biblioteca

O pasado 28 de outubro de 2022 celebramos o Samaín no CEIP Baíñas.

Como tiñamos moitas ganas de celebralo, xa que, por mor da pandemia, estes últimos cursos non fora o mesmo, 

Fixemos obradoiros de cociña con receitas de Samaín, decoramos as nosas cabazas, viñemos disfrazados e volvemos a pasar medo no Tunel do Terror!!

Por fin, esta vez si que houbo festa, rapaces e rapazas!!

Na semana do 17 ao 21 de outubro, celebramos no Centro a Semana das Bibliotecas.

Asistimos a unha actuación de maxia á casa da cultura de Vimianzo, e compartimos lecturas na nosa biblioteca.

O día 22 de xuño tivo lugar a entrega de premios aos participantes no VI concurso literario de relatos curtos. As premiadas este ano foron:

1º premio: Noa Domínguez Antelo de 4º de primaria, por "A Natureza"

2º premio: Antía Vilariño López de 3º de primaria, por "Nai Natureza"

3º premio: Paula Danis Domínguez de 4º de primaria, por "A vida dos gandeiros"

Noraboa ás premiadas e o noso agradecemento ao alumnado participante!!

O alumnado do Centro puxemos a nosa horta, que levaba tempo abandonada.

O alumnado de Ed. Infantil animouse coas leitugas, o alumnado de 1º e 2º usaron un carriño moi xeitoso e os maiores cultivamos leitugas, tomates e pementos.

Procuramos que todo fose o máis ecolóxico posible, usamos compost para abonar a horta, e sen pesticidas nin herbicidas, usamos unha cuberta transpirable para evitar que aparecesen as malas herbas.

Gustounos moito atendela, e ben seguro que repetiremos esta grande experiencia.

Como vén sendo xa unha costume, o pasado 24 de febreiro conmemoramos o Día de Rosalía de Castro.

Nesta ocasión fixemos un percorrido pola súa vida e obra facendo actividades adaptadas para cada curso.

Para rematar cantamos un dos seus poemas musicado por UXÍA: "Has de cantar"