No pdf adxunto publicamos toda a información relativa ás becas ANEAE para o vindeiro curso 2024-25. O plazo remata o 13 de setembro do 2024.

Está aberto o plazo de admisión para o curso 2024-25. Tedes nos adxuntos os impresos e vacantes ofertadas.

O Departamento de orientación do noso centro achega para información das familias unha folla explicativa sobre a prevención dos riscos nos usos das pantallas. Podedes acceder á mesma abrindo o adxunto.

Detectado un erro  nos libros de 2º primaria, publicamos de novo  a listaxe completa

Publicamos as normas do centro para este curso 2023/24. consultádeas no adxunto.

Publicamos as datas e horario das xuntanzas de principio de curso coas familias no presente curso 23/24

Publicamos o calendario de adaptación para o presente curso 2023/24. Consultádeo no adxunto.

Convocada a orde pola que se regula a participación no fondo solidario de libros de texto e se convocan axudas para adquirir libros de texto e material escolar.

https://www.edu.xunta.gal/fondolibros/

As solicitudes presentaranse preferiblemente por vía electrónica a través da aplicación fondolibros (https://www.edu.xunta.gal/fondolibros/) ou da sede electrónica de Galicia (https://sede.xunta.gal/ )

Tamén se poderá solicitar o Anexo I e Anexo II por correo electrónico (ceip.parroco.doncamilo@edu.xunta.gal ) e será enviado a través dos alumnos

Horario de entrega presencial: luns, mércores e venres de 9.00 h a 10.00 h. Martes de 17.30 a 18.30 h. Recordamos que as solicitudes de fondo de libros e axudas libros tamén se poden entregar a través dos alumnos. O prazo rematará o 21 de xuño

Prazo de presentación: do 8 de maio ata o 20 de setembro do 2023

(Para evitar complicacións na tramitación das solicitudes non deben agardar ao derradeiro día)

Atendendo á publicación no BOE poderá solicitar as axudas "o alumnado que presente necesidades educativas especiais derivadas de discapacidade, trastornos graves de conduta ou trastornos graves da comunicación e da linguaxe asociada a necesidades educativas especiais". Así mesmo, poderá solicitar ditas axudas o alumnado con Trastorno do Espectro Autista e o alumnado con necesidade específica de apoio educativo asociado a Altas Capacidades.

"Esta convocatoria inclúe como novidade un subsidio para gastos adicionais de carácter xeral derivados da escolarización de estudiantes con necesidades específicas de apoio educativo, que terá un importe de 400 euros (...), que se sumará ás cuantías que xa figuraban en convocatorias anteriores, resultando un incremento adicional das axudas." Esta axuda diríxese ao alumnado que presenta necesidades educativas especiais derivadas de discapacidade, trastornos graves de conduta, trastornos graves da comunicación e da linguaxe, trastornos do espectro autista e altas capacidades intelectuais.

Os umbrais de renda e patrimonio están especificados na convocatoria.

Os solicitantes deben cubrir a solicitude vía Internet.
Toda a información e as explicacións para realizar a solicitude están na seguinte ligazón: 
https://www.becaseducacion.gob.es/becas-y-ayudas/ayudas-apoyo-educativo/como-solicitarla.html

Despois de cubrir e pechar a solicitude teñen que imprimila en papel e asinala. Así mesmo, no gabinete psicopedagóxico ao que acode o seu fillo/a terán que cubrir, selar e asinar o seu apartado dos documentos impresos da solicitude.
Posteriormente deberán entregar no Departamento de Orientación do seu centro os papeis impresos de solicitude cubertos, asinados pola familia e selados polo gabinete externo xunto coa documentación requerida: (certificado do número da conta bancaria do alumno/a,  e de se-lo caso, diagnóstico médico do Sergas,certificado de discapacidade e/ ou título de familia numerosa). 
Poden comprobar a documentación requerida no seguinte enlace: https://www.becaseducacion.gob.es/becas-y-ayudas/ayudas-apoyo-educativo/que-necesitas.html

Así mesmo, poden consultar toda a información da convocatoria no seguinte enlace: https://www.educacionyfp.gob.es/servicios-al-ciudadano/catalogo/general/05/050140/ficha/050140-2023.html

Comunicamos que todas as solicitudes de reserva de praza de centro adscrito para o curso 2023/2024 teñen praza neste centro.

INFORMACIÓN PARA AS FAMILIAS:

 - Se presentan unha solicitude no prazo de admisión  teñen que renunciar a praza de centro adscrito do Ies Coruxo antes do 28 de febreiro  (este incluído). 
- A data para realizar a matrícula para 1ºESO  comunicarémola antes do remate do curso escolar e faremos chegar o impreso de matrícula aos centros adscritos.

Publicamos toda información e documentos relativos ao proceso de admisión para o curso 2023-24. Podedes ver todo premendo nos adxuntos

Publicamos o tríptico informativo sobre o noso cole para a admisión para o curso 2023-24. Podedes descargalo no adxunto. 

Consultade as datas para coñecer o noso cole dentro do proceso de admisión para o curso 2023-24. Tamén podedes chamar ó teléfono 886 120 222  e informarvos.

Comunicamos que entre o 16 de xaneiro e o 6 de febreiro de 2023 está aberto o prazo para facer a reserva no IES CORUXO para 1º da ESO.  Poderase efectuar dita reserva a través da aplicación https://www.edu.xunta.gal/admisionalumnado/  ou ben entregando os impresos de solicitude no colexio.  Ditos impresos poderán descargalos na páxina web do centro ou solicitalos en secretaría.

Publicamos o plan dixital para este curso 2022-23

Publicamos as instrucións sobre Covid-19 para o curso 22-23

Publicamos as normas de centro e comedor para o presente curso 2022-23

Publicamos o último protocolo covid 19 da Consellería coas novidades nas normas de actuación. Podedes acceder ao mesmo na páxina oficial ou consultar o adxunto.

Publicamos os novos criterios de promoción, titulación e matrícula de honra segundo a ORDE DO 25 DE XANEIRO DO 2022, pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia.
Estes criterios atópanse nos documentos que se achegan. Achégase a orde de referencia.