BIFC12
BIFC12 - Informática de oficina
Que se aprende a facer?
Realizar operacións auxiliares de montaxe e mantemento de sistemas microinformáticos, periféricos e redes de comunicación de datos, e de tratamento, reprodución e arquivamento de documentos, operando coa calidade indicada e en condicións de seguridade e de protección ambiental, con responsabilidade e iniciativa persoal, e comunicándose oralmente e por escrito en linguas galega e castelá, así como nalgunha lingua estranxeira.
En que ámbitos se traballa?
Actividades por conta allea en empresas dedicadas á comercialización, á montaxe, ao mantemento e á reparación de sistemas microinformáticos e de equipamentos eléctricos ou electrónicos, e en empresas que utilicen sistemas informáticos, para a súa xestión.
Que ocupacións se desempeñan?
Axudante de montador/ora de sistemas microinformáticos; axudante de mantemento de sistemas informáticos; axudante de instalador/ora de sistemas informáticos; axudante de instalador/ora de sistemas para transmisión de datos; auxiliar de oficina; auxiliar de servizos xerais; gravador-verificador de datos; auxiliar de dixitalización; operador documental.
Cales son os módulos?
| Curso | Código | Módulo profesional | Horas | Períodos semanais | |
|---|---|---|---|---|---|
| 1º | AM3009 | Ciencias aplicadas I | 175 | 6 | |
| 1º | AM3011 | Comunicación e ciencias sociais I | 206 | 7 | |
| 1º | MP3029 | Montaxe e mantemento de sistemas e compoñentes informáticos | 296 | 10 | |
| 1º | MP3031 | Ofimática e arquivamento de documentos | 233 | 8 | |
| 2º | AM3010 | Ciencias aplicadas II | 162 | 7 | |
| 2º | AM3012 | Comunicación e ciencias sociais II | 135 | 6 | |
| 2º | MP3033 | Formación en centros de traballo | 320 | ||
| 2º | MP3016 | Instalación e mantemento de redes para transmisión de datos | 206 | 9 | |
| 2º | MP3030 | Operacións auxiliares para a configuración e a explotación | 205 | 9 |
Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).
