Hoxe tivemos a sorte de contar con Jorge Castelo para falarnos dun antigo costume carnavaleiro que este ano imos recuperar no noso cole: a morte e resurrección do burro. Esta tradición comezou, cando menos, a comezos do século XVIII, nela participaban Castriz, Bazar, San Salvador e outras moitas aldeas da zona. Jorge leva uns catro anos recollendo información sobre este antigo costume e hoxe, amosounos, ademais dos disfraces, diversos adornos coma máscaras de madeira ou o pau de moca. No adxunto, teredes a entrevista de radio con máis detalles sobre este curioso e divertidísimo costume. Moitas grazas a Jorge e tódolos cativos que participaron neste gran anaco da nosa historia!
