BENVIDOS AO CURSO 2020-21

Estimadas familias:

Benvidas ao curso 2020/2021!. Imos comezar un curso que, como xa sabedes, chega tras moitas dúbidas e incertidume. Dende o Centro trasmitir moito ánimo e tenencia de responsabilidade para afrontar o curso da mellor maneira posible.

No Centro elaborouse o plan de Adaptación á situación COVID atendendo ás Instrucións de consideración do Protocolo COVID publicadas pola Consellería de Educación a 31 de agosto de 2020, que poden consultar premendo no seguinte enlace:

Plan de Adaptación á situación COVID-19 no IEs de Oroso.

Para facilitar a información esencial ás familias, tamén elaboramos unha guía-resumo das medidas a adoptar por mor da situación provocada pola COVID-19, que tamén pode ser consultada premendo no seguinte enlace:

Guia- resumo de medidas a adoptar no IES de Oroso por mor da COVID-19

Como norma xeral non se pode acudir ao centro se se presentan síntomas compatibles coa infección por Sars-Cov-2 (coronavirus). Para asesorar ás familias na detección desta sintomatoloxía,poden premer no seguinte enlace para consultar a autoenquisa clínico-epidemiolóxica.

Autoenquisa clínico-epidemiolóxica

INICIO DO CURSO 2020-2021

INCORPORACIÓN DO ALUMNADO

De acordo coa Orde do 16 de setembro pola que se ditan instrucións sobre o inicio do curso académico 2020-21 para o ensino secundario, a incorporación do alumnado é:

- Día 23 de setembro:

      1º  e 2º da ESO: Presentación 11.30h  

- Día 24 de setembro:

      3ºda ESO: Presentación  8.30h

- Día 25 de setembro:

      4ºda ESO: Presentación  8.30h

 

Para o alumnado transportado, o día 23 de setembro  o autobús pasará pola primeira parada de cada liña ás 10:45 h.

O día 24 para os cursos 1º, 2º e 3º , e o día 25 xa con todo o alumnado comezarase co horario lectivo habitual: de 8:30h  a 14:05h. o autobús pasa pola primeira parada de cada liña ás 7:45h. Nos primeiros días convén estar na parada cunha marxe de 5 minutos e logo, segundo a parada xa irán axustando o horario.

O día da presentación NON DEBEN TRAER TODO O MATERIAL, ÚNICAMENTE UN BOLÍGRAFO E LIBRETA PARA TOMAR NOTA, SE FOSE PRECISO.

FONDO SOLIDARIO DE LIBROS DE TEXTO

O mesmo día da presentación farase o reparto dos libros asignados no Fondo solidario de libros de texto (1º e 2º da ESO o día 23, 3º da ESO o día 24 e 4º da ESO o día 25).

Como é precisa a sinatura do proxenitor/a que fixo a solicitude de libros  e os libros llos entregaremos aos rapaces, os vosos fillos deberán traer firmada unha autorización para que poidan recollelos. Tamén, en caso de renunciar a algún libro, deberedes marcalo na autorización. Recordade que a autorización debe ser firmada pola persoa que fixo a solicitude

 Os rapaces deberán traer unha bolsa ou mochila para levar os libros, que deberán estar forrados e claramente identificados.

 

TRANSPORTE

- O alumnado accederá o autobús coa mascarilla, que deberá traer  sempre posta.

- Ocupará en cada viaxe o mesmo número de asento.

- Os autobuses dispoñerán de dispensadores de xel hidroalhólico.

 

HIXIENE E PREVENCIÓN

Todo o alumnado deberá acudir ao centro provisto dunha mascara.

Deberá acceder ao edificio  formando ringleiras mantendo a distancia social recomendada (1,5 metros). O día da acollida do alumnado, os titores faranlles saber cales  son as vías de entrada e saída para cada grupo.

 

TITORÍAS

A comunicación entre o titor e as familias será preferiblemente telefónica, vía correo electrónico ou a través da aplicación Abalarmóbil. As familias deben ter descargada esta aplicación no seu teléfono, máxime nestas circunstancias. Se fose preciso, por circunstancias extraordinarias, o titor ou equipo directivo pode convocar presencialmente á familia dun alumno.

LIBROS DE TEXTO 2020-2021

No documento que se xunta pódense consultar os libros de texto para o vindeiro curso 2020-2021.

Vídeo Promoción 2020

No seguinte enlace accédese a unha pequena homenaxe que o IES de Oroso lle quere render ás alumnas e alumnos de 4º de ESO que este curso abandonan o noso centro para proseguir a súa formación.

https://www.kizoa.com/Movie-Maker/d328721193k8824090o1/resistir-1

Desexamos que teñades moita sorte e que loitedes por aquilo que queredes conseguir, sempre respectando os demais na súa diversidade, valorando o propio e defendendo o que consideredes xusto e a liberdade.

Celebración do Día das Letras Galegas

A situación tan especial na que está sumido o mundo global obríganos a celebrar unha efeméride tan importante coma esta de xeito puramente virtual.

Falamos, claro está, do Día das Letras Galegas, que este ano está adicado a alguén tan importante, tan polifacético e tamén tan controvertido como Ricardo Carvalho Calero.

O interesante, nestes casos, é gozar dunha mostra dos seus libros na entrada do noso instituto para poder ver, follear e curiosear na obra deste autor. Mais como iso non é posible, conformámonos con ofrecervos un marcapáxinas e a audición dun dos seus poemas titulado Afastado de Venus (do seu libro Reticéncias).

Para obter o marcapáxinas, preme nesta ligazón.

Para escoitar o poema musicado, le o código QR.

 

____________

E como un contido especial para divulgar nesta data, o alumnado de terceiro estivo a traballar nunha campaña de fomento do galego que se condensa nun vídeo que podedes ver premento aquí.

 

 

II CONCURSO EDUCATIVO DE MICRORRELATOS "OROSO"

Como resultado da valoración das persoas integrantes do xurado, a adxudicación dos premios é a seguinte:

- 1º Premio "A miña alma" de Lara Talita Ferreiro Santos

- 2º Premio "Metamorfose" de Rodrigo Soto Breixo

-3º Premio "Grazas a min" de Andrea Vázquez Fernández

O IES de Oroso quere agradecer a colaboración das persoas representantes do concello, da ANPA e dos alumnos, así como a de todo o alumnado participante, porque, grazas a todos, estas "pequenas cousas" son posibles.

Faise público os parabéns por parte do xurado para os creadores destas microhistorias que logo imos ver publicadas.

Antes da súa publicación, e para ir abrindo boca, podedes ler as microhistorias gañadoras picando nesta ligazón.

 

Formación aberta

Abrimos un apartado dentro da Aula Virtual  onde iremos introducindo material de interese accesible para toda a comunidade educativa. Empezamos con aspectos que consideramos fundamentais para a convivencia escolar: Absentismo escolar, Maltrato e Acoso e ciberbullying. Podedes acceder a esta información premendo aquí

23 de Abril - Celebración do Día do Libro

Cadaquén na súa casa, como illados náufragos... e visitando outros mundos á espera de que o noso sexa unha vez máis habitable...

Lectura nocturna

Escóitoos
De forma tan clara
Como se estivesen aquí

O filósofo
O asasino
O poeta
O policía

Os berros
Da vítima

As lexións de Roma
Marchando
Buscando
Novas fronteiras

As bombas
Que caen
Sobre Londres

As voces
Da historia
A filosofía
A poesía
A literatura
Retumban
No silencio
Da noite

 
Escrito por Daniel F. López
Publicado en Poémame
 
 
 
 

RECOMENDACIÓNS DO COLEXIO DE PSICÓLOGOS PARA ADOLESCENTES CONFINADOS

Ola familias e alumnado!

Premendo no adxunto podedes ver as recomendacións do Colexio de Psicólogos de Galicia para que os adolescentes sobreleven este período de confinamento.

Moito ánimo, moita saúde!

Agardamos que axiña o IES de Oroso cobre vida de novo!

Powered by Drupal - Design by artinet