Olimpíadas 2013 da Formación Profesional. Servizo de restaurante e bar
Do día 13 ao 16 de febreiro desenvolvéronse as Olimpíadas 2013 da Formación Profesional, nelas estudantes de formación profesional de todas as Comunidades Autónomas e de Ceuta e Melilla competiron por ser os mellores en cada un dos 33 skills ou especialidades nos que houbo competición.
A participación de Galicia nestas olimpíadas estivo formada polo alumnado que conseguiu a medalla de ouro nos campionatos galegos de formación profesional Galiciaskills 2012.
No skill Servizo de restaurante e bar competiron 14 alumnos de distintas Comunidades Autónomas.
Representou a Galicia a alumna do CIFP Compostela de Santiago de Compostela, Sainza Vázquez da Silva, participando os profesores dese centro María Rey Fernández e Ramiro Esparis Sampedro, como titora e experto respectivamente.
Esta alumna obtivo mención de excelencia neste skill.