Secretaría

BENVIDOS AO CEIP SAN ROQUE DARBO

Xov, 04/25/2024 - 13:26 — Felix

1 adxunto

AXUDA LIBROS E MATERIAL ESCOLAR CURSO 2024-25

Mar, 05/21/2024 - 16:40 — Felix

(Código procedemento ED330B)

Está aberto o prazo desde o día 21 de maio ata o 21 de xuño de 2024 (inclusive) para solicitar:

Fondo solidario de libros de texto: alumnado matriculado de 3º a 6º de Educación Primaria e ESO. Os/As alumnos/as de 5º e 6º de E. Primaria participan no Proxecto Edixgal, polo que quedan excluídos do fondo solidario ao empregar material dixital.
Axudas para adquirir libros de texto: alumnado matriculado en 1º e 2º de Educación Primaria.
Axudas para adquirir material escolar: alumnado matriculado de 1º a 6º Educación Primaria e ESO.

Forma de presentación:

Poderase presentar presencialmente na secretaría do centro ou telematicamente a través da aplicación Fondo solidarioempregando calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e Chave365.

IMPORTANTE: Recoméndase que a persoa solicitante sexa a persoa que vaia a recoller o vale de axuda de libros, material escolar ou os libros do fondo solidario. De non ser así para a recollida, haberá que traer unha autorización por escrito da persoa solicitante con fotocopia do DNI da persoa solicitante e da autorizada.

O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024

Podedes descargar aquí os Anexos I e II

Non esquezades cubrir e asinar as dúas táboas do Anexo II (son táboas diferentes).

Ante calquera dúbida, podedes chamar á secretaria do centro 886 120 954.

Máis información:

ORDE do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25 (códigos de procedemento ED330B, ED330G e ED330H). Enlace
Manual de usuario para os cidadáns: enlace

2 adxuntos

SOLICITUDE COMEDOR/TRANSPORTE CURSO 2024-25

Dom, 05/19/2024 - 18:22 — Raquel Bretaña

Estimadas familias. O prazo para solicitar os servizos complementarios de comedor e transporte para o vindeiro curso 2024-2025 estará aberto entre os días 20 e o 31 de maio de 2024, ambos incluídos. O alumnado que xa foi usuario durante o presente curso dalgún destes servizos levará a documentación na súa mochila para a renovación dos mesmos de cara ao próximo curso.

Para as novas altas deberanse recoller as solicitudes na secretaría do colexio ou ben descargalas a través dos seguintes enlaces.

Para calquera dúbida estamos á vosa disposición. Un saúdo. O equipo directivo.

2 adxuntos

Becas para o alumnado con necesidades específicas de apoio educativo (NEAE)

Mar, 05/14/2024 - 17:04 — Raquel Bretaña

Desde o 30 de abril de 2024 ata o 13 de setembro de 2024 está aberto o prazo de solicitude das Becas para o alumnado con necesidade específicas de apoio educativo (NEAE) para o vindeiro curso 2024-2025.

Aquelas familias que cumpran os requisitos e o desexen poderán realizar a solicitude online na ligazón que se amosa a continuación.

https://www.educacionfpydeportes.gob.es/servicios-al-ciudadano/catalogo/general/05/050140/ficha/050140-2024.html

Para calquera dúbida consulten a información que se anexa na Resolución da Convocatoria ou na Información do Ministerio de Educación a través do seguinte enlace: https://www.becaseducacion.gob.es/becas-y-ayudas/ayudas-apoyo-educativo/como-solicitarla.html#pasos-para-solicitarla

Así mesmo o centro queda a súa disposición sempre que así o precisen.

1 adxunto

PUBLICACIÓN LISTAXES PROVISIONAIS DE ADMISIÓN PARA O CURSO 2024-2025

Xov, 04/25/2024 - 09:25 — Raquel Bretaña

Informamos que todas as solicitudes de admisión presentadas para o vindeiro curso 2024-2025 foron admitidas. Pódense consultar as listas no taboleiro do edificio administrativo do centro. A matrícula deberá ser formalizada entre 20 e 30 de xuño.

Tecnoloxía con sentidiño

Mar, 04/02/2024 - 15:21 — Felix

A Consellería de Cultura, Educación, Formación Profesionale e Universidades lanza a segunda edición do Ciclo de Cultura Científica, aberto ao público en xeral, e especialmente dirixido á comunidade educativa e aos docentes en particular. Baixo o título Tecnoloxía con sentidiño, abordaranse varias temáticas en torno á tecnoloxía, como o uso da mesma nas aulas, a súa relación coa saúde infanto-xuvenil e a psicoloxía ou a Intelixencia Artificial, entre outros.

A Xunta organiza este ciclo nun momento no que o uso da tecnoloxía é motivo de debate no ámbito do ensino, e de especial interese para as familias. O obxectivo é ofrecer certezas e contribuír a unha reflexión seria e documentada, con expertos do maior nivel, e baseada en investigacións.

Desenvolveranse charlas de hora e media de duración, de 18:00 a 19:30, e poderán seguirse de forma presencial no auditorio Neira Vilas da Biblioteca de Galicia en Santiago de Compostela, ou ben tamén na canle de YouTube da Consellería de Cultura, Educación, Formación Profesional e Universidades.

O ciclo comeza o día 4 de abril coa presenza de Héctor Ruíz Martín, investigador e director da International Science Teaching Foundation, que impartirá o relatorio Que nos di a investigación sobre o uso da tecnoloxía na aula.