ESCOLARIZACIÓN CURSO 2019/2020

Xov, 07/03/2019 - 23:42 — Siteadmin

NOTA INFORMATIVA Nº 14 FAMILIAS CURSO 2018/2019

Escolarización 2019 – 2020

CALENDARIO DO PROCESO DE ADMISIÓN PARA O CURSO 2019/20
Reserva de praza (alumnado adscrito)	Do 1 ao 15 de febreiro
Publicación de vacantes	1 de marzo
Presentación de solicitude de admisión (alumnado novo no centro)	Do 1 ao 20 de marzo
Publicación das listaxes provisionais de admitidos e non admitidos	Antes do 25 de abril
Publicación de listaxes definitivas	Antes do 15 de maio
Formalización da matrícula	Do 20 ao 30 de xuño

Dende o 1 ao 20 de marzo, ámbolos dous incluídos, estará aberto o prazo de admisión para novo alumnado. A documentación que deben presentar é a seguinte:

• Impreso de solicitude de admisión – Anexo II (poden recollelo no centro).

• Copia do DNI da persoa solicitante e dos membros computables da unidade familiar, cando denegue a súa consulta.

• Documento acreditativo do requisito de idade do alumno/a.

• Documento acredtitativo de estar en disposición de reunir os requisitos académicos exixidos en cada nivel educativo ou etapa.

• Convenio regulador ou resolución xudicial de separación xudicial ou divorcio, se é o caso.

Só se pode presentar unha solicitude, no centro no que se solicita praza en primeiro lugar. O incumprimento desta norma fará perder o dereito de todas as solicitudes presentadas.

No caso de cambiar de centro, os pais/nais ou titores legais do alumnado, deberanlle remitir ao centro de procedencia unha copia da solicitude que formulen para ser admitidos noutro centro.

Se finalizado o prazo de matrícula non se formalizase a mesma, decaerá o dereito á praza obtida.

LEMBRADE QUE O PROCESO DE ADMISIÓN SÓ É PARA NOVO ALUMNADO QUE QUEIRA MATRICULARSE NO CENTRO PARA O CURSO 2019/20

Traba-Castriz, 25 de febreiro de 2019

O Equipo Directivo