Que mellor maneira de celebrar o Día de Rosalía que cunha canción baseada na obra da nosa escritora máis senlleira. Seica na clase de Música dan ... o DÓ de peito !!
Por outra banda, o Equipo de Biblioteca e o Equipo de Dinamización da Lingua Galega tamén celebraron o Día de Rosalía cun recitado de poemas de Rosalía. Quedou moi ben!!!!
Celebramos o Entroido neste ano 2020 no noso colexio cun desfile temático relacionado co mar, cunha selección musical moi axeitada. Queredes velo? Pois, premede nos enlaces !!
Neste ano 2020, empezou a rodar a campaña polo medio ambiente, impulsada polo Equipo de Biblioteca. Como xa sabedes, trátase de non traer plástico nas merendas os venres de cada semana. Como vedes, aínda hai que mellorar, pero estámolo a conseguir. Lembrade!!! É un pequeno paso para a nosa merenda, pero un gran salto para o noso planeta.
Como cada 30 de xaneiro celebramos no colexio o Día Escolar da Paz e da Non Violencia. Nesta ocasión, as nenas e nenos de Ed. Infantil e Primaria prepararon un baile e formaron no patio o símbolo da paz. Premede nos enlaces para ver o vídeo e as fotos.
O pasado venres rematamos o 1º trimestre co Festival de Nadal e cunha boa chocolatada. Despois das celebracións familiares destes días seguro que desfrutaredes coas actuacións dos nenos e nenas de Ed. Infantil e Primaria. Para velas, premede nos seguintes enlaces:
Para concienciar aos nosos alumnos na necesidade de reducir o uso de plástico na nosa vida diaria o Equipo de Biblioteca propuxo o reto dos venres sen plástico.
Así que, para a túa merenda do recreo substitúe o envoltorio de usar e tirar por un tapper ou bolsa de tela e mellor utiliza botellas e culleres reutilizables. Anímate a participar e protexe o medio ambiente !!!!
A semana pasada, celebramos o Magosto como cada curso ao chegar estas datas. Malia que o tempo non acompañou, pasamos unha tarde ben entretida cantando cancións, realizando xogos con castañas e, por suposto, degustando as castañas asadas que nos preparou José.
