SFME51
SFME51 - Materiais compostos na industria aeroespacial
Que se aprende a facer?
Fabricar pezas e elementos de estruturas aeroespaciais, manualmente ou en cadeas de produción, así como controlar os procesos implicados, verificar os resultados obtidos, realizar o mantemento avanzado, a preparación e posta a punto da instalación, da maquinaria e dos utensilios de acordo cos protocolos de actuación, cumprindo os criterios e as normas de calidade, os plans de prevención de riscos laborais e ambientais da empresa e a normativa de aplicación.
En que ámbitos se traballa?
En pequenas e medianas empresas de natureza tanto pública como privada dedicadas á fabricación de elementos aeroespaciais con materiais compostos e á corrección de defectos, dependendo, de ser o caso, funcional e xerarquicamente de persoal superior, e podendo ter ao seu cargo persoal de nivel inferior.
Que ocupacións se desempeñan?
Operador/a organizador/a de máquina de corte de tecidos e laminados para a construción de elementos aeroespaciais. Operador/a organizador/a de máquina de encintado para a construción de elementos aeroespaciais. Plastoquímico/a laminador/a de manual para a construción de elementos aeroespaciais. Operador/a organizador/a de autoclave e estufa de polimerización de materiais compostos para elementos aeroespaciais. Operador/a organizador/a de mecanizado de pezas de materiais compostos para elementos aeroespaciais. Verificador/a de elementos aeroespaciais de materiais compostos. Organizador/a de recursos humanos e materiais, pondo en práctica melloras continuas dos procesos mediante a dixitalización e a filosofía LEAN.
Cales son os módulos?
| Curso | Código | Módulo profesional | Horas | Períodos semanais | |
|---|---|---|---|---|---|
| 1º | MP5084 | Fabricación automática en materiais compostos | 180 | 9 | |
| 1º | MP5083 | Fabricación de elementos aeroespaciais de materiais compostos por moldeo manual | 180 | 9 | |
| 1º | MP5085 | Polimerización e mecanizado de pezas aeroespaciais de material composto | 150 | 7 | |
| 1º | MP5086 | Verificación de elementos de materiais compostos | 90 | 5 |
Réxime de persoas adultas na modalidade semipresencial e a distancia
Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade semipresencial e a distancia. Curso 2023-2024.
Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).
