ACREDITACIÓN DAS COMPETENCIAS DIXITAIS DO ALUMNADO
ACREDITACIÓN DA COMPETENCIA DIXITAL DO ALUMNADO
Mediante a Resolución do 29 de abril de 2024, da Dirección Xeral de Formación Profesional, dítanse instrucións para a acreditación das competencias dixitais do alumnado que cursa ensinanzas de formación profesional (entre outras) na Comunidade Autónoma de Galicia no curso 2023-2024.
Os niveis e alcance de dita acreditación son:
- Iniciación, acreditable de forma completa.
- Intermedia, acreditable de forma completa ou de forma parcial por áreas de dominio.
A acreditación se obtén de oficio do seguinte xeito:
- Nivel de iniciación: co título de FP Básica.
- Nivel intermedio:
- Co título de técnico superior en calquera perfil profesional.
- Co título de máster de formación profesional (curso de especialización) sempre e cando acredite dispor dun título de técnico superior.
A acreditación do nivel intermedio completo pódese obter:
- Para alumnado de 2º FP Básica: mediante proba específica do nivel intermedio completo, á que se poderá presentar o alumnado matriculado neste curso 2023-24.
- Para alumnado de 2º CM de réxime ordinario que simultaneamente obteña a titulación no presente curso 2023-2024: mediante proba exclusiva da área de dominio 4.
O alumnado destes grupos que desexe realizar a proba específica solicitará a súa inscrición empregando o modelo establecido no Anexo I da devandita Resolución.
No caso de menores de idade deberá contar coa autorización das persoas proxenitoras ou titoras legais.
A solicitude entregarase nas oficinas do centro coa seguinte data e hora límite:
mércores 22 de maio ás 12 horas.
O alumnado poderá realizar unha proba de exemplo do nivel intermedio na ligazón: https://certificacion-competenciasdixitais.xunta.gal/gl
Para calquera consulta ou aclaración, consultade en Dirección.
