Benvida ( Facemos camiño ao andar)

Benvidos á páxina web do IES de Oroso na localidade de Sigüeiro, nestas páxinas poderedes atopar informacións diversas acerca do centro, coñecer novas de interese, ver fotografías das actividades desenvolvidas, lexislación...

A nosa páxina web está en constante actualización e crecemento, procurando ofrecer así á nosa comunidade a maior cantidade de información da mellor calidade posible para un seguemento das actividades do día a día no centro e das que se realizan fora del.

Se tedes algunha pregunta ou o que buscades non se atopa na web non dubidedes en chamar ao teléfono 881 866187 ou escribirnos ao noso correo electrónico ies.oroso@edu.xunta.es.

Lograr que o alumnado adquira os elementos básicos da cultura, especialmente nos aspectos humanístico, artístico, científico e tecnolóxico, desenvolver e consolidar hábitos de estudo e de traballo, preparalo para a incorporación a estudos posteriores ou para a inserción laboral así como formalo para o exercicio dos seus dereitos e obrigas na vida como cidadáns e cidadás.

Un saúdo a todos/as.

Horarios de atención a pais/nais

Benvidos ao novo curso 2018-2019. No ficheiro adxunto pódense consultar os horarios de atención a pais/nais por parte do profesorado do IES de Oroso. É conveniente solicitar cita con antelación co fin de que a información sexa máis completa e a visita máis proveitosa.

     

CULTURA E LINGUA

O día 28 de marzo os alumnos de 4º curso desprazáronse a Santiago de Compostela cun dobre obxectivo:

Participar como espectadores nunha obra de teatro en lingua inglesa.

Render unha emotiva homenaxe aos persoeiros da cultura galega soterrados no Panteón de Galegos Ilustres, en Santo Domingos de Bonaval. Verbas de Rosalía, Castelao e Ramón Cabanillas, acordes de violín e un ben compasado himno a gaita contribuíron a honrar a nosa cultura. Aquí queda o agradecemento dos que participamos no acto.


Pódese ver unha galería de fotos picando aquí.

7ª Convocatoria becas Eurolingua 2019

 

Eurolingua Venairlanda  convoca as súas becas para a realización de Cursos de inglés en Irlanda de dúas semanas de duración. Constan dun lote global de 20 becas dirixidas a alumnado universitario, de secundaria, bacharelato e formación profesional nacidos con anterioridade ao 31 de decembro de 2004. O prazo de solicitude remata ás 23:59 do día 17 de abril de 2019.

I CONCURSO EDUCATIVO DE MICRORRELATOS "OROSO"

Convócase, en colaboración co Concello de Oroso, un concurso de microrrelatos. O prazo de presentación de relatos remata o día 12 de abril de 2019. 

Podedes consultar as bases no seguinte enlace: Bases do concurso

 

Animádevos a participar!!!

 

 

 

 

Conversa con Carlos Negro

 O alumnado de 3º curso reúnese co escritor Carlos Negro no salón de actos  e este realiza un achegamento, dun xeito moi agradable, á súa obra poética Penúltimas tendencias.

Como agasallo ofrecéuselle unha mostra das ilustracións realizadas sobre eses poemas polos propios alumnos.

Parabéns a todos os autores gráficos e poéticos!


 Pódese ver unha galería de fotos do acto se picas aquí.

Pódense ver dous vídeos da intervención de Carlos Negro na canle OCanLe do blog Arca Alexandrina, se picas aquí.

Pódese ver un folleto cunha mostra do traballo do alumnado picando aquí.

 

Actividades de dinamizacion lingüística entre xaneiro e marzo

Realizamos un resumo das actividades realizadas polo EDL en colaboración con outros equipos docentes do noso IES, entre xaneiro e marzo:

 Día Escolar da Non Violencia e da Paz (31 de xaneiro)

-Edición dun cartel conmemorativo desta efeméride.

 

Día internacional da lingua materna  (21 de febreiro)

O IES de Oroso aposta por potenciar a lingua galega desde o berce.

 

Semana da poesía

-Agasallos de poemas de temática amorosa  en distintas linguas promovida polo 14 de febreiro e exposición de lectura con esta temática nos corredores do centro.

-O alumnado de 3º e 4º da ESO asistiu día18 de febreiro en Compostela á representación da obra Made in Galiza ofertada pola editorial Galaxia, na que se realiza unha parodia da situación diglósica presente en Galicia.

-O alumnado de 3º asistiu á Charla sobre doazón de órganos e sangue a cargo do grupo ALCER o 20 de febreiro. Esta actividade foi valorada como positiva por parte dos rapaces.

 

Día de Rosalía (24 de febreiro)

- Os alumnos realizaron unha lectura pública de poemas  que proximamente estarán dispoñible na canle “O can Le”.

- Grafitti realizada polo alumnado  na cristaleira do instituto.

- Instalación coa súa obra nos corredores do centro.

 

 

 

 

Entroido. O día 1 de marzo celebramos o entroido no centro con gran participación por parte de toda a comunidade educativa.

Día Internacional da Muller (8 de marzo)

O centro uniuse  ás reivindicacións do  Día internacional da muller co lema “En Pé de Igualdade”. Así mesmo aproveitouse esta data para facer unha exposición das ilustracións realizadas tras a lectura da obra “Penúltimas tendencias” de Carlos Negro, quen proximamente realizará un encontro co alumnado de 3º curso.

 

 

 

 

 

 

 

 

 

 

 

 

Día Escolar da Non Violencia e da Paz

O 30 de xaneiro celébrase nos centros educativos un día adicado a conmemorar unha cultura da non violencia e da paz.

A educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz son motivos para lembrar. O 30 de xaneiro, os centros educativos comprométense como defensores da paz e entendemento entre persoas de distinta procedencia e modos de pensar.

 

Patinaxe sobre xeo - Nadal 2018

O pasado día 20 de decembro o noso alumnado desprazouse a Santiago de Compostela para gozar dalgunhas horas de lecer realizando patinaxe sobre xeo. A xulgar polas expresións das súas caras, debérono pasar en grande, tal e como se pode comprobar na galería de fotos que podedes ver se picades riba da pequena imaxe da esquerda.

Powered by Drupal - Design by artinet