Faltas de asistencia e conduta
Desde o apartado de “Faltas” pódese acceder ás faltas de asistencia e de conduta do alumno/a. Ademais, pódese consultar o estado das mesmas, e poderase xustificar as que se atopen en estado pendente (no caso de que o/a docente teña activada esta posibilidade). Tamén verá a evolución do estado das faltas. Este estado irá cambiando e visualizarase no círculo que aparece ao carón de cada falta tendo en conta que cada círculo ten significados diferentes:
- Vermello: Falta pendente de xustificar.
- Laranxa: Falta xustificada polas persoas responsables pero que aínda non foi aprobada polo/a docente.
- Verde: Falta xustificada polo/a docente.
- Gris: o/a docente non ten activado o servizo de xustificación de faltas de asistencia.
Ao entrar no perfil do/a alumno/a poderase ver se hai novidades. |
Aparece a lista de faltas de asistencia (o día e hora) ademais do estado da mesma. |
Ao premer na falta poderase ver o detalle da mesma. Para xustificala pola aplicación premer en Xustificar. |
Poderase inserir texto para xustificar a falta ou adxuntar (premendo na imaxe do clip) unha fotografía que xustifique a falta (parte médico, asistencia a unha consulta,...). Premer finalmente en Aceptar. |
Ao rematar o paso anterior a falta xa aparece pendente de xustificar polo centro. |
Poderase acceder ás diferentes faltas premendo na icona da dereita que vai permitir filtrar por tipo de falta. |
As mensaxes enviadas polo profesorado móstranse con fondo azul.
As mensaxes recibidas dos demáis usuarios móstranse con fondo gris.
O límite de caracteres dunha mensaxe é de 1000, e iranse descontando visualmente mediante un contador preto da zona de escritura, a medida que se escribe.
Faltas de conduta. Dende o mesmo apartado de “Faltas” poderase ver se o/a alumno/a ten marcadas “Faltas de conduta”. No caso de haber algunha falta aparecerá na pantalla. No caso de non ter ningunha aparecerá como se ve na imaxe. |