Como crear un foro
Para que serven os foros?
O foro é unha ferramenta de comunicación e traballo. Un foro pode verse como un taboleiro de mensaxes en liña onde os profesores e os alumnos poden colocar novas mensaxes ou responder a mensaxes antigas, creando desta maneira fíos de conversa.
Os participantes no curso (alumnado e profesorado) poden realizar as súas intervencións no momento que queiran e estas quedarán rexistradas de forma automática co nome do seu autor, así como a data e hora da súa publicación.
Moodle permite crear distintos tipos de foro, dando a posibilidade de incorporar ficheiros adxuntos a cada mensaxe e incluso (depende da configuración do foro) cualificando as intervencións. Nos foros tamén é posible subscribirse, de maneira que o usuario recibirá un correo electrónico con cada nova intervención.
Como se crea un foro?
Para engadir un foro ao noso curso debemos seguir os seguintes pasos:
- Activar o "modo edición".
- No tema que se desexe, pulsar sobre o enlace "Engadir unha actividade ou un recurso".
- Seleccionar a actividade "Foro"
- Pulsar o botón "Engadir".
Os aspectos configurables dun foro aparecen clasificados por apartados, dos que destacamos os seguintes:
Xeral
Nome do foro = Introduce o nome que queiras para identificar o foro.
Descrición = Un pequeno texto onde se explique a temática do foro, os tipos de debates que se permiten ou calquera outra circunstancia que se queira indicar.
Tipo de foro = Será necesario seleccionar un tipo de foro, de entre os seguintes:
| Tipo de foro | Como funciona |
| Cada persoa comenta unha discusión | Cada alumno pode comentar un novo tema de debate, e todos poden responder. |
| Foro de preguntas e respostas (P e R) | Os alumnos primeiro deben escribir os seus puntos de vista antes de ver os comentarios dos demais. |
| Foro estándar para uso xeral | É un foro aberto no que calquera pode comezar un novo tema de debate en calquera momento. |
| Foro estándar presentado nun formato semellante ao dun blog | É un foro aberto no que calquera pode comezar un novo tema de debate en calquera momento e no que os temas de discusión amósanse nunha páxina con ligazóns «Discute este tema». |
| Unha discusión simple única | Un único tema de discusión que todos poden responder (non se pode utilizar con grupos separados) |
Anexos e reconto de palabras
O profesorado pode decidir se permite xuntar ficheiros ás intervencións dos participantes e, de ser así, tamén pode decidir o tamaño máximo do ficheiro xunto. Ademais tamén poderá configurar o número máximo de ficheiros anexos, así como o número de palabras utilizadas en cada mensaxe.
Subscrición e seguimento.
A modalidade de subscrición implica que se envíe unha copia de cada intervención no foro a todas as persoas participantes do curso, de acordo aos seguintes criterios:
- Subscrición opcional
Cada participante pode decidir se desexa estar subscrito ou non - Subscrición forzada
O profesorado obriga a que todos os usuarios estean subscritos, sen posibilidade de que poidan darse de baixa individualmente - Autosubscrición
O profesorado deixa inicialmente subscritos a todas as persoas participantes, pero cada un individualmente pode decidir darse de baixa - Subscrición desactivada
O profesorado non permite a subscrición de ningún usuario a ese foro.