1. Activar a opción de comentarios para un artigo

Se o administrador da web ten administrado o tipo de contido artigo de blog de xeito que permita os comentarios entón o profesor pode decidir en cada artigo ou entrada do blog se admitirá ou non comentarios para ese artigo.

A opción pode variarse para cada un dos artigos ou entradas.

Ver imaxe seguinte

2. Participación do alumnado nos blogs

Se o administrador da páxina e o profesor que xestiona o blog así o consideran os alumnos poden escribir nos blogs.

Son espazos colaborativos e irán crecendo na medida na que poidan expresarse neles os alumnos e interactuando cos contidos.

En xeral están pensados para ser blogues de aula ou de materia, os facemos por, con e para os alumnos, pero sobre todo deberiamos facelos "con" eles.

Os alumnos poden participar nos blogs de dous xeitos diferentes:

• O mais habitual e que o fagan comentando ou posteando as entradas publicadas polo profesor. É dicir o profesor publica un artigo ou entrada (algo de interese para a aula, ou sobre o que estean a traballar na clase eses días) e deixa aberta a opción de lectura/escritura de comentarios.
  

Os alumnos leen o artigo, inician sesión co seu propio usuario e contrasinal (pertencente ao rol de alumnado) e envían o seu comentario ou post. Se teñen permisos para enviar comentarios sen aprobación este aparecerá inmediatamente debaixo do artigo (como fíos dunha conversación). Se os comentarios son moderados o profesor deberá aprobalos primeiro antes de que se publiquen.

Podedes ver un exemplo de blog con contidos moderados neste enlace: http://www.edu.xunta.gal/centros/ceipvalesvillamarin/blog/leo

• Outra posibilidade diferente é que o profesor e os alumnos traballen conxuntamente na edición do blog, tanto artigos como comentarios. Neste último caso os datos de usuario e contrasinal terían que ser facilitados polo profesor aos alumnos que vaian a traballar na edición do blog, polo que require un nivel de madurez e confianza dos alumnos implicados.
  

Podedes ver un exemplo de blog con contidos moderados neste enlace: http://www.edu.xunta.gal/centros/ceipvalesvillamarin/blog/trasnos_brigantinos

3. Comentarios moderados

Se o profesor que xestiona o blog e o administrador da web do centro así o deciden os comentarios enviados polos alumnos poden ser moderados.

O funcionamento é o seguinte:

• Un alumno (que iniciou sesión co seu usario e contrasinal) envía un comentario dun artigo publicado no blog
  
• Ese comentario NON se “ve” aínda na páxina
• O profesor recibe un e-mail informándolle do envio dos alumnos
• O profesor inicia sesión na páxina e revisa os comentarios, pode corrixilos, modificalos ou eliminalos e decide se os publica ou non.
• Unha vez que o profesor decide publicalo o comentario visualízase na páxina.
  

Podedes ver un exemplo neste enlace http://www.edu.xunta.gal/centros/ceipvalesvillamarin/blog/leo

Xestión dos comentarios

Na nova xanela que se abre poderemos ver os comentarios que aínda non foron revisados, tendo a posibilidade de editalos, modificalos e se así o decidimos, publicalos.

Sempre podemos ir a ver os comentarios xa publicados e novamente editalos e se así o desexamos retiralos (nese caso volverían a cola de aprobación novamente) ou incluso eliminalos por completo.

Nota: A opción de borrar non se pode desfacer, unha vez eliminado un comentario non se pode recuperar.