polo traballo alleo.
Coidado cando xestiones os bloques xa que poderías accidentalmente modificar ou eliminar un bloque doutro blog ou da propia páxina web do centro.


6. NON invadir os blogs dos demais
Cando crees un bloque asegúrate de que só se visualiza no teu blog.

2. Regras para un bó funcionamento e entendemento entre os usuarios dos blog

• Os únicos bloques que poden modificar e /ou eliminar os autores de blog son os feitos polos propios usuarios e que non están vinculados a ningún menú taxonomizado.

• É certo que os autores de blog poderían desactivar os bloques que Drupal xera automáticamente con cada menú, pero seguirían estando aí e o administrador podería reactivalos facilmente e colocalos de novo no seu sitio.
  

Para os autores de blogs do centro

• NON modificaremos, NON tocaremos, NON experimentaremos ... cos bloques alleos.

• Tampouco copiaremos sen permiso. O plaxio é moi pouco "elegante" a adoita a sentar mal ao autor orixinal da idea. Se vas poñer algo de outro: cita a ese outro.
  

• Ninguén debe borrar ou eliminar os bloques feitos por outros.

• Se un usuario creou un bloque e o amosou no noso blog NON o borraremos. Falaremos co despistado para pedirlle que o faga visible só no seu blog.
  

• Se non sabes o qué é, ou non sabes cómo funciona ou non sabes para que sirve... NON O TOQUES!

3. Os Bloques nos blogs do centro

Ao contrario dos blogs onde os contidos categorízanse con tags ou etiquetas polos propios usuarios mentras crean o contido, a páxina web do centro emprega menús taxonomizados ou categorizados.

Algún dos menús taxonomizados mais habituais nas webs dos centros educativos son: Secretaría, O Centro, Biblioteca, Actividades Escolares...etc

O funcionamento é moi sinxelo: un usuario editor crea un contido páxina, elixe entre as categorías dispoñibles, aquela onde o quere publicar, escribe o contido e o envia.

Os menús taxonomizadas crean automáticamente un bloque asociado ao menú que pode visualizarse na páxina de administración de bloques:

• ruta para o administrador: Administrar->Construcción da páxina -> Bloques
• ruta para o autor do blog: Bloque de navegación -> Bloques

Os bloques asociados a menús taxonomizados (bloques oficiais da web do centro) non son editables nin se poden eliminar (só o administrador pode facelo) pero poden activarse e decidir a súa ubicación (columna da dereita, da esquerda, cabeceira..etc) e asignarlles un peso.

Estas últimas características: activación (para que se podan visualizar) e colocación nunha rexión (xeralmente nas columnas laterais), e peso, son particulares para cada plantilla ou tema, polo que a visualización dos bloques configúrase de xeito independente segundo o tema empregado.

Na seguinte imaxe se amosa a configuración dos bloques da páxina xeral dun centro (a plantilla empregada para web xeral é newflash neste exemplo)

A web visualizaríase así con esa configuración:

Na seguinte imaxe se amosa a configuración dos bloques dun dos blogs do centro anterior. A plantilla empregada nese blog é dreamy.

Con esa configuración o blog visualizaríase así (neste exemplo o blog emprega a plantilla dreamy)

Como se pode apreciar nas imaxes ao empregar plantillas diferentes para cada blog e para a web do centro temos a vantaxe de poder configurar con facilidade os bloques tanto para a web xeral como para cada un dos blogs sen que a configuración duns interfira na configuración dos outros.

Bloques que deben estar presentes en todas as páxinas, independentemente da plantilla empregada

Os bloques que deben estar presentes (activos e visibles) en TODAS as plantillas son:

• o bloque de inicio de sesión (ou a súa variante bloque de incio de sesión 2)
  
• o bloque de navegación.
  

En caso contrario nos atoparíamos con que ao cambiar a plantilla empregada non poderiamos acceder á páxina ou a súa administración.

Esta consideración é importante para todos os administradores e tamén para os autores de blog.

4. Crear un bloque con código html

Para este exemplo usaremos un módulo de imaxes flickr.

O primeiro que temos que saber e cal é o enderezo do noso blog.

Para elo basta con que entremos nun artigo calquera do blog. Na barra de enderezos do noso navegador observaremos algo semellante a isto:

Neste caso tería a url interna: blog/76

Pasos a seguir para crear o bloque:

1. Entramos no servizo web de flickr onde podemos realizar un módulo en flash (visto no tema anterior) enderezo: http://www.flickr.com/badge.gne
2. É un servizo que require rexistro (empregamos o usuario e contrasinal que teñamos para ese servizo)
3. Creamos o módulo seguindo as instruccións do servizo web correspondente.
4. Copiamos o código para embeber o módulo que nos proporciona flickr
5. Entramos na web do centro e nos logueamos co noso usuario do blogue
6. No bloque de navegación eliximos a opción "Bloques"
7. Na lista superior seleccionamos a plantilla ou tema do noso blog
8. Na zona de configuración de bloques para esa plantilla eliximos a opción "Engadir bloque"
9. Escribimos un texto que sirva de descrición para o bloque
10. No campo "Corpo do bloque" prememos na opción desactivar texto rico
11. Pegamos o código completo que obtivemos antes (moito coidado de non modificar nada ou o código non funcionará)
12. Prememos sobre o botón "Garda-lo bloque"

13. Unha vez creado o bloque aparecerá na lista dos bloques dispoñibles pero desactivado.
14. O buscamos na lista dos bloques desactivados
15. Prememos sobre "configurar"

16. Na nova ventá marcamos os roles para os que queremos que o blog esté visible (sen non marcamos ningún será visible para todos, é o habitual)
17. O mais importante: eliximos a opción de "amosar só nas páxinas listadas." e en "Páxinas" escribimos a url interna do noso blog (que averiguamos ao princpio de todo) Deste xeito evitaremos que accidentalmente o bloque se vexa noutros blogs ou na páxina xeral do centro, o cal podería ser molesto para o resto dos usuarios.

18. Agora sólo falta situar o bloque na columna e darlle un "peso" entre -10 e 10 (os elemntos mais "pesados" se afunden os menos pesados se sitúan arriba de todo)
19. Buscamos o bloque na parte de bloques desactivados, eliximos a columna onde vai a aparecer (neste exemplo na columna da dereita ou "sidebar right") e lle damos o peso que estimemos oportuno.

20. Para rematar prememos sobre o botón "Garda-lo bloque"
21. Se todo foi ben deberíamos ver algo semellante ao que se amosa na columna da dereita deste mesmo curso
    

5. Blogroll

Unha particularidade que diferenza aos blogs dos sitios de noticias é que adoitan incluír múltiples enlaces a outras páxinas web como referencias ou para ampliar a información agregada.

É moi habitual amosar no blog un bloque cunha lista de ligazóns a outros blogs seleccionados ou recomendados polos autores, denominada habitualmente blogroll.

Exemplo de Blogroll feito con imaxes e lista de enlaces

Imos crear un bloque no que aparezan:

• unha imaxe na parte principal que ao premer sobre ela nos leve de volta á paxina princpipal do noso blog
• Varios enlaces a outros blogs ou sitios web de interese.

Paso 1: a imaxe

1. Busca a imaxe que queres empregar e a gardaa no teu equipo.

Nota: Lembra que dispoñes do buscador de imaxes baixo licenza CC (Creative Commons) http://flickrcc.bluemountains.net/flickrCC/index.php


2. Mide o ancho máximo da columna da plantilla do teu blog, emprega para elo o complemento measureit de Mozzilla Firefox (neste mesmo tema na sección de material complementario tes indicacións de como instalalo e do seu funcionamento).
   

En xeral para a maioría das plantillas o ancho máximo non debe superar os 175 píxeles (aínda que iso varía dunhas plantillas a outras)

3. Edita a imaxe (podes empregar para elo GIMP, un programa de edición de imaxes de software libre e moi completo) debes reducila para que o ancho da imaxe non supere o ancho da columna.

Paso 2: os enlaces a incluír

1. Busca na web os blogs ou páxinas web educativas que queres incluír no blogroll.
2. Copia as URLs

Paso 3: Crear o bloque

1. Vai a opción "Bloques" do menú de navegación

2. Na xanela que se abre (administración de bloques) busca o tema ou plantilla que emprega o teu blog (é moi importante xa que a administración dos bloques é diferente para cada plantilla e cada blog debe empregar unha plantilla diferente) No exemplo da seguinte imaxe o blog deusuario emprega a plantilla B7

3. Preme sobre a pestana "Engadir bloque"
   

4. Pon unha descrición ao bloque.

5. No corpo emprega o navegador de imaxes (IMCE) para subir e engadir a imaxe (tal e como aprendiches no tema 2 deste curso)

6. Selecciona a imaxe e preme sobre a icona de "Insertar/editar hipervínculos" para ligala coa URL do teu blog. O xeito de estabrecer hipervínculos xa se explicou tamén no tema 2.

7. Agora teclea a lista dos blogs ou webs que vas a incluír no teu blogroll (blogs amigos). Podes empregar viñetas para unha mellor visulización do listado.

8. Selecciona o texto e preme na icona de "Insertar/editar hipervínculos" para enlazalo coa URL correspondnete.
9. Cando remates preme sobre "Garda-lo bloque" para gardar os cambios

Paso 4: Configuración do bloque

1. Na lista de bloques da túa plantilla poderás ver agora o bloque que acabas de crear, abaixo na zona de bloques desactivados. O primeiro que debes facer é "Configurar" o teu bloque
   
2. Indica o modo de visualización (collapsible ou normal) e o título con que queres que se amose

3. Podes indicar tamén se será visble para todos os roles ou só para algúns específicos. Se non marcas ningún rol enténdese que os marcas todos. A opción habitual é deixalo visible para todos os roles e nese caso, non marcar ningún rol específico.

4. Se a plantilla que empregas é a mesma que a da web do centro, ou a de outro blog do centro, para evitar que o teu bloque se visualice fora do teu blog terás que activar a opción "Amosar só nas páxinas listadas" e escribir a ruta interna do teu blog. Noutro caso NON é necesario.
   



5. Preme sobre o botón "Garda-lo bloque" para gardar os cambios

Paso 5: posicionamento do bloque no blog

1. Activa o bloque (fíxate sempre que debes traballar nas opcións da plantilla ou tema do teu blog) colocándoo nalgunha das columnas laterais
   

2. Ponlle un peso entre -10 e 10 (os elementos máis pesados se afunden e os máis lixeiros "flotan")
   
3. Preme sobre o botón "Garda-los bloques" para gravar os cambios
4. Poderás ver unha vista do aspecto que terá o bloque (lembra sempre visualiazar na túa plantilla ou tema) e facer os cambios de posición e peso que precises
5. Se todo está correcto, vai ao teu blog (preme na imaxe que leva o enlace ao blog que acabas de facer) e observa o resultado final

6. Amosar no blog un bloque xeral da web do centro

Se un autor desexa amosar no seu blog un bloque específico da web do centro, por exemplo O Taboleiro de Anuncios, ou o bloque de Biblioteca o ten que seguiir os seguintes pasos:

1. Iniciar sesión co usuario autor do blog

2. No bloque de navegación premer sobre a opción "Bloques"
   

3. Na xanela de administración de bloques que se abre seleccionar o TEMA ou plantilla empregado no seu blog da lista amosada na parte central (este paso é moi importante para evitar facer modificacións en blogs alleos ou na propia páxina do centro)
   

4. Buscar na lista de bloques o bloque de inicio de sesión 2 e o bloque de navegación e comprobar que están activos e son visibles

5. Buscar na lista o bloque que se desexa amosar no blog (por exemplo o Taboleiro de Anuncios, ou o bloque de Biblioteca)

6. Activalo indicando a ubicación (columna da dereita, da esquerda...)

7. Asignarlle un peso entre -10 e 10 para estabrecer unha posición na columna (lembrar que canto mais "pesados" mais se "afunden" na columna)

8. Premer sobre a opción "Garda-los Bloques" para gardar os cambios

Lembrar

• Posto que cada blog emprega unha plantilla diferente (é o recomendable) haberá que configurar os bloques de cada blog para a plantilla que empregue.

• Se o autor do blog o desexa, ademais dos bloques de inicio de sesión e navegación (que deben estar sempre activos) e dos bloques creados por él mesmopode visualizar no seu blog os bloques xerais da web do centro que lle interesen

7. Artigos Recentes do Blog

Trátase que dun xeito sinxelo os usuarios poidan ver nun bloque unha lista cos artigos recentes do blog.

Podedes ver un exemplo nesta imaxe.

Se o administrador o considera oportuno no rol de autores de blog lles pode asignar permisos para administrar as orixes de novas de xeito que eles mesmos poderán crear o seu bloque de artigos recentes sen precisar a intervención do administrador.

Noutro caso terá que ser o administrador quen cree este bloque para cada Blog.

En calquera caso hai uns requisitos previos para que isto funcione que o administrador debe revisar: deben estar activados e configurados os módulos Site Map e Agreggator (vexa mais adiante como facelo)

Requisitos

• Ter activado e configurado o módulo Mapa do Sitio (ver Activar Mapa do Sitio). Deben estar publicados os Blogs no Mapa do Sitio

• Ter activado o módulo Agregator

Funcionamento

• Os usuarios van publicando artigos nos seus blogs.
• A lista dos últimos artigos publicados en cada Blog actualizase no bloque ao executar o CRON na páxina do centro o que produce a actualización automáitca das orixes RSS.
  

Executar o CRON (indexación de contidos) é moi sinxelo, simplemente deberemos executar premendo en “Lanzar CRON” no bloque denominado “CRON”.

Creación e Configuración do bloque

Pasos a seguir:

1. Obtemos o enlace emisor RSS do Blog que nos interese

2. Sindicación RSS ao Blog

3. Publicación do bloque cos últimos artigos RSS

Paso 1: Obter o enlace emisor RSS do Blog

Paso 2: Sindicación RSS ao Blog

Ruta: dende o bloque de Navegación -> Agregador de novas -> Engadir orixe

• Título: recentes do Blog Nomedoblog (este será o título do bloque)

• URL: Pegamos o enlace previamente copiado no Mapa do Sitio

• Interv. de actualización: 15 min

• Se temos creada unha categoría específica para os Blogs podemos asociar a orixe a esta categoría.
  

• Prememos en "Enviar" para gardar os cambios.
  

Neste momento xa temos un bloque desactivado denominado “últimos elementos da orixe "recentes do Blog Nomedoblog”.

Paso 4: Publicación do bloque Artigos recentes do Blog con RSS

Ruta: Dende o bloque de Navegación -> Bloques

1. Elexir a plantilla ou tema do Blog

2. Na lista dos bloques atoparemos na zona de bloques desactivados o bloque creado no paso anterior, buscamos o bloque e o configuramos.

3. En configuración do bloque podemos definir, entre outros:
   

• Título: en branco para que colla o da orixe de novas.

• Número de artigos a amosar no bloque (debaixo dos artigos listados aparecerá un enlace "Mais" para ver todos os artigos)

4. Selecionamos o lugar onde queremos que se sitúe o bloque e o peso
   

5. Listo!
   

Cuestións a ter en conta

Para que os bloques de artigos recentes se amosen actualizadas debemos exectuar o CRON diariamente. Porque?

Funcionamento do CRON

O CRON executa procesos a intervalos regulares.

Por exemplo, se imos amontonando papeis nunha bandexa de “papeis pendentes” o cron procésaos todos xuntos automáticamente cada certo tempo.

Por motivos de seguridade nos servidores da Consellería de Educación este proceso debe realizarse de xeito manual, é por iso que temos un bloque na páxina principal denominado “CRON” a través do cal podemos executar o proceso.

En Webs Dinámicas o CRON pon en funcionamento procesos pendentes relacionados coa sindicación RSS, co módulo Notify, etc.

8. Nube de etiquetas "Tagadelic"

Nube de etiquetas

Unha nube de palabras (word cloud en inglés) é unha representación visual das palabras empregadas nun texto, onde o tamaño da fonte é maior para as palabras que aparecen con máis frecuencia.

Un dos seus usos principais é a visualización das etiquetas dun blog (tag cloud en inglés) ou dunha web, de modo que os temas máis frecuentes no sitio móstrense con maior prominencia.

As etiquetas adoitan ser só palabras e polo xeral adoitan estar en orde alfabética. A importancia dunha etiqueta móstrase co tamaño da fonte.

alfabética. A importancia dunha etiqueta móstrase co tamaño da fonte.

A nube de etiquetas de Tagadelic e Tagadelic Views

Esta nube de etiquetas precisa de dous módulos para a súa creación:

• módulo Views instalado por defecto en Drupal e dispoñible para todos os centros.
  
• os módulos adicionais Tagadelic e Tagadelic Views. Actualmente estes módulos están instalados en multisite pero non están visibles para todos os centros polo que se quere empregalo, o administrador da web do centro terá que solicitalo a websdinamicas@edu.xunta.es.

Requisitos para a súa elaboración

1. O administrador da web debe ter activado o módulo Views.

2. Se o bloque nube de etiquetas o van a crear os propios autores de blog o administrador terá que marcar no rol "autores de blog" os permisos correspondentes: acceder a tódalas vistas e administrar vistas. De non facelo así teria que ser o propio administrador quen cree as nubes de etiquetas para cada blog.
   

3. Se o centro xa solicitou os módulos adicionais Tagadelic e Tagadelic Views e os ten dispoñibles, o administrador debe activalos e configuralos (explícase mais adiante)
   

O módulo Views

As módulo Vistas ou Views é unha ferramenta de consulta moi potente para Drupal que permite crear diferentes formas (listas, táboas, nubes de palabaras...etc) de visualizar os contidos e buscalos.

Permiten persoalizar os diferentes campos que se amosarán, filtrar os resultados e ordealos con diferentes criterios.

Exemplos

• Crear unha vista páxina na que se amosasen os títulos de todos os artigos publicados nun blog ordeados por data de publicación e incluír criterios de busca para que o visitante poida atopar con facilidade os artigos que lle interesan.
  
• Crear unha vista páxina cos artigos recentes, os máis populares etc.
• E por suposto poderemos tamén crear unha vista bloque moi especial que será a nosa nube de etiquetas.

Moitos módulos de Drupal xeran automáticamente as súas propias vistas o que facilita o seu manexo. Así por exemplo o módulo Audio xera numerosas vistas moi útiles a hora de crear un AudioBlog (os mais descargados, os mais escoitados, buscas de audio por album, autor etc.)

Os módulos Tagadelic e Tagadelic Views

O módulo Tagadelic é necesario para a xestión das etiquetas ou tags empregadas nos blogs e a súa xestión foi explicada no tema de "Xestión e configuración dun blog en websdinámicas" deste mesmo curso (consúlteo se ten dúbidas).

O módulo Tagadelic Views é un módulo adicional que precisa para o seu funcionamento dos módulos xa mencionados Tagadelic e Views.

Este módulo crea un novo estilo de visualización para unha vista, "tagadelic", que permite que os campos elixidos se amosen nunha nube de palabras.

Pasos a seguir para a elaboración do bloque nube de etiquetas

1. Iniciamos sesión co usuario autor de blog (se temos permisos para crear vistas) ou co usuario adminsitrador (se somos o administrador da web do centro e o rol autor de blog non ten permisos para crear vistas)
2. Accedemos a administración das vistas (ou views) pola ruta que nos corresponda:
   
   • para o administrador: Administrar -> Construcción da páxina -> Views
   • para o autor de blog: no bloque de navegación prememos sobre "Views"
     

3. Na xanela de administración de vistas que se abre prememos sobre a pestana "Add View" para engadir a nova vista
   

   
4. No formulario de creación da vista que se abre poñemos un nome (obrigatorio) do estilo "nube_de_etiquetas_de_nomedoblog" para identificala vista (non se admiten espazos en branco ni caracteres especiais, emprega o guión baixo "_" para separar palabras. No noso caso lle chamaremos "nube_de_etiquetas_proba" . Poñeremos tamén unha descrición.

5. Posto que a vista que imos a crear se vai visualizar nun bloque e non nunha páxina non activamos a opción de páxina e pasamos á sección "Bloque" na que teremos que marcar a opción correspondente para proveer o bloque (con isto Drupal creará automaticamente un bloque coas características estabrecidas pola vista)

6. No tipo de vista (ou "View Type") indicamos o tipo de vista Tagadelic

7. Escribimos o título do bloque (opcional)

8. Indicamos o número de etiquetas ou tags que se visualizarán no bloque (na nube de etiquetas) por exemplo 15
   

9. Marcamos a opción "[More] Link" para que apareza un enlace "máis" que permita acceder a tódalas etiquetas empregadas e non só as que se visualizan na nube.

10. Podemos personalizar o encabezado e o pé da vista, así como a páxina a amosar no caso de non atopar coincidencias na busca aínda que neste caso non é necesario.

11. Na seguinte sección "Fields" engadimos os campos a amosar na nube (no noso caso particular é un único campo, o correspondnete aos tags ou etiquetas dos blogs)
    

12. Seleccionamos na lista despregable de campos dispoñibles "Taxonomy: Terms for etiquetas dos blogs" (o nome desta categoría pode variar dun centro a outro segundo o nome que lle dera o administradro a categoría de etiquetas dos blogs)
    
    
13. Prememos sobre o botón "Add Field" para engadir dito campo, con isto acabamos de decidir que elemntos se amosarán na nube, que neste caso serán as etiquetas dos blogs.

14. Unha vez engadido o campo podemos visualizalo enriba do botón de engadir campos. Podemos poñer unha etiqueta (no caso de vistas tipo tagadelic non ten sentido, isto é útil para vistas tipo listas onde se amosa o título das columnas).
    

15. Marcamos a opción de amosar como links ("As links") para que cada vez que alguén pique sobre unha das etiquetas da nube automáticamente se abran no blog os contidos que foron catalogados con esa etiqueta.

16. Agora precisamos estabrecer algúns filtros para que na nube se amosen só as etiquetas dos artigos publicados no noso blog (neste exemplo o blog de probas)
    
17. Para engadir un filtro seleccionamos na lista de filtros aquel que nos interese e prememos sobre o botón "Add Filter". O primeiro filtro será "Node: Published" para que só se visualicen etiquetas de artigos publicados (os artigos non publicados só son visibles para os usuarios autenticados, nunca para os anónimos)
    
    
18. O segundo filtro será "Taxonomy: vocabulary Name" empregando o operador "Is One of" e seleccionando o Valor "Etiquetas de blogs" para que as etiquetas mostradas sexan as asociadas aos blogs (este paso non é necesario se na web do centro só empregan etiquetado libre os blogs)
    
19. O terceiro filtros será " Node: Authors in role autor de blog" o operador empregado será "Is One of" e no valor seleccionaremos na lista o usuario autor do noso blog (no noso exemplo "proba") Deste xeito as etiquetas que se visualicen serán só as correspondentes ao noso blog. Se non poñemos este filtro visualizaríanse as etiquetas de tódolos blogs, non só do noso.

20. Podemos estabrecer algún criterio de orde pero neste caso non é necesario xa que nas nubes de etiquetas adoitanse poñer por orde alfabética (que xa é a orde establecida por defecto)
    

21. Para rematar prememos sobre o botón "Save" para gardar os cambios

22. Volverá a abrirse a xanela de administracción de vistas ou views onde xa teremos dispoñible a vista que acabamos de crear.
    

Unha vez creada calquera vista pode ser editada (polo seu autor), modificada, eliminada, clonada (ou duplicada) e exportada (para traspasar a outro centro que non será o noso caso)

A opción de clonar é moi cómoda xa que unha vez creada a primeira vista é moi doado obter vistas semellantes sen mais que modificar os filtros.

No caso particular da vista nube de etiquetas, unha vez creada a primeira é inmediato crear nubes de etiquetas específicas para cada blog, sen mais que clonar a vista original e modificando para cada blog o nome da vista e o valor do filtro " Node: Authors in role autor de blog" cambiando o nome do autor do blog na lista despregable.

Visualización da nube de etiquetas nun bloque

Unha vez creada a vista nube de etiqueta ou tag cloud, visualizala nun bloque e moi doado:

1. Accedemos a páxna de administración de bloques dende o bloque de navegación
   

2. Seleccionamos a plantilla ou tema do noso blog
   

3. Na sección de desactivado buscamos o novo bloque que acabamos de crear (levará o nome que lle puxemos nos pasos anteriores)
   

4. Eleximos a columna onde a queremos colocar e o peso
   

5. Prememos sobre o botón "Garda-los bloques" para gardar os cambios

6. Agora buscamos o bloque na zona de bloques activados e o configuramos: eleximos "none" na opción colapsable, podemos poñerlle un título, descrición, indicar se queremos que só se visualice para algún rol determinado (en caso contrario o deixamos baleiro) e se queremos evitar que se visualice accidentalmente noutro blog podemos engadir a opción de visualizar só na ruta do noso blog

7. Prememos sobre o botón gardar cambios e listo! xa podemos visualizar no noso blog a nube de etiquetas. O resultado será semellante ao da seguinte imaxe

9. Nube de etiquetas "Cumulus"

Nube de etiquetas

Unha nube de palabras (word cloud en inglés) é unha representación visual das palabras empregadas nun texto, onde o tamaño da fonte é maior para as palabras que aparecen con máis frecuencia.

Un dos seus usos principais é a visualización das etiquetas dun blog (tag cloud en inglés) ou dunha web, de modo que os temas máis frecuentes no sitio móstrense con maior prominencia.

As etiquetas adoitan ser só palabras e polo xeral adoitan estar en orde alfabética. A importancia dunha etiqueta móstrase co tamaño da fonte.

Nube de etiquetas "Cumulus"

O módulo Cumulus proporciona unha atractiva nube dinámica de tags en flash.

Funcionamento

O funcionamento é o mesmo que o dunha nube de etiquetas clásica pero móstrase dunha forma vistosa e atractiva.

As etiquetas ou tags pódense distribuír de forma uniforme sobre unha esfera en 3D con movemento.

Pódese configurar tanto a gama de cor das etiquetas, como a velocidade de rotación, profundidade, transparencia etc.

A nube ou cúmulo creado está vinculado a un vocabulario ou categoría en concreto que utilice Tagadelic, que no noso caso debe ser a categoría "Etiquetas dos blogs", categoría específica de etiquetado libre creada polo administrador.

A visualización da nube non se pode personalizar para un blog determinado (é única para todo o sitio) e polo tanto o administrador e os usuarios dos blogs deben porse de acordo no modo que configurarán as distintas opcións de visualización: número de etiquetas mostradas, cor, movemento, profundidade, transparencia, tamaños nos que se mostrarán as etiquetas dos diferentes niveles etc.

Dependencias do módulo Cumulus Tag Cloud

O módulo depende dos módulos Taxonomy (incluído no proxecto webs dinámicas e activado por defecto) e de Tagadelic (módulo do que falamos xa nunha sección anterior e que está dispoñible en multisite aínda que non está visible para todos os centros), polo que ambos son necesarios para que funcione.

Dispoñibilidade do módulo Cumulus Tag Cloud

O centro que desexe usalo debe enviar un correo a websdinamicas@edu.xunta.es para que estes dous módulos (Tagadelic e Cumulus) estén dispoñibles para ese centro en particular.

Activación do módulo Cumulus Tag Cloud

Unha vez dispoñamos de ambos módulos o administrador debe activalos en Administración -> Módulos.

Permisos necesarios para o rol autores de blog

A priori os autores de blog non precisan de ningún permiso especial para empregar esta nube de etiquetas.

Se o administrador está de acordo se recomenda que o rol autores de blog teñan estabrecido o permiso para administrar bloques o que lles permitiría ademais de configurar o bloque poder activalo na súa plantilla e decidir en que rexión do seu blog o amosan e o peso que lle asignan.

Noutro caso tería que ser o administrador quen configure o bloque e o active para cada un dos blogs que queran empregalo.

Configuración do módulo Cumulus Tag Cloud

A configuración do módulo Tagadelic xa foi explicada noutra sección deste mesmo curso (consúltaa se tes dúbidas) en canto ao módulo Cumulus unha vez activado crea un bloque chamado "Cumulus Taga Cloud" que pode ser configurado desde a administración de bloques polo administrador ou polos usuarios do rol autor do blog se teñen ese permiso.

Configuración do Bloque Cumulus

1. Inicia sesión co teu usuario autor de de blog

2. Ve á páxina de administración de bloques picando sobre a ligazón "Bloques" dispoñible no bloque de Navegación.
   

3. Non selecciones unha plantilla ou tema xa que esta configuración será xeral para todo o sitio.

4. Busca o bloque "Cumulus Tag Cloud" na lista de módulo desactivados (se non aparece na lista é que o módulo non está activado)
   

5. Preme sobre o botón "Configurar".

6. Na xanela de configuración do bloque mostraránsenos diferentes opcións que teremos que decidir por consenso xa que son comúns a todas as plantillas e por tanto afectarán a todos os blogs do centro. As opcións que se mostran son as seguintes:

   
   • Collapsible: Como en calquera bloque decidir se se pode ou non colapsar ou contraer polos usuarios, para este tipo de bloque elixiremos "None".

   Axustes específicos do bloque

   • Título do bloque: se o desexamos podemos escribir un título, suplantando o titulo orixinal "Cumulus Tag Cloud" por outro máis entendible polos visitantes. Tamén podemos deixalo en branco para non mostrar ningún.

   • Vocabulary IDE: Asignar o bloque ao vocabulario da categoría de onde se van tomar as etiquetas ou tags, no noso caso a categoría etiquetas dos blogs. Precisamos coñecer o número de identificación da categoría "etiquetas dos blogs" ou Vocabulary IDE. O administrador pode proporcionalo, unha forma fácil de pescudalo é picando no link "more tags" dispoñible en calquera bloque de nube de etiquetas creado co módulo tagadelic (ver apartado anterior)
     

   • Tag size interval: o número de niveis de etiquetas que se mostrarán. Por exemplo se pomos 5 mostraranse as etiquetas en 5 niveis onde o nivel 1 corresponde ás etiquetas menos utilizadas e o nivel 5 para as que aparecen con maior frecuencia. Lembrar que canto maior é o nivel maior será o tamaño da fonte ou letra coa que se mostrará a etiqueta.

   • Number of tags to display: o número de etiquetas que se mostrarán na nube, por exemplo 20. Se hai máis etiquetas que as indicadas mostrarase unha ligazón ou link "More tags" que nos mostrará todas as etiquetas empregadas no sitio.

   • Width of cumulus: ancho da nube (medido en píxeles) que se mostrará na columna. Non debe superar o ancho máximo das columnas de calquera plantilla xa que iso produciría o efecto de que a columna se "anchee" desprazando os demais contidos. Recomendamos 180 píxeles ou unha medida inferior. Lembra que podes medir o ancho das columnas empregando a extensión Measureit para Mozilla, explicado na sección de materiais complementarios deste mesmo tema.

   • Height of cumulus: alto dá nube (medido en píxeles) a altura da nube que se mostrará no bloque. Este valor xunto co anterior determinará as proporcións da nube ou cúmulo. No noso exemplo temos asignado un alto de 215 píxeles

   • Background cor of cumulus: a cor de fondo sobre o que se visualizará a nube ou cúmulo (en valor hexadecimal). Se se quere que o fondo sexa transparente debemos elixir o valor ffffff

   • Background transparency: habilitar a transparencia do fondo sobre o que se visualiza a nube. No noso exemplo activamos a transparencia, opción "yes". ^[1]
     

   • Font cor of cumulus: a cor (en valor hexadecimal) da fonte ou letra con que se mostrarán as etiquetas ou tags na nube. No noso exemplo eliximos unha cor vermello intenso "ffffff" pero pode elixirse calquera outra cor acorde coa gama empregada nas plantillas ou temas en uso do centro.

   • Rotation speed: Establece a velocidade de rotación da nube. Os valores recomendados están comprendidos entre 25 e 500. No noso exemplo temos establecido este valor en 150 (valores máis altos provocan que a nube vire demasiado rápido sendo difícil picar sobre algunha etiqueta das que viran na nube.
     

   • Distribute tags evenly on cumulus: ao activar esta opción conseguimos que as etiquetas se distribúan uniformemente sobre a nube proporcionando o efecto de esfera xiratoria en 3D

   • Font size: establecer o tamaño mínimo co que se visualizarán as etiquetas ou tamaño da fonte para as etiquetas de nivel 1

   • Font size interval: o intervalo ou incremento para o tamaño da fonte segundo os diferentes niveis. Por exemplo se establecemos 3 niveis, un tamaño de fonte 10 e intervalo 4, os tamaños con que se mostrarían as etiquetas serían:

   • etiquetas do nivel 1 (as menos usadas): tamaño de letra 10
   • etiquetas do nivel 2: tamaño de letra 14
   • etiquetas do nivel 3 (as máis usadas): tamaño de letra 18

   • Configuración de visibildade por usuario: Deixamos marcada a opción por defecto para que os usuarios non poidan controlar se agochan ou non o bloque, para forzar a que estea sempre visible (se marcamos algunha das outras opcións cada usuario podería decidir se visualiza ou agocha o bloque nas opcións de configuración da súa conta)

   • Mostrar ou bloque para roles específicos: deixamos sen marcar ningún de roles para que esta opción non teña efecto e por tanto o bloque sexa visto por todos os roles de usuarios, tanto os existentes actualmente como os que se vaian creando con posterioridade.
     

   • Amosa-o bloque en certas páxinas: podemos empregar esta opción se desexamos que ou bloque só sexa visible en certas páxinas do centro. Por exemplo se queremos que ou bloque só visualícese nos blogs do centro debemos marcar a opción "Amosar só nas páxinas listadas" e no recadro "Páxinas" engadir a ruta blog/* Pódense engadir tantas rutas como se desexen, unha por liña. As rutas deben ser internas: por exemplo se queremos engadir a ruta da páxina de administración de bloques http://www.edu.xunta.gal/centros/nomedocentro/admin/build/block escribiriamos nunha liña a ruta interna admin/build/block

7. Pulsa sobre "Garda-los bloques" para gardar os cambios.

Coa configuración indicada anteriormente deberíamos visualizar algo semellante a isto:

Visualización do bloque nun blog

Unha vez configuramos o bloque o único que falta é decidir en que blogs móstrase, a rexión ou columna na que se visualizará e o peso.

Estas tres opcións pódense configurar independentemente para cada blog (sempre que empreguen plantillas ou temas diferentes)

1. Desde a páxina de administración de bloques seleccionamos na lista o tema que utiliza o noso blog (se non está xa seleccionado)
   

2. Inicialmente o bloque aparecerá dispoñible e desactivado. Buscámolo na zona de bloques desactivados
   

3. Activamos o bloque seleccionando a columna (dereita ou esquerda) na que queremos que se mostre e asignámoslle un peso.
   

4. Gardamos os cambios

5. Agora xa vemos o bloque activo e ubicado na plantilla do blog
   

Listo, xa temos unha atractiva nube dinámica no noso blog.

---

Nota:

[1] Na configuración do módulo pode lerse unha mensaxe de advertencia indicando que esta característica pode non ter efecto se empregamos versións antigas de navegador, especialmente para os usuarios de Linux.

No exemplo que se mostra na imaxe ilustrativa a nube foi creada co efecto de fondo transparente nun equipo con Ubuntu 10.4 e navegador Mozilla 3.6.17 e como pode apreciarse funciona perfectamente dita transparencia, damos por suposto que esta mensaxe se refire a versións antigas que xa non están en uso.

En calquera caso se tes problemas para facer que o fondo sexa transparente, utiliza Mozilla Firefox cunha versión actualizada.

10. Bloque Arquivos do blog

É moi habitual que os blogs dispoñan dun bloque chamado “Arquivos” ou “Arquivos de entradas” onde se amosa un listado de tódalas entradas do blog catalogadas cronoloxicamente, xeralmente por anos ou incluso por meses.

Na seguinte imaxe se amosa o bloque “Arquivos” dun blog dun centro educativo feito en Drupal dentro do proxecto Webs Dinámicas.

Nas seccións anteriores aprendemos a crear nubes de etiquetas que nos permitían localizar con facilidade un artigo pola súa temática (emprego do etiquetado libre ou social)

O bloque “Arquivos” nos permite localizar e acceder facilmente a unha entrada coñecendo unha data aproximada ou o seu ano de publicación.

Isto resulta especialmente útil cando o blog leva en funcionamento varios cursos e é moi activo, co que o número de artigos publicados é considerable.

Funcionamento

O funcionamento é moi sinxelo: nun bloque se amosa unha lista de anos de publicación, ao premer sobre un ano ou mes determinado accedemos a unha páxina onde se lista por orde cronoloxico tódalas entradas publicadas nese período.

A lista pódese configurar para que amose, ademais do título e o enlace ao artigo completo, outro tipo de información adicional, como a data de publicación, o número de veces que foi visto, o tempo dende a última vez que foi visto etc.

O aspecto do bloque varía dependendo da configuración do mesmo e da plantilla ou tema empregado polo blog.

Aqui podemos ver o memso bloque “Arquivos” nun blog educativos en Drupal coa plantilla ou tema sky.

Requisitos

Para a elaboración deste bloque se precisa crear unha vista ou View que:

• amose nun bloque a lista de anos con artigos publicados no blog.
  

• amose nunha páxina a lista dos artigos por orde cronoloxica para o ano seleccionado no bloque.
  

Polo tanto precisamos:

• O módulo Views (dispoñible para todos os centros públicos participantes no proxecto webs dinámicas) debe estar activado ⁽¹⁾

• A persoa que vai a crear o bloque (sexa o administrador ou sexa o autor de blog) debe ter permisos para administrar as Views.

• A persoa que elabore o bloque debe ter destreza no manexo da web do centro e de Drupal xa que a configuración de Views non é doada nin intuitiva.

• Non se precisa ningún outro permiso especial nin ningún módulo adicional.

Elaboración do bloque Arquivos do blog

Pasos a seguir:

1. Iniciamos sesión co noso usuario

2. Accedemos a páxina de administración das Views
   
   • ruta para o administrador: Administrar -> Construción da páxina -> Vistas
   • ruta para o autor de blog: no bloque de navegación prememos sobre o enlace “views”
     

3. Unha vez aberta a páxina de administración de vistas prememos sobre a pestana “Add” para engadir unha nova vista
   

4. No formulario de creación da vista cubrimos os seguintes parámetros:
   

   Basic Information (información básica)

   • Nome: campo obrigatorio onde indicamos o nome da vista que imos crear (non se admiten espazos en branco nin caracteres especiais, emprega o guión baixo para unir varias palabras)
   • Access: marcamos os roles para os que a vista estará dispoñible, se nón marcamos ningún a opción non terá efecto e estará dispoñible para todos (opción recomendada)
   • Descrición: escribir unha breve descrición que axude a outros autores a entender a utilidade da vista creada, esta descrición se amosa na páxina de administración das vistas.
   
   

   Páxina

   • Provide Page View: proporcionar a visualización nunha páxina. Marcamos esta opción para que se podan amosar nunha páxina a lista dos títulos dos artigos ou entradas dos blogs publicados nun ano ou nun mes determinado.
   • URL: indicar a url ou alias url que terá a páxina, debe ser algo vinculado co blog e polo tanto co mesmo prefixo que este do estilo “blog/nomedeusuario/arquivos” (sen as comiñas)
   • View Type: eliximos o tipo de vista ou estilo co que se visualizarán os resultados (os resultados neste caso será unha lista de entradas publicadas no blog no ano seleccionado). Para este caso en concreto a mais axeitada é “Tab View” ou tipo táboa, pero se poden probar as demais visualizacións.
   • Use Pager: se está marcada os resultados e os resultados da consulta ocupan mais dunha páxina se amosarán os enlaces correspondentes as páxinas seguintes. Se non o marcamos tódolos resultados se amosarán nunha páxina única.
   • Breadcrumb trail should not include "Home": non incluír o enlace á páxina de inicio da web do centro na ruta ou estela que se amosa na cabeceira da páxina. Se non o marcamos na cabeceira da páxina onde se amosa a lista de entradas dun ano poderase ver a ruta completa do xeito: Inicio-> Blogues -> Arquivos, onde "Inicio" nos levará á páxina web do centro, "Blogues" nos levará a unha páxina onde se amosan as entradas de tódolos blogs do centro "Arquivos" nos amosará a páxina que estamos configurando onde se amosan as entradas catalogadas por anos ou meses de publicación.
   • Nodes per Page: neste campo indicariamos o número de entradas a amosar nunha páxina no caso de ter marcada a opción anterior de “Use Pager”.
   • Cabeceira: permite establecer unha cabeceira personalizada para a páxina. Pode darse formato ao texto empregando código html que é o formato de entrada por defecto (full html) aínda que poden elixirse outros formatos.

   Nesta imaxe pode observarse a cabeceira dunha páxina de arquivos personalizada na que se amosa unha imaxe inxerida co módulo light box.
   

   • Footer: pé de páxina, igual que antes pode crearse un pé de páxina personalizado para a vista páxina que estamos creando. Por defecto o formato de entrada é full html (código html puro) pero pode elixirse tamén outros formatos.
   • Empty Text: texto que se amosará no caso de que a consulta non obteña resultados. Podemos por exemplo introducir un texto do tipo “No hai entradas publicadas para ese período”. Como sempre o formato de entrada por defecto é full html aínda que poden elixirse outros formatos.
   • Menú: se se desexa pódese dispoñer dun menú onde se amosen os resultados da consulta. Para este caso en concreto (bloque de “Arquivos”) non é necesario
   
   

   Bloque

   • Provide Block: proporcionar a visualización nun bloque dos resultados. Marcamos esta opción para que se cree un bloque (o bloque “Arquivos”) onde se amosarán os anos nos que atope artigos publicados.
   • View Type: eliximos o tipo de vista ou estilo co que se visualizarán os resultados (os resultados serán os anos nos que atope artigos publicados no blog). Para este caso en concreto a mais axeitada é “List View” ou tipo lista, pero se poden probar as demais visualizacións.
   • Nodes per block: o número máximo de resultados que se amosarán no bloque (por exemplo 5, para amosar os 5 últimos anos)
   • Cabeceira, Footer e Empty text: ao igual que antes temos a posibilidade de personalizar a cabeceira e pé do bloque empregando código html. Tamén podemos personalizar unha páxina para o caso no que non se atopen resultados.
   
   

   Campos:
   Os campos que se amosarán na consulta. Para a vista de “Arquivos” elixiremos os campos título do contido, data de publicación, número de veces que foi visto o contido e última visualización. Para engadir cada un destes campos eliximos o campo correspondente na lista despregable “Add Field” e prememos sobre o botón “Add Field” situado á dereita.

   Os valores de configuración elixidos son:

   • Campo 1:
   • Nome: “Node: Created Time” (data de creación do contido)
   • Label (etiqueta): ningunha
   • Handler: “As custom date” (formato de data personalizado)
   • Option (opción): d/m (para que poña o dia / mes da creación do artigo con valores numéricos)
   • Sortable (ordenable): se activamos a opción permitiría que o usuario puidese tordear os resultados da busca por diferentes criterios). Poñemos “Non”
   • Default sort (orde por defecto): de activar a opción anterior os resultados se amosarían por defecto ordeados polo criterio que aqui se indicase. Poñemos “Non”
   • Ops (opcións): Móstranse unha serie de iconas que nos permiten (por orde de aparición): eliminar o campo, subilo arriba de todo, subilo un nivel, baixalo un nivel, baixalo ao final da lista
   • Campo 2:
     
   • Nome: “Node: Title” (título do contido)
   • Label (etiqueta): ningunha
   • Handler: “Normal” ou con marca de actualizado (elexir o que se queira)
   • Option (opción): “As link” o título se amosará cun link ao artigo completo.
   • Sortable (ordenable): se activamos a opción permitiría que o usuario puidese tordear os resultados da busca por diferentes criterios). Poñemos “Non”
   • Default sort (orde por defecto): de activar a opción anterior os resultados se amosarían por defecto ordeados polo criterio que aqui se indicase. Poñemos “Non”
   • Ops (opcións): Móstranse unha serie de iconas que nos permiten (por orde de aparición): eliminar o campo, subilo arriba de todo, subilo un nivel, baixalo un nivel, baixalo ao final da lista
   • Campo 3:
   • Nome: “Node: Total Hits” (número total de veces que foi visto o artigo ou entrada do blog)
   • Label (etiqueta): “lecturas” (sen as comiñas)
   • o resto das opcións para este campo baleiras.
   • Campo 4:
   • Nome: “Node: Last Hit Time” (tempo transcurrido dende a última vez que foi visto o artigo ou entrada do blog)
   • Label: “visto” (sen as comiñas)
   • o resto das opcións para este campo baleiras.

   
   Argumentos

   Os argumentos amosan ós usuarios filtros para que poidan visualizar os resultados por ano de publicación, ou por mes, por ano e mes...

   Despregamos a lista de tipos de argumentos e unha vez elixido un prememos sobre o botón “Add Argument” (engadir argumento) situado á dereita.
   

   Para o noso caso eliximos:

   • Argument Type: “Node: Posted Year” (ano de publicación da entrada)
   • Por defecto: “Summary, sorted ascendent” (resumo, por orde ascendente)
   
   
   
   

   Filtros

   Os filtros permitirannos establecer que contidos aparecerán na consulta.
   Todas as condicións quedan relacionados entre si polo operador AND, é decir se buscarán resultados que cumpran todas e cada unha das condicións estabrecidas en cada filtro.
   

   • Engadir filtros: No caso da vista “Arquivos” engadiremos tres filtros:
   • que se amosen só os contidos publicados: “Node: Published”, Operador: Equals, Valor: Si
   • que sexan do tipo artigos de blog: “Node: Type”, Operador: “Is One of”, valor: seleccionar da lista “artigo de blog”
   • que o autor do blog sexa o usuario que nos interese (o usuario autor do blog para o que estamos a crear a vista): “Node: Authors in role autor de blogue” Operador “Is One of”, valor: nome do usuario autor do blog.
   • Pódese marcar a opción “Exposed” para que os filtros se visulicen na cabeceira das columnas de xeito que o visitante podia filtrar os resultados ao se gusto.
     
   • Exposed Filters: de ter elixida a opción Exposed para algún dos filtros anteriores aparecerían aqui e poderían configurarse.
   • Sort Criteria: (criterio de orde) engadimos o campo “Node: Created Time” co criterio “order”: ascendente
   
   

5. Finalmente prememos sobre “Save” para gardar os cambios

Mostrar no blog o bloque "Arquivos"

Unha vez creada e configurada a view ou vista de arquivos Drupal creará automáticamente unha páxina (coa url indicada) e un bloque "Arquivos" onde se listarán os anos nos que se atopen artigos publicados no blog e o número de artigos.

Para amosar este bloque no blog seguimos o procedemento habitual para configuración dos bloques do blog.

1. Accedemos a páxna de administración de bloques dende o bloque de navegación
   

2. Seleccionamos a plantilla ou tema do noso blog
   

3. Na sección de desactivado buscamos o novo bloque que acabamos de crear (levará o nome que lle puxemos nos pasos anteriores)
   

4. Eleximos a columna onde a queremos colocar e o peso
   

5. Prememos sobre o botón "Garda-los bloques" para gardar os cambios

6. Agora buscamos o bloque na zona de bloques activados e o configuramos
   

7. Eleximos "none" na opción colapsable, podemos poñerlle un título, descrición, indicar se queremos que só se visualice para algún rol determinado (en caso contrario o deixamos baleiro) e se queremos evitar que se visualice accidentalmente noutro blog podemos engadir a opción de visualizar só na ruta do noso blog

8. Prememos sobre o botón gardar cambios e listo! xa podemos visualizar no noso blog o bloque "Arquivos".

---

Nota:

(1) O administrador da web do centro é quen activa ou desactiva os módulos dispoñibles