O próximo 4 de outubro celebrarase a Xornada de FP Básica na Escola Galega de Admisitración Pública, en Santiago de Compostela, na que máis de 200 persoas implicadas na atención educativa do alumnado dos ciclos formativos de grao básico compartirán un espazo común para a reflexión, a construción de coñecemento e a difusión sobre estas ensinanzas.

• Programa da xornada

Publicada a Orde do 29 de setembro de 2022 pola que se acorda a ampliación do prazo para a presentación de solicitudes no procedemento regulado na Orde do 4 de agosto de 2022, pola que se establecen as bases reguladoras e se convoca o programa Retorna mocidade para persoas galegas residentes no estranxeiro interesadas en retornar e cursar determinados estudos de formación profesional no curso académico 2022/23 en centros educativos de Galicia (código de procedemento ED333B).

Publicada no DOG a Resolución do 20 de setembro de 2022, da Dirección Xeral de Formación Profesional, pola que se fai pública a relación de centros que conformarán a Rede galega de dinamización da relación con empresas na FP no curso 2022/23, no marco do Plan de recuperación, transformación e resiliencia.

• Resolución do 20 de setembro de 2022

Publicada a listaxe definitiva de persoas admitidas e excluídas da segunda convocatoria de probas para a obtención de determinados carnés profesionais e habilitacións profesionais no ano 2022, así como as datas de celebración das probas, o material de consulta permitido para a realización da segunda parte da proba e a listaxe de persoas convocadas para a celebración da segunda parte da proba da especialidade de guindastre móbil autopropulsado, categorías A e B.

Aberto o prazo de matrícula en ensinanzas de formación profesional con prazas dispoñibles ata as 13:00 horas do venres 23 de setembro de 2022.

Ábrese o prazo de matrícula en ciclos de grao básico de formación profesional con prazas vacantes desde desde o mércores 7 de setembro ata as 13:00 horas do venres 23 de setembro de 2022.

• Máis información

Publicación das listaxes da convocatoria ordinaria de persoas con praza adxudicada nos ciclos formativos de formación profesional, no réxime ordinario e no réxime para as persoas adultas.

Publicada no DOG a convocatoria de Retorna Mocidade FP, que permitirá a persoas menores de 40 anos, de nacionalidade española, residentes no estranxeiro, e con vinculación con Galicia, regresar a Galicia, formarse no sector da construción a través de formación oficial e obter unha axuda que lles permita afrontar os custes da viaxe, do aloxamento e da manutención.

Publicada a relación de centros educativos e ciclos formativos que serán plurilingües no curso 2022/23. Nestes ciclos impártese polo menos un módulo profesional de primeiro curso e outro de segundo curso en lingua estranxeira, e ademais impártense horas adicionais de formación lingüística en dita lingua en cada un dos cursos.