Adxúntase a listaxe de libros de texto para o vindeiro curso 2022/2023.

De 1º a 4º de EP debedes mercar o Activity Book de Inglés, xa que é un libro funxible, e non entra no banco de libros.

 Este ano as Letras Galegas dedicáronselle a Xela Arias, poeta contemporánea da cal aprendemos moito estes días a través das diversas actividades que fixemos no centro.

Para comezar, as nenas e nenos de 6º de Primaria recolleron información a través dun xogo de pistas e con ela fixeron tres Kahoots adaptados a diversas idades. Animámosvos a que xoguedes en familia, canto coñecedes sobre Xela? Para xogar debedes entrar en:

 ·       Educación Infantil: https://create.kahoot.it/share/xela-arias-infantil/2f2c4404-3d7c-4e13-8aea-18f3f0110aa7

 ·       1º, 2º e 3º de Primaria: https://create.kahoot.it/share/xela-arias-primaria-i/03f09519-e566-4496-b082-c56863b23360

 ·       4º, 5º e 6º de Primaria: https://create.kahoot.it/share/xela-arias-primaria-ii/eac3ec6f-998c-424f-8e92-4e6ecade6904

 Ademais, recordámosvos que temos moitos Kahoots de autores doutros anos aos que podedes seguir xogando:

 https://create.kahoot.it/profiles/58898e0f-651c-4c4d-bba3-22546550667f

 Tamén limos os libros "Darío a Diario", "Non te amola" e "Os Bolechas. Xela Arias" a partir dos cales fixemos o seguinte mural:

Adxuntamos en arquivos anexos as instruccións para o uso da aplicación COLECHEF, referente á xestión dos servizos do comedor.

Hai dous arquivos: para usuarios actuais e para novos usuarios.

O pasado venres 7 celebramos a festa dos Maios cantando as nosas propias coplas. Aquí vos deixamos un vídeo que esperamos que vos guste 

O 24 de febreiro celebramos o 183 aniversario do nacemento de Rosalía de Castro, a poetisa máis importante de Galicia.

E para festexalo, todos os nenos e nenas do centro participamos na realización deste mural. Tamén traballamos a autora na aula realizando caretas, recitando poemas, buscando a súa biografía, xogando a un Escape Room virtual sobre Rosalía, etc.

Este ano o Meco decidiu ir de viaxe arredor do mundo, parece que aínda non está informado das restriccións pola COVID 19. Seica escoitou falar dun tal Willy Fog que está de viaxe coas nenas e nenos de infantil e quere acompañalos. Están dando a volta ao mundo coa axuda do alumnado de 6º de Primaria, pois son moi bos guías turísticos e envíanlles vídeos sobre cada cidade que visitan.

O Meco propónnos acompañalo nesta longa viaxe, pero para iso...debemos vestirnos como bos turistas! A continuación tedes os mandatos que seguiremos dende o luns 8 ao venres 12.

Recordade que é acumulativo, é dicir, cada día traeremos o novo accesorio xunto cos dos días anteriores.