Guía de uso da Aula Virtual

A medida que se navega polas diferentes áreas da nosa aula virtual, esta barra de navegación irá mostrando a ruta que identifica en qué pantalla estamos en cada momento, facilitando así que poidamos volver a páxinas anteriores. Pulsando sobre calquera dos enlaces que se mostran na barra de navegación podemos ir directamente á pantalla que identifica ese enlace. Sempre será preferible utilizar esta barra de navegación de Moodle en lugar dos botóns “atrás” e “adiante” do navegador web, que poderían xerar erros de visualización.

Permítenos, así mesmo, navegar polos cursos nos que estamos matriculados, en función do lugar no que nos atopemos, será mais cómodo acudir ao bloque de navegación para "voltar atrás" que á barra de navegación.

Aquí aparecerán os cursos nos que o alumno está matriculado. Para acceder, debe premer sobre o mesmo.

Serve como enlace directo á área persoal do usuario. Ofrece todas as opcións dispoñibles para editar o perfil do usuario, cambiar o contrasinal e xestionar a mensaxería.