O noso profe de cociña, Álvaro ensinounos como se despeza unha pata dianteira de tenreira. 

Para esta ocasión fixo pedido da pata  á COOPERATIVA Á CARQUEIXA que tivemos ocasión de visitar, a principios de febreiro, nos ANCARES.

Poidemos aprender vocabulario utilizado en carnicería que non é moi común

Os disitintos despieces formarán parte de elaboracións para o menú do noso restaurante. 

Temos que recoñecer que a algúns de nós non nos resultou moi doado vivir a experiencia do despiece.

Este curso debido ao mal tempo que houbo no outono e no inverno, as tarefas no horto retrasáronse un pouco. 

Tamén estamos a probar métodos para que a estancia nel sexa máis agradable para tod@s.

Empezamos marcando bancais, utilizamos cartón e palla para evitar as herbas e reter a humidade, no fondo do horto comezamos a facer un recuncho de aromáticas...en fin, pequenos cambios que requiren da nosa atención.

Á visita ao restaurante no Grove, CULLER DE PAU, deunos moitas ideas para que sexa máis profesional. Estamos a aprender para poder levalas a cabo.

Aquí vos amosamos unhas imaxes de distintos momentos ao longo do curso.

Seguiremos con máis cambios !

Este curso quixemos recuperar o solo dos bancais do invernadoiro, plantando abono verde.

O ABONO VERDE é unha técnica que se usa para enriquecer o solo e consiste en plantar especies que axuden a fixar o nitróxeno para que poida ser utilizado polos cultivos seguintes.

As leguminosas son as que mellor fan esta tarefa.

Nós plantamos lentellas que cortaremos antes de que florezan para que sexan máis efectivas.

O pasado mes de outubro o alumnado de Panxón visitamos o Concello de Nigrán para solicitar un composteiro para o centro.

Imos iniciar un proxecto sobre compostaxe cos residuos orgánicos de Panxonchef e parte do comedor e pedimoslle a súa colaboración para donarnos un.

Como é  habitual, o Concello respondeu á nosa petición. En novembro viu persoal técnico do CEIDA para instalalos no horto do centro.  Ademáis, estes profesionais déronnos formación sobre a compostaxe, tanto ao profesorado como ao alumnado.

E agora toca o mantemento do composteiro en óptimas condicións para obter compost de calidade para os nosos cultivos: incorporación de estructurante, remexido a miúdo para favorecer a mestura e que haxa osixenación, medición de temperatura, observación da fauna que hai...

Para esto intentamos facer rexistros que nos den datos que nos indiquen como están indo as cousas e así ir tomando decisións no mantemento.

Se todo vai ben, o próximo curso teremos compost de Panxón!