Días non lectivos

O próximo 7 de decembro (Día do ensino) e 8 de decembro (Día da Inmaculada Concepción) son días non lectivos.

O mércores 9 de decembro comezan outra vez as clases.

 

Reparto de máscaras para o alumnado

 A Xunta vén de emitir a Orde do 6 de novembro de 2020, pola que se regulan os criterios e o procedemento de distribución de máscaras entre o alumnado matriculado en EP, ESO e educación especial en centros docentes públicos e privados concertados, no curso 2020/21. Pode consultarse aquí.

Destinatarias: familias con renda per cápita igual ou inferior a 6000 euros (segundo a suma dos recadros 432 + 460 da Renda do ano 2018).

Aquelas familias que percibiron este curso os 50 euros de axuda de material non terán que solicitar nada. O centro repartiralles máscaras á maior brevidade posible.

Prazo de Solicitude (para familias con renda per cápita igual ou inferior a 6000 euros, que non recibiron axudas para material escolar): do 16 ao 27 de novembro do 2020, na propia secretaría do centro.

Cómpre pedir cita previa.

 

Material Escolar de cada curso

Xúntase relación de material escolar para cada un dos cursos de Educación Primaria.

COMENZO DAS CLASES

Seguindo a Resolución do 1 de setembro de 2020 o alumnado incorporarase de xeito gradual:

O día 10 de setembro incorporarase o alumnado de 4º e 5º de educación infantil; 1º, 2º e 3º curso de educación primaria.

O día 11 de setembro incorporarase (engadíndose aos anteriores) o alumnado de 6º de educación infantil e 4º, 5º e 6º curso de educación primaria.

 

Todo o alumnado deberá traer unha máscara posta, para poder acceder ao centro e ao autobus (de ser o caso) e outra de reserva, así como uns sobres para podelas gardar cando non se estean a usar.

O primeiro día, e para non compartir material deberán traer un kit básico de útiles de escritura que podería ser un lapis, unha goma, unha libreta e un afialapis.

Reunións de inicio de curso e información COVID

Debido as actuais restricións de reunións a un máximo de 10 persoas vanse ter que desdobrar algunhas das reunións de inicio de curso, polo que haberá cambios no dia e hora así como no número de participantes. Cada titor/a vaise poñer en contacto coas familias para dar instrucións máis concretas.

PLANS COVID-19 adaptados ao noso centro.

En base ao Protocolo de Adaptación ao contexto da COVID-19 para o curso 2020-21 e ás Instruccións da Dirección Xeral en relación ás medidas educativas que se deben adoptar no curso 2020-21, elaboráronse os seguintes documentos para a comunidades educativa do noso centro:

Poden consultarse os documentos no seguinte enlace.

Tamén elaboramos un tríptico coas dúbidas máis demandadas polas familias. Pódese consultar aquí.

COMEDOR CURSO 2020/21

Na páxina web da ANPA as Lavandeiras está publicada a información relativa ao comedor escolar para o vindeiro curso 2020/21: criterios de acceso, datas de inscrición, prezos... Pódese atopar aquí: http://www.aslavandeiras.es/novas/comedorcurso20202021.

REUNIÓNS COAS FAMILIAS DE INICIO DE CURSO

Convócanse reunións coas familias do alumnado de Educación Infantil para o día mércores 9 de setembro co seguinte horario:

4º E. Infantil (3 anos): 9:30 da mañá.

5º E. Infantil (4 anos): 11:00 da mañá.

6º E. Infantil (5 anos): 12:30 da mañá.

 

Poderá asistir unha persoa por familia . Deberá traer máscara.

É probable que, debido á situación actual co COVID'19 poidan xurdir modificacións. Por favor, permanezan atentos á web por si temos que facer cambios.

CALENDARIO DE ADAPTACIÓN 2020-21. ALUMNADO DE 4º DE INFANTIL (3 ANOS)

Podedes consultar aquí  o calendario de adaptación para o alumnado de 3 anos, que comeza o mes de setembro.

Nos grupos aparecen as alumnas e alumnos identificados polas iniciais dos seus apelidos e nome por política de protección de datos.

Ante calquera dúbida podedes dirixirvos ao correo do centro:

ceip.manuel.murguia@edu.xunta.es

 

 

Powered by Drupal - Design by artinet