CEIP AS GÁNDARAS

O noso alumnado de 2º curso tennos sorprendido con todo o que coñecen de Picasso e a súa obra, estanse a facer expertos na obra do gran pintor malagueño, recoñecen un cadro cubista, distinguen as etapas diferentes da obra de Picasso... pero e o Guernica? qué poden entender eles de guerras con 8 anos?

Da man da pintora lucense Ana Rodriguez descubriron que nos quixo transmitir Picasso na súa obra máis famosa, e o mellor xeito foi recrear eles mesmos o cadro, con todos os elementos que nel aparecen, pero cun fondo de cor, porque en medio de situacións de conflito, os nenos traen esperanza.

Hai algo que a escola pode facer para mellorar a condición dun colectivo que sufre dos prexuicios da sociedade e de estereotipos? A resposta é SI, achegar ás persoas de capacidades diferentes aos centros, ter información, ganas de aprender deles, convivir... e iso foi o que fixemos o venres 20 de abril.            

E chegaron de COGAMI, estábamos esperándoos dende fai tempo, preparando ao noso alumnado de 4º curso para que os recibiran con poemas, unha canción, debuxos... e fomos sorprendidos polo que vivimos.

O plantexamento inicial foi un obradoiro desenrolado por usuarios de COGAMI xunto cos seus educadores. Foi unha actividade artística pero non so foi arte o que vivimos senon unha xornada de aprender, valorar as persoas que teñen capacidades diferentes, de convivir.

 Orgullosos do noso alumnado que nos deron a todos unha lección de convivencia, respecto e integración.

Gracias COGAMI pola marabillosa xornada.

 O artista coruñés Joseba Muruzábal impartiu un obradoiro de arte urbano para o alumnado de 5º e 6º o venres 6 de abril. Muruzábal é coñecido polos murales das superavoas, as heroínas galegas do rural que o artista pinta en fachadas. Muruzabal pinta estas avoas con superpoderes e co seu arte transforma as rúas de Galicia en museos ao aire libre.

Nesta ocasión o soporte no que pintaron os alumnos foron as paredes do pavillón do colexio. Aquí tedes unha mostra do fantástico traballo que fixeron e que recolleu tamén o periódico local El Progreso na súa edición do sábado 7 de abril.

Agora tedes que visitar o pavillón e ver a obra en directo. Agardámosvos

Co gallo do Día da Muller organizamos unha exposición de Mulleres pintoras no colexio. pedi,os ao alumnado que correran a voz para que mulleres do seu entorno que pintan poideran emprestar as súas obras para esta exposición.

Recibimos perto de cen obras de alumnas, irmáns de alumnos, nais de alumnado e profesorado, antigas alumnas, antigas mestras, amigas veciñas... e enchemos o corredor do primeiro andar con arte con ollos de mulleres.

Aquí tedes unha mostra gráfica da nosa galería de arte

Susana Vilanova, directora do espacio creativo "El taller de la Gioconda" impartiu un obradoiro para o alumnado de 3º curso inspirado na artista Judith Scott.

                                     Judith Scott, arte en estado puro

 Judith unha muller con síndrome de Down e sordomuda, fíxose célebre gracias ás súas telarañas de la, nas que envolvía obxectos de todo tipo, ata conseguir unhas esculturas insólitas e colocarse na etiqueta dos artistas fora do sistema da cultura oficial, outsiders. Persoas autodidactas, como Scott, con obras que teñen trascendido e hoxe son recoñecidas en museos e institucións de todo o mundo.

Os alumnos de 3º tamén usaron a la e teceron as súas propias telarañas tal e como Judith Scott facía. Arte en estado puro.

Aquí podemos ver un video de Judith traballando nas úas obras