Secretaría

Estimadas familias:

A Consellería anuncia a convocatoria de fondo solidario de libros de texto e de axudas para adquirir material escolar para o vindeiro curso.

A información resumida está contida nesta Circular informativa.

As solicitudes presentaranse preferentemente de xeito telemático nos seguintes espacios web antes do 21 de xuño, día no que remata o prazo:

Fondolibros (Para cubrir a solicitude)

Chave365  (Para entregala, xunto ca documentación aportada)

Tamén se pode presentar a solicitude na secretaría do centro, debidamente cuberta e acompañada da copia do libro de familia e resto de documentación, no horario de atención ao público.

Solicitude (anexos I e II)

NOTA: O alumnado de 6º de Primaria que pase de curso deberá facer a solicitude no IES PASTORIZA ou naquel instituto no que fose admitido. No caso de estar pendente de admisión, deberá facelo neste centro.

Ata o 5 de febreiro estará aberto o prazo para o alumnado de 6º de EP que queira continuar estudos de ESO no IES PASTORIZA.

O procedemento pódese facer online na web da Consellería mediante esta ligazón, ou cubrir o impreso de RESERVA DE PRAZA  e entregalo na Secretaría deste colexio.

Tamén se pode facer directamente, cubrindo a documentación que se lles entregou aos vosos fillos e fillas.  

Importante: No caso de elixires outro centro, tedes de prazo ata o fin do mes de febreiro para comunicar por escrito a renuncia.

O RESTO DO ALUMNADO NON PRECISA REALIZAR NINGÚN TRÁMITE, dado que xa ten reservada a praza neste centro polo dereito de Permanencia.

Aquí tedes máis información: https://www.edu.xunta.gal/portal/node/42051

Estimadas familias:

Xa están dispoñibles as listaxes provisionais de beneficiarios de axudas de vales e fondolibros para o vindeiro curso. Pódese ver no taboleiro interior do centro educativo. Comunicamos que hai dous días de prazo para posibles reclamacións.

Nesta lista non figuran as materias adxudicadas. O venres publicarase a listaxe definitiva, coa relación exacta de libros e materias que corresponderán a cada alumno.

Rematado o prazo de alegacións á listaxe provisional, comunícase que xa está dispoñible no taboleiro principal, dentro do recinto escolar, a relación definitiva de alumnado admitido e non admitido que fixo a solicitude dentro do prazo establecido. 

PROCEDEMENTO A SEGUIR:

Deberán formalizar a matrícula do 20 ao 30 de xuño, aportar a documentación seguinte:.

- Tarxeta sanitaria.

- Libro de vacinas (cartilla saúde).

- 2 fotos tamaño carné.

- Impreso (cuberto) de formalización de matrícula.

As solicitudes non admitidas e as presentadas fóra de prazo deberán agardar á resolución da Comisión de Escolarización, que decidirá o que proceda e contactará cas familias afectadas.

IMPORTANTE: DE NON FACER EFECTIVA A MATRÍCULA DENTRO DO PRAZO ANTES INDICADO PERDERÁN O DEREITO Á PRAZA OBTIDA.

Do día 1 ao 20 de marzo estará aberto o prazo para presentar solicitude de admisión nos centros de ensino públicos e concertados da Consellería de Educación.

Dita solicitude pode realizarse directamente, accedendo á aplicación admisionalumnado. Alternativamente, tamén se pode entregar, unha vez cuberta, na Secretaría do colexio, en horario de atención ao público (de luns a venres, de 9,30 a 10,30 horas e de 13,10 a 14,00).

Convén ter en moi en conta a seguinte información:

- Vacantes ofertadas e información resumida (circular informativa)

- Solicitude (Anexo II).

- Díptico informativo (horario, servizos...)

Toda a información está exposta no taboleiro de anuncios do centro e irá actualizándose co tempo. 

XORNADA DE PORTAS ABERTAS:

O día previsto para poder ver o colexio será o luns, 6 de marzo, ás 6 da tarde.