Participación galega no Spainskills 2011
Organizada polo Ministerio de Educación en colaboración coas Comunidades Autónomas e as cidades autónomas de Ceuta e Melilla, celebrouse a 33 edición da Olimpíada de Formación Profesional, Spainskills 2011, en Madrid, na primeira semana de abril. Nesta olimpíada houbo competicións en 32 skills e dous máis en demostración.
Galicia participou en 22 skills, dous deles en demostración. O alumnado participante cursaba ciclos formativos correspondentes a doce familias profesionais e participou profesorado e alumnado de 21 centros educativos, das catro provincias galegas.
Os resultados que se conseguiron: dos 25 competidores que presentou Galicia a esta Olimpíada obtiveron algún galardón 15 deles. Catro obtiveron medalla de ouro, catro de prata e catro medalla de bronce e tres alumnos máis certificación de excelencia.
Froito todo isto dun bo traballo en equipo, realizado polo profesorado e alumnado de formación profesional de Galicia e coordinados pola Dirección Xeral de Educación, Formación Profesional e Innovación Educativa.