Presentacións curso 2017-2018

O próximo venres comezan as presentacións do curso 2017-2018.

Benvid@s un ano máis ó Lois Peña Novo!

 

O IES Lois Peña Novo, óptima opción formativa

Este sábado pasado saíu unha ampla reportaxe sobre o noso IES no xornal El Progreso (pódese ler en boa calidade nos pdf adxuntos). Anímate a rematar, completar ou diversificar o teu currículo e perfil profesional. Infórmate a partir do 4 de setembro no propio centro ou por teléfono no 982.870.860, quedan prazas libres en case tódolos ciclos, no Bacharelato e na ESA.

 

Mural de Maruja Mallo polo alumnado da ESA

Este ano dedicóuselle o Ano das Artes Galegas a Maruja Mallo e, como era natural de Viveiro, a Deputación Provincial de Lugo dedicoulle o material da semana escolar que leva varios cursos organizando con distintas temáticas, fornecendo de libros para o alumnado e guías didácticas tamén para o profesorado. O noso IES inscribiuse na actividade desde a biblioteca e propuxemos a realización dun mural, que fixo a profesora de Filosofía e Ciencias Sociais Paz López Guizán co alumnado da ESA. Quedamos moi content@s da actividade: Maruja Mallo está presente na entrada do IES a través dun seu debuxo, escollido e levado á parede polo propio alumnado.

Parabéns polo traballo e polo fermoso resultado!

 

 

Aumento de oferta educativa no IES Lois Peña Novo e proceso de admisión a ciclos

O IES Lois Peña Novo aumenta a súa oferta educativa co Ciclo Medio de Atención a persoas en situación de dependencia. Unha opción máis para a formación na nosa comarca!

Desta novidade e do proceso xeral de admisión a ciclos fala o noso orientador, Alfonso Villares, nesta entrevista en Radio Principal de Vilalba.

Datas dos exames finais de primeiros cursos

Publícase o calendario oficial de exames finais de de 1º de ciclos medios, superiores e bacharelato semipresencial de adultos.

 

 

Ademais das imaxes, poden descargarse en pdf nos documentos adxuntos.

Ánimo e sorte!

Contratación do servizo de cafetería para o curso 2017-2018

Denominación do contrato: Contrato de servizo de xestión e explotación da cafetería do IES Lois Peña Novo.

Duración do contrato: do 1 de setembro de 2017 ao 31 de agosto de 2018.

 

Os licitadores que desexen tomar parte neste procedemento poden informarse dos requisitos necesarios na dirección do centro.

Prazo límite para a entrega da solicitude e documentación: mércores 14 de xuño de 2016 ás 14:00 horas na secretaría do centro.

Poden consultarse as instrucións e condicións da contratación nos arquivos adxuntos, onde tamén se achega a instancia de participación.

 

 

Internet das cousas

Ampla reportaxe sobre o proxecto Internet das Cousas do Departamento de Informática do IES Lois Peña Novo, hoxe na Voz de Galicia.

Para lela clica aquí.

 

Letras Galegas 2017 no IES Lois Peña Novo

Do 15 ó 26 de maio dura a programación das Letras Galegas do Lois para este ano. Música, imaxe, deseño, e as actuacións de Lois Pérez e de Aldaolado. Moita ilusión, moitas palabras, moito pra facer e gozar coa biblioteca do noso IES.

Internet das cousas (IoT) e usos dos drons

O proxecto Aproximación didáctiva á internet das cousas (IoT) e usos dos drons do Departamento de Informática do Lois Peña Novo está desenvolvido con tecnoloxía libre, pezas mercadas soltas e montadas no noso IES e incluso hai pezas impresas con impresora 3D nas nosas instalacións. Estamos moi orgullosos do profesorado e o alumnado que nos representou estes días na feira FP Innova con este proxecto: Germán Feijoo e Juan López, Julio Trastoy e Alberto López. Como ben di Juan López, o noso centro de ensino achega tecnoloxía punteira ó ámbito rural. Non deixes de ver os seguintes vídeos, onde alumnos e profesores explican aspectos do proxecto e se amosan drons e e uns coches robot montados con Arduino e controlados por móbil.


 

 

O proxecto da Internet das cousas e o uso e aplicación dos drons foi recollido en distintos medios de comunicación nestes días nos que estivo participando na feira FP Innova. El Progreso, La Voz de Galicia, El correo gallego e a TVG no Telexornal. Aquí tedes algún exemplo en imaxes da prensa escrita (con maior resolución nos adxuntos), nunha reportaxe específica do noso proxecto en El Progreso online e no Telexornal Mediodía e no Serán.

 

 

Dectogas, a miniempresa no IES Lois Peña Novo. Xestión de arquivos e voluntariado enerxético

No suplemento da Chaira de El Progreso de hoxe saen tres actividades do noso centro: o obradoiro de xestión de arquivos audiovisuais da produtora Gaitafilms para alumnado de Administración, o programa de voluntariado enerxético de Endesa para alumnado de Electricidade e de Automoción e, en destaque, o proxecto de Miniempresa Dectogas que realiza o alumnado de Electricidade. Moita formación e iniciativa no IES Lois Peña Novo!

 

ardar

Distribuir contido