BIMP11
BIMP11 - Peiteado e estética
Que se aprende a facer?
Aplicar técnicas de limpeza e cambios de forma e cor do cabelo, así como técnicas básicas de maquillaxe, depilación, manicura e pedicura, atendendo á clientela e preparando os equipamentos, os materiais e as aéreas de traballo con responsabilidade e iniciativa persoal, operando coa calidade indicada, cumprindo as normas de prevención de riscos laborais e protección ambiental correspondentes, e comunicándose oralmente e por escrito en linguas galega e castelá, así como nalgunha lingua estranxeira.
En que ámbitos se traballa?
Actividades por conta allea en salóns de peiteado e de beleza, en salas de peiteado e/ou estética, en ximnasios ou centros de beleza de hoteis, residencias de persoas maiores, hospitais e balnearios, baixo a supervisión de persoal técnico responsables. Tamén poden realizar de xeito autónomo servizos básicos de peiteado, manicura e pedicura, depilación e maquillaxe.
Que ocupacións se desempeñan?
Auxiliar de peiteado; axudante de manicura e pedicura; axudante de maquillaxe; auxiliar de depilación.
Cales son os módulos?
| Curso | Código | Módulo profesional | Horas | Períodos semanais | |
|---|---|---|---|---|---|
| 1º | MP3065 | Cambio de cor do cabelo | 150 | 5 | |
| 1º | AM3009 | Ciencias aplicadas I | 175 | 6 | |
| 1º | AM3011 | Comunicación e ciencias sociais I | 206 | 7 | |
| 1º | MP3062 | Depilación mecánica e descoloración da peluxe superflua | 117 | 4 | |
| 1º | MP3064 | Lavado e cambios de forma do cabelo | 175 | 6 | |
| 1º | MP3060 | Preparación do contorno profesional | 87 | 3 | |
| 2º | MP3005 | Atención á clientela | 58 | 3 | |
| 2º | AM3010 | Ciencias aplicadas II | 162 | 7 | |
| 2º | MP3061 | Coidados estéticos básicos de uñas | 135 | 6 | |
| 2º | AM3012 | Comunicación e ciencias sociais II | 135 | 6 | |
| 2º | MP3067 | Formación en centros de traballo | 320 | ||
| 2º | MP3063 | Maquillaxe | 218 | 9 |
Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).
