Seguindo as instruccións da normativa vixente (resolución do 14/06/2013 e instruccións 4/2013 en relación as cafeterías de centros escolares), e en representación do Secretario Xeral Técnico da Consellería de Cultura, Educación e Ordenación Universitaria, temos a ben iniciar o procedemento para recibir ofertas pola cafetería do IES Lagoa de Antela para o curso 2013-2014, daqueles licitadores interesado en participar no mesmo.
Os requisitos necesarios para a presentación dunha oferta son os que constan na instrucción 4/2013 e no apartado 1 da folla de especificacións técnicas, ambas emitidas pola Consellería de Cultura e Educación e Ordenación Universitaria, e de exposición pública para a súa consulta na secretaría e no taboleiro deste centro (VER Adxuntos).
En canto as condicións económicas e o canon a aboar a Consellería, os interesados na convocatoria serán debidamente informados pola dirección do centro de maneira persoal previa petición por parte dos interesados.
Prazo e lugar de presentación
O prazo de presentación da documentación necesaria relacionada con cadansúa oferta serán os vindeiros 15 días naturais a partires da publicación deste anuncio (12 de Xullo) e o lugar de presentación será a Secretaría do Centro.