Moodle: Aula virtual do centro

Moodle proporciona varios métodos para matricular alumnos no curso: matriculación manual, auto-matriculación, matriculación por círculos, matriculación dende un acceso como convidado, matriculación dende unha base de datos externa, matriculación dende un ficheiro de texo plano, ... etc.

No presente curso centrámonos únicamente no tipo de matriculación manual.

En primeiro lugar debemos situarnos dentro do curso correspondente e veremos como no bloque Administración aparece a opción de "Usuarios matriculados" (imaxe 3.1.1). Concretamente esta opción aparece na seguinte ruta de menús "Administración do curso -> Usuarios -> Usuarios matriculados".

Despois de pulsar sobre o menú anterior, Moodle mostrará unha pantalla onde nos presenta o botón "Matricular usuarios" na esquina superior dereita desta pantalla.

No caso de que xa exista algún usuario matriculado no curso, éste aparecerá no listado que mostra esta mesma pantalla.

Moodle considera como usuarios matriculados no curso a todos os usuarios que participan no propio curso asumindo algún rol: alumno, profesor, convidado, xestor, ... etc. Polo tanto, nun curso non só podemos matricular usuarios con rol de alumno, senón que podemos matricular usuarios que asuman calquera dos roles dispoñibles para ese curso.

Imaxe 3.1.1 Usuarios matriculados

O procedemento para matricular alumnos no curso (imaxe 3.1.2), usando o método de matrícula manual, será o seguinte:

1. Situámonos dentro do curso correspondente, para que se active o menú de Administración do curso no bloque Administración.
2. Seleccionar o menú "Administración do curso -> Usuarios -> Usuarios matriculados".
3. Na nova pantalla que aparece, pulsar o botón "Matricular usuarios" que se mostra na esquina superior dereita.
4. Aparece unha nova ventá emerxente onde debemos seleccionar "Alumno" no desplegable "Asignar roles". A continuación, pulsaremos o botón "Matricularse" que corresponda aos alumnos que queremos matricular no noso curso.
5. Finalmente, pulsamos o botón "Rematar a matriculación de usuarios"

Imaxe 3.1.2 Matricular usuarios

Tipos de matriculación dispoñibles en Moodle Na táboa seguinte móstranse os distintos tipos de matriculación que proporciona Moodle, aínda que non todos eles están dispoñibles ou activados en todas as aulas virtuais. Os tipos de matriculación que están activados por defecto no Moodle do proxecto Webs Dinámicas, aparecen identificados aqui co símbolo  e, polo contrario, as opcións de matriculación que están desactivadas por defecto aparecen identificadas co símbolo  A activación dun determinado "plugin" ("engadido") de matriculación só pode ser configurado por un administrador da aula virtual. Un profesor sen permisos de administrador, pode decidir que tipo ou tipos de matriculación desexa para o seu curso de entre os que están activados na aula virtual. Tipo  Activado   Características  Matriculacións manuais   O administrador ou profesor do curso engade manualmente aos usuarios   Acceso como convidado   Os usuario poden ver os materiais do curso pero non poden participar  Automatriculación   Os usuarios poden auto-matricularse a sí mesmos no curso  Sincronizar círculo   Os usuarios forman parte dun "círculo" que será engadido ao curso  Categoría matrículas   Os usuarios son matriculados en todos os cursos dentro dunha mesma categoría   Base de datos externa   Os usuarios son matriculados dende unha base de datos como pode ser Access, Base, MySQL, ...   Ficheiro simple (CSV)   Os usuarios son matriculados mediante un ficheiro con formato CSV  Ficheiro IMS enterprise   Os usuarios son matriculados con este formato XML de ficheiro estándar  Matriculacións LDAP   Os usuarios son autenticados e despois matriculados mediante LDAP  Meta ligazón sobre curso   Os usuarios que son matriculados noutros cursos teñen un acceso automático ao curso actual   Matriculación MNet remotas   Os usuarios son matriculados mediante o acceso a outro sitio enlazado pola rede Moodle  PayPal   Os usuarios pagan a súa matriculación mediante o sistema PayPal