O EDLG do CEIP Ponte do Porto, impulsa dende hai varios cursos unha gran parte das actividades do centro: o Samaín, o Magosto, o Nadal, o Entroido e o día das Letras Galegas. Todas estas actividades son levadas a cabo en lingua galega, potenciando tanto a súa forma oral coma escrita. Ao mesmo tempo, a celebración destas actividades, aprovéitase ao máximo para que os alumnos e alumnas amplíen o seu coñecemento da cultura e tradicións galegas, respectándoas e facéndoas súas. Ademais, o EDLG fomenta e suxire todo tipo de estratexias para o uso da lingua galega no conxunto da comunidade educativa.