[2]
Ao longo destes días continuamos co desenvolvemento das actividades en relación co Día internacional contra a violencia de xénero [3], que comezamos a pasada semana cunha serie de charlas-coloquio organizadas polo departamento de filosofía [4]. En particular, para o día de mañá 23 de novembro, en colaboración coa Federación de ANPAS de Compostela, temos prevista unha concentración no patio da entrada ás 12:10 h coincidindo co segundo recreo. Se a situación meteorolóxica é adversa, a concentración trasladarase ao vestíbulo do centro.
Ademais, no marco da campaña "En negro contra as violencias" a Federación de ANPAS de Compostela elaborou unha guia de lecturas que se repartiu en papel entre o alumnado e o profesorado do centro e que queda a disposición de toda a comunidade educativa, para a súa descarga, na ligazón ou premendo na imaxe deste artigo.
Máis información | Guía de lecturas [2]
