NORMAS DE FUNCIONAMENTO CEIP SOBREIRA
· Nas entradas e saídas, o alumnado permanecerá no patio cuberto agás o alumnado de Educación Infantil que agardará na entrada principal. Ás 9:00 abrirase o Centro e haberá unha quenda de mestras de garda, polo que rogamos que os pais/titores non permanezan no patio de Primaria.
· Para evitar situacións de perigo é necesario acceder ao Centro polo acceso peonil. O acceso con vehículos está restrinxido. Recordamos a necesidade de deixar libre o espazo reservado para o autobús escolar.· Ás 9:30h pecharase o portón. No caso de chegar tarde á primeira hora, de xeito reiterado, pasarán por Secretaría.
·
É obrigatoria a asistencia e puntualidade. As faltas notificaranse e xustificaranse aos titores/-as por medio da axenda escolar ou notas informativas.
·
O alumnado que teña que saír antes do horario lectivo, informará na zona administrativa do centro e cubrirá o rexistro da saída.
·
Todo o alumnado debe presentar un teléfono de contacto actualizado e operativo para poder comunicarnos no caso de emerxencia sanitaria ou imprevisto.
·
Durante as saídas extraescolares (que son actividade regradas do colexio) o alumnado está baixo a tutela do profesorado,debendo respectar e obedecer as instruccións dadas polo profesorado en todo momento.
·
Rogamos que os pais/titores non accedan ás aulas en horario lectivo.
·
Para entrevistas cos titores, martes de 17:45 a 18:45 previa cita. O profesorado atenderá ás familias neste horario xa que antes participa en diversas reunións de programación e dinamización.
·
Se o seu fillo/-a comenta algún problema relacionado co Centro, cos compañeiros, co profesorado... o primeiro contacto é a titora e, se fose necesario, o Equipo Directivo tentará de mediar para resolver calquer contratempo.
·
Os pais/titores legais, deben devolver os informes e boletíns de notas asinados.
·
No caso de padecer algunha alerxia ou necesidade dalgún tipo de atención médica específica debe comunicalo á titora, entregar a certificación médica que o acredite en Secretaría e, de ser o caso, inscribilo no programa de Alerta Escolar Médica.
·
É aconsellable marcar a roupa e pertenzas. As prendas extraviadas estarán no corredor da ANPA.
·
Non está permitido traer obxectos innecesarios (máquinas de xogos, teléfonos móbiles...) ou perigosos.
(esta información está recollida no boletín informativo)
