Preguntas
Enterámonos que na biblioteca do centro precisan cartaz ilustrado sobre o autor homenaxeado nas Letras Galegas 2018. Na nosa clase decidimos colaborar, pero para realizar esa tarefa primeiro témonos que informar de que é e cal foi a súa vida e obra. Teremos que resolver as seguintes tarefas para poder resolver a Caza do Tesouro:
Tarefa individual: Pescuda de información sobre o autor homenaxeado nas Letras Galegas 2018
Para acadar o tesouro, primeiro deberedes responder individualmente a todas estas preguntas:
(Non fai falta que copiedes as preguntas, xa que se facilita un guión, que deberedes cubrir, no apartado de recursos).
- A quen se lle dedican as Letras Galegas de 2016?
- Onde naceu e cando?
- En que cidade realizou os seus estudos de bacharelato?
- Que profesión tiñan os seus pais?
- Que carreira estudou en Madrid?
- Como se titula o primeiro libro que publicou?
- Cal foi a súa profesión?
- Como se chama a colección que dirixiu e de que editorial era?
- En que tres lugares traballou en Galicia?
- Dos libros que escribiu, cal era o seu favorito?
- Con que libro gañou o premio "O facho"?
- Onde e cando finou?
Tarefa en grupo: Elaboración dunha galería de imaxes sobre a súa vida e obra.
Crearemos un catafol compartido en Google Drive no cal iremos descargando as imaxes que fagan referencia a súa vida e obra. Para elo, por parellas, realizaredes a seguinte actividade:
- Elaborar unha galería de imaxes compartida en Google Drive entre os membros do equipo.
No apartado de Recursos atoparás as ligazóns e materiais necesarios para completar a Caza do Tesouro.
Licenza: outras licenzas de software libre