Web oficial do IES Plurilingüe A Paralaia

          
- Erasmus Charter for Higher
Education 2014-20
- Erasmus Policy Statement

El Orienta 2016-17
Web Orienta
Orienta online
Baixar Orienta


    Logo Redeiras 
You Tube  Twitter  Facebook  Tuenti

 

 

NOVAS CURSO 2017-18

  • Ata o 09/03/2018
  • Campus científicos de verán.
  • Axudas para participar no Programa Campus Científicos de Veran para alumnado de Ensinanza Secundaria e Bacharelato durante o ano 2018. O prazo para presentar solicitudes de participación permanecerá aberto hasta as 15.00h do 9 de marzo.
  • Ligazón para ampliar esta información.
  • 26/02 .. 05/03/2018
  • Semana da muller.
  • Do 26 de febreiro ao 05 de marzo desenvolveranse diversas acitvidades correspondentes á "semana da muller".
  • Ligazón ao programa de actividades.
  • 21/02/2018
  • Publicación da lista de admitidos para o curso AFD 2017/106943 - Montaxe e mantemento de infraestruturas de telecomunicacións en edificios.
  • Ligazón á lista.
  • 21/02/2018
  • Día de Rosalía de Castro.
  • O 24 de febreiro naceu Rosalía de Castro, a nosa poeta máis internacional. Para celebrar o seu aniversario, e comprobar como a súa poesía segue viva, aquí tendes versións musicais de diferentes épocas e estilos.
  • Ligazón á lista de reprodución.
  • Ao final vai unha reportaxe da TVE sobre unha das súas composicións máis coñecidas: Negra sombra.
  • 01/03/2018
  • Xornada de orientación deportiva: carreira de orientación.
  • O Departamento de Educación Física organizará este curso unha actividade para todo alumnado de 4º de ESO, denominada "Xornada de orientación deportiva: carreira de orientación". Esta actividade é a fase final dun proceso no cal traballaron conceptos sobre o tema e levaron a cabo experiencias reais nun contorno coñecido como é o Centro. Agora é o momento de comprobar as súas competencias no tema nun contorno descoñecido.
    Esta actividade será levada a cabo o vindeiro Xoves 1 de Marzo de 8:45 a 13:45, nos arredores do lago Castiñeiras.
  • 02 e 03/03/2018
  • Visita didáctica e concerto a Porto.
  • Os departamentos de música e lingua galega (portugués) organizamos unha visita didáctica e concerto entre o 2 e o 3 de marzo, para alumnado de portugués e música de diferentes cursos da ESO e bacharelato. Neses días realizaremos as seguintes actividades:
    • Venres día 2 (mañá): saída do instituto ás 8.30 e visita á cidade de Braga.
    • Venres día 2 (tarde e noite): actuación no Auditório Municipal de Vila Nova de Gaia, xunto coa Escola de Música do Perosinho.
    • Sábado día 3 (mañá e parte da tarde): visita ao centro de Porto. A hora prevista de volta ao instituto é entre 5:00 e 6:00 da tarde.
  • 16/02/2018
  • Visita ao recinto arqueolóxico de Campo Lameiro.
  • O venres 23 de febreiro farase a actividade cancelada o pasado 16 de febreiro.
  • Os alumnos de 1º ESO, acompañados polas profesoras de Galego e Xeografía e Historia, visitarán o recinto arqueolóxico de Campo Lameiro para coñecer un dos mellores conxuntos de petróglifos conservados  e outros  aspectos da  forma de vida na Idade do Bronce.
  • 19/02/2018
  • Charla sobre drogas e alcohol.
  • Ás 11.30 terá lugar no centro unha charla sobre DROGAS E ALCOHOL  a cargo de persoal da Garda Civil dentro Plan Director para a Convivencia e a Mellora da Seguridade nos centro educativos e nos seus contornos para alumnado de 3º ESO e FPB.
  • Organiza o Departamento de Orientación.
  • 19/02/2018
  • Charla sobre a convivencia e a mellora na segurridade nos centros educativos
  • Ás 12.20 terá lugar outra charla a cargo de persoal da Garda Civil dentro Plan Director para a Convivencia e a Mellora da Seguridade nos centros educativos e nos seus contornos para alumnado de 4º ESO e FPB.
  • Organiza o Departamento de Orientación.
 
  • 15/02/2018
  • Publicación da galería de fotos da celebración do entroido.
  • O pasado venres día 9 celebráronse no centro diversas actividades relacionadas coa celebración do entroido.
  • Ligazón á galería de fotos do evento.
  • 07/02/2018
  • Publicación do número premiado no sorteo pro viaxe de fin de curso.
  • O gañador do sorteo das rifas pro viaxe fin de curso 4º ESO foi o número 405 que coincidiu cos tres últimos números do Cuponazo da ONCE do 26 de xaneiro de 2018.
  • O premio consiste en:
    • Cea para dúas persoas no Restaurante A Xunqueira, Meira-Moaña.
    • Experiencia Relax para dúas persoas no Hotel Spa Bienestar Moaña consistente en: aloxamento, almorzo, acceso ilimitado ó club termal e terapia termal.
  • Quen teña a rifa co número gañador ten que poñerse en contacto co IES Plurilingüe a Paralaia.
  • Se non aparece o premiado repetirase o sorteo ó mes seguinte.
 
  • 19 .. 23/02/2018
  • VII semada de consumo responsable
  • Entre o 19 e o 23 de febreiro, como en anos anteriores, celebrarase no noso centro a VII semana de consumo responsable, desenvolvéndose as seguintes actividades:
    • Obradoiro de reciclaxe de pantalóns vaqueiros.
    • Obradoiro de fabricación de trampas contra a vespa velutina.
    • Obradoiro de elaboración de xabón con aceite reutilizado.
    • Obradoiro de percusión con instrumentos reciclados a cargo de Didier Díaz, de Eco Percusión.
    • Obradoiro de reciclaxe de bolsas de plástico.
    • Obradoiro de reciclaxe de calcetíns.
  • 16/02/2018
  • Visita didáctica de alumnado de mecanizado a empresas do sector.
  • O alumnado de FP Básica e de CM de mecanizado visitarán unha empresa do sector metal compoñentes e outra do sector naval.
  • 20/02/2018
  • Concerto didáctico de jazz.
  • O alumnado de 3ºESO A, 3º ESO B, 3º ESO C, asistirán o martes 20 de Febreiro a un concerto didáctico de jazz , no IES  As Barxas, a cargo de Xacobe Martínez Antelo Standard Quartet.
  • Este concerto terá un enfoque totalmente didáctico, xa que darán a coñecer as características do saxofón, guitarra, batería e contrabaixo, farán un percorrido breve sobre a historia do jazz, incidirán na importancia da improvisación,  e finalmente deleitarán ao noso alumnado con pezas como “Caravan”, “ Things aint what they used to be”, “ Take the A train”, “ In a sentimental mood”, etc.
  • Ligazóns a fotos e vídeos do evento:
  • 08/02/2018
  • Conferencia sobre ingreso e desenvolvemento profesional da carreira militar.
  • O vindeiro día 8 de FEBREIRO DE 9.20-11.00 terá lugar no centro unha CONFERENCIA sobre INGRESO E DESENVOLVEMENTO PROFESIONAL DA CARREIRA MILITAR a cargo do Xefe de Reclutamento CÉSAR BARROS.
  • DESTINATARIOS: Alumnado de FORMACIÓN PROFESIONAL.(FPB, CM Y CS)
  • Ademáis poderá acudir alumnado DE 4º ESO E BACHARELATO que poidan estar interesados.
  • 07/02/2018
  • IX Olimpíada de Xeoloxía.
  • O alumnado de 1º e 2º de bacharelato asistirán á IX Olimpíada de Xeoloxía.
  • Esta actividade está convocada pola AEPECT (Asociación Española para a Ensinanza das Ciencias da Terra), a Sociedade Española de Xeoloxía e o Colexio Oficial de Xeólogos.
  • Ligazón para ampliar esta información.
  • 26/02 .. 02/03/2018
  • Conmemoración da semana da muller.
  • A organización dos actos de conmemoración da semana da muller propón a visualización de documentais que teñen a muller como centro: muller e industria, muller e mar, etc etc.
  • Na seguinte ligazón pódense visualizar algúns que se estiman interesantes.
  • Ligazón a documentarios sobre mulleres galegos.
  • 26/02 .. 02/03/2018
  • Conmemoración da semana da muller.
  • Varios departamentos, coordinados polo EDNL e coa colaboración de alumnado de diversas clases, están a preparar unha SEMANA DA MULLER que terá lugar no noso centro dende o 26 de febreiro ata o 2 de marzo. Alongaráse con visitas a unha exposición no concello, dos días 5 ó 16 de marzo.
  • Na Semana da muller contaremos con obradoiros de pintura e danza e con charlas dos máis variados temas, impartidas por mulleres eminentes na súa profesión: Belén Fervenza, bióloga e agricultora, Marisa Castro, científica da Uvigo, Montse Fajardo, investigadora e xornalista, Xiana Vila, coreógrafa e bailarina,  Chus Vázquez, pintora e algunha colaboración máis que se está concretando nestes días.
  • 29/01/2018
  • Actividade de cine en Lingua Castelá
  • Alumnos de 4º ESO B están realizando unha actividade de cine en Lingua Castelá coa profesora Carmen Pérez.

  • Onte, luns día 29 de xaneiro, saíron ó río de Rialdarca a gravar escenas de exterior para a curtametraxe. Esta é unha versión dun poema de Antonio Machado que escolleu a clase entre varios propostos. O alumnado ocupouse da maquillaxe, do vestuario, do atrezzo, de buscar as localizacións, de escribir o guión e de gravar. E por suposto, de dirixir a gravación. Tamén gravaron o "making off", do cal podedes ver algunhas fotos. Tamén será a clase quen realizará a montaxe da curta.

  • En canto estea listo, poderase ver nas páxinas do IES.

  • Ligazón á galería de fotos do desenvolvemento da actividade nesta data.
  • 05/02/2018

  • Obradoiro de oratoria no mundo laboral.
  • O vindeiro luns, 5 de febreiro de 16:00 a 18:30 h, o alumnado de 1º CSA e 2º CMXA participará no obradoiro de “Oratoria no mundo laboral” que impartirá o especialista  Iván Olmos Ferreiro, "Subcampión Mundial de Discursos en Español"  e "Segundo mellor orador do mundo 2017".
  • Ligazón á bibliografía de Iván Olmos Ferreiro
  • 06/02/2018

  • Visita didáctica a A Coruña.
  • Os dous grupos de 4º da ESO.
  • Visitarán:
    • Casa-Museo de Emilia Pardo Bazán.
    • Real Academia Galega,.
    • Acuario e Torre de Hércules.
  • Organizan o Dpto. de Lingua Castelá e EDNL
  • 05/02/2018

  • Obradoiro de oratoria.
  • O luns día 5 de febreiro vai vir un experto en comunicación oral para impartir, coma todos os anos, un obradoiro de oratoria ó alumnado que tén esta materia.
  • Organizan o Dpto. de Lingua Castelá e EDNL
  • 26/01/2018

  • Primeiro obradoiro de escrita teatral da Mostra de Teatro do Ensino Secundario do Morrazo.
  • O vindeiro venres 26 de xaneiro, de 18:00 – 20:00h, desenvolverase no noso centro o primeiro  dos  obradoiros de escrita teatral da Mostra de Teatro do Ensino Secundario do Morrazo.
  • Participarán 15 alumnos/as de tres dos centros participantes na Mostra: IES As Barxas, Colexio San Narciso e IES Plurilingüe A Paralaia.
  • As sesións serán impartidas por dúas persoas de recoñecida traxectoria no eido da dramaturxia como son Fran Godón e Vanesa Sotelo e os obxectivos son crear un espazo para o desenvolvemento da expresión escrita, dotar de ferramentas dramatúrxicas aos  participantes e promover o intercambio entre os centros e o seu alumnado.
  • 11/01/2018

  • Conferencia coloquio "A actividade emprendedora como chave pra o teu futuro".
  • O próximo xoves, 11 de xaneiro o alumnado de 2º dos ciclos de formación profesional participarán na actividade: “A actividade emprendedora como chave para o teu futuro” encadrada dentro do programa “Eduemprende Actúa”.
  • Na actividade participarán:
    • Como presentador e coordinador da actividade un técnico do Instituto Galego de Promoción Económica (IGAPE).
    • Como emprendedor Raúl Fervenza Piñeiro, representante legal da empresa  “AERIS  METAL -  MECANIZADO DE PRECISIÓN, SLU” que compartirá co alumnado a súa experiencia persoal.
  • Para rematar realizaremos un debate compartindo os distintos puntos de vista e lanzando preguntas  para afondar naqueles aspectos que poidan interesar máis ao alumnado.
  • 21/12/2017

  • NESTE TRIMESTRE O GRUPO DE 1º ESO C GAÑOU O PRIMEIRO PREMIO NO CONCURSO DE DESEÑO DA PORTA DA AULA CON MOTIVOS E LEMAS RELACIONADOS CO SAMAÍN. DAMOS OS PARABÉNS Ó GRUPO VENCEDOR, QUE ESTA SEMANA PUIDO DISFRUTAR DO SEU PREMIO: UN ALMORZO BEN BO NA CAFETERÍA DO INSTITUTO, NO QUE NON FALTARON DOCES, E BAILES E CANCIÓNS!

  • 20/12/2017

  • Visita ao Parlamento de Galicia do alumnado de Administrativo.
  • O próximo mércores 20 de decembro o alumnado de 1º CS Administración e finanzas e 2º CM Xestión administrativa visitarán o Parlamento en Santiago de Compostela.
  • 20/12/2017

  • Charla de Roberto Salgueiro dirixida ao alumnado do grupo de teatro.
  • O próximo mércores, 20 de decembro, o alumnado do grupo de teatro asistirá á charla que Roberto Salgueiro, autor teatral e director da Aula de teatro da Universidade de Santiago de Compostela.
  • 14/12/2017 ás 19:00h

  • Charla interactiva para as familias: “A AUTOESTIMA DOS NOSOS FILLOS COMO BASE DUN CRECEMENTO EQUILIBRADO”.
  • Estamos a prestar a atención necesaria á autoestima dos nosos fillos? E a nosa como pais? Como podemos educar para que a autoestima de todos saia beneficiada? Como inflúe a autoestima na prevención de condutas non desexadas?
  • Estas e outras preguntas serán a base da charla interactiva na que as familias, guiadas pola poñente, atoparán as respostas axeitadas en función das súas propias necesidades.
  • A charla será guiada pola Terapeuta Educativa MARTA LLOVES PEQUEÑO, Coordinadora do Programa de Prevención da Asociación ÉRGUETE de Vigo, Profesora de Educación Primaria e Educación Especial, Formadora de Educadores e Especialista en traballo coas familias.
  • 18/12/2017

  • Membros do Club Manga asistirán a unha xuntanza no IES Alexandre Bóveda de Vigo.
  • O vindeiro Luns 18 de Decembro algúns membros do Club Manga asistirán a unha xuntanza ao IES Alexandre Bóveda de Vigo. A viaxe farase nun autobús compartido con alumnos membros dos Clubs Manga do IES As Barxas de Moaña e o IES María Soliño de Cangas.
  • Xa no Alexandre Bóveda, desenvolveranse moitas actividades relacionadas co Manga e o Anime. O alumnado tamén participará en torneos de Magic, concurso de talentos, Yincana, Random K-Pop challenge, karaoke, pictionary e charlas do alumnado sobre temas do seu interese.
 
  • 30/11/2017

  • O xoves 30 de novembro recibiremos a Tomás González Ahola, autor na novela Galiza mutante. Poder Nuclear!
  • Os compoñentes do clube de lectura que leron esta obra ambientada nunha Galiza distópica e pos-apocalíptica poderán  nese día intercambiarán opinións co autor do libro.
    Ademais, dará unha charla sobre literatura fantástica aos membros do Clube Manga, aproveitando unha exposición sobre o tema da editorial Urco que nestes días temos no noso centro.
  • 22/11/2017

  • Presentación do vídeo "COMEZA SEN DÚBIDAS NA PARALAIA".
  • O vindeiro mércores 22 de novembro ás 9:20 h  terá lugar a presentación e visionado do vídeo “COMEZA SEN DÚBIDAS NA PARALAIA” elaborado por Ana Bost Frau  no que participaron o alumnado de 6º de primaria dos colexios adscritos ao IES Plurilingüe a Paralaia (CEIP Abelendo, CEIP Plurilingüe Tirán, CEIP Seara e CEIP Quintela).E que a día de hoxe son os nosos alumnos de 1º da ESO.
  • Dentro do proxecto educativo do IES Plurilingüe a Paralaia, esta actividade forma parte dun conxunto que teñen como finalidade acoller da maneira mais axeitada ao alumnado que ven por primeira vez ao centro. Entre outras actividades tamén se encontran as xornadas de achegamento que realizamos trimestralmente, xornadas de portas abertas, etc; que se levan a cabo dende o Departamento de Orientación e o Equipo de Convivencia, que contan coa colaboración de todo o persoal do centro.
    Esta actividade trata de dar resposta ás dúbidas que os rapaces  poidan ter antes de vir ao centro, para elo,  quen mellor para dar resposta que o propio alumnado do centro.
  • A necesidade de facer este vídeo naceu da importancia que dende o centro lle damos a que o alumnado de nova incorporación faga a transición da forma mais cómoda, e esta non supoña ningunha dificultade.
  • 19 .. 25/11/2017

  • 25 alumnos de 1º da ESO participan nun campamento de inmersión lingüística en inglés.
  • 25 alumnos e alumnas de 1º ESO do IES Plurilingüe A Paralaia saíron para El Guijo (Salamanca), onde van estar nun campamento de fala Inglesa entre as datas do 19 ó 25 de novembro.
  • Foron acompañados de dúas profesoras: Rosa García, de Inglés, e Rocío Costa, de Ciencias Naturais.
  • Alí realizarán unha serie de actividades programadas polo Departamento de Ciencias Naturais e Inglés que se concretaron nun proxecto que se presentou ó Ministerio de Educación Cultura e Deporte e que foi seleccionado xunto con outros 30 centros de todo España, sendo como se pode ver o único de Galicia o que se lle concedeu a inmersión para alumnado de 1º ESO.
  • Ligazón a noticia aparecida en Faro de Vigo o 21/11/2017.
  • Ver galería de fotos.
  • Ligazón ao vídeo elaborado durante a actividade.
  • Participación de parte do alumnado do centro na actividade do Concello "Aprende  Moaña".

  • Distintas clases do noso centro participarán, un ano máis, nas actividades propostas polo concello "Aprende Moaña" e coordinadas polo noso EDNL sobre aspectos do concello, como arte, marisqueo, a historia de Moaña, etc. Iremos dando conta da nosa participación puntualmente.
  • Novo grupo de teatro do centro.

  • A profesora Lucía Iglesias Fervenza, membro do departamento de lingua castelá e membro tamén do EDNL, vén de formar o grupo de teatro do instituto. O EDNL colaborará mediante pequenos obradoiros de voz en distintos momentos do traballo das actoras e actores.
  • 25/11/2017

  • Conmemoración do día da violencia de xénero.
  • O IES A Paralaia e o resto dos centros educativos do concello, colabrarán co concello na conmemoriación do Día da violencia de xénero (25 de novembro) con actividades durante a vindeira semana, que rematará no salón de plenos o día 24, no cal se reunirán varias mostras dos traballos realizados nos centros. A parte visible do noso traballo formará parte dunha exposición no noso centro e no concello. O alumnado e o profesorado recibirá pulseiras alusivas para axudar á concienciación da sociedade.
  • Novembro 2017

  • Un novo ano, o EDNL comeza a facer actividades. Temos novo equipo e o alumnado que aínda non se apuntou, e lle apeteza colaborar de cando en vez, pode facelo ata decembro. Invitamos a todo o alumnado a seguir a nova conta de instagram do EDNL, Conversas na Paralaia. Neste momento estáse facendo un concurso de decoración de portas terroríficas polo Samaín, con debuxos e frases que arrepían o corpo! Dado o suceso do ano pasado, decidimos repetilo, e as mostras xa están á vista. A semana vindeira faremos público a clase gañadora.
  • 20/11 .. 21/12/2017

  • Campaña de nadal de recollida de alimentos.
  • Por estas datas, como todos os anos, colaboramos con Cáritas Moaña na recollida de alimentos para a xente mais necesitada da nosa vila.
  • Nesta ocasión pedimos a aportación, se é posible, dos seguintes alimentos:
    • Leite.
    • Aceite.
    • Comida precociñada (garabanzos, lentellas, fabas, etc.).
    • Latas: conservas, verduras, fabada, albóndigas, etc).
  • Facemos un chamamento á colaboración.
  • O lugar para depositar os alimentos é en cafetería ao pé da nosa "Vaca Paralaia".
  • 17/11/217

  • Conmemoración do "Día mundial da filosofía".
  • O día 17 de Novembro celébrase o DÍA MUNDIAL DA FILOSOFÍA. Con tal motivo e co pretexto de visibilizar esta materia,  faranse una serie de actuacións que pasan por: un GRAFITI MURAL co lema “PENSO, LOGO ESTORBO” elaborado polo alumnado no patio, un coloquio para 1º de bacharelato e alumnado de 4º da ESO acerca da experiencia filosófica con VERA SANTOMÉ ( 2ª clasificada na Olimpíada Filosófica do ano pasado) e MARTÍN FERNÁNDEZ, exalumno do Paralaia e que cursa o Grao de Filosofía.
  • Gustaríanos que achegárades as vosas reflexións ou frases célebres con contido filosófico. Para isto, dispúxose un mural na planta baixa a modo de “grafiti filosófico”.
  • Ligazón a vídeo do desenvolvemento da actividade.
 
  • 13/11/2017

  • CHARLA-TALLER DE PRIMEIROS AUXILIOS E MANEXO DE EXTINTORES.
  • O vindeiro luns, celebrarase unha Charla-Taller sobre como actuar en supostos de primeiros auxilios e manexo de extintores, impartida por D. Ricardo Olabegoya e organizada polo departamento de FOL.
  • 10/11/2017

  • CELEBRACIÓN DO MAGOSTO E XORNADA DE ACHEGAMENTO DO ALUMNADO DOS COLEXIOS ADSCRITOS.
  • O próximo venres, 10 de novembro, celebraremos o Magosto e a  Xornada de Achegamento co alumnado dos colexios adscritos ó noso centro: CEIP Abelendo, CEIP Quintela, CEIP Seara e CEIP Tirán.
  • Programa:
    • 11:00h a 12:00h Recreo e asado de castañas.
    • 12:00h a 13:00h Festival musical. Actuacións do alumnado visitante, do noso alumnado de 1º da ESO e un grupo de gaitas.
    • 13:00h a 14:00h Zumba.
  • 31/10/2017

  • XORNADA DE ORIENTACIÓN DEPORTIVA.
  • O Departamento de Educación Física organizará este ano unha actividade para todo alumnado de 1º de Bacharelato, denominada "Xornada de orientación deportiva: carreira de orientación", consistente na realización dunha carreira polo monte na procura dunha serie de balizas agochadas previamente e coa única axuda dun mapa, un compás e os seus coñecementos adquiridos na aula.
  • Esta actividade é a fase final dun proceso no cal traballaron conceptos sobre o tema e levaron a cabo experiencias reais nun contorno coñecido como é o Centro. Agora é o momento de comprobar as súas competencias no tema nun contorno descoñecido.
  • Esta actividade será levada a cabo  nos arredores do lago Castiñeiras.
 
  • 26/10/2017

  • RESEÑA PUBLICADA NA WEB CONOTRACLASE DOS PROXECTOS DESENVOLVIDOS NA BIBLIOTECA DO NOSO CENTRO.
  • Conotraclase es "Es un proyecto cooperativo abierto que pretende dar voz y agrupar aquellas iniciativas que nacen del entusiasmo de los profesionales de la educación que deciden dar un giro metodológico en su aula y salir de la monótona clase magistral. Algunos utilizarán las TIC, otros simplemente, cambiarán la forma de enseñar para convertirse en mediadores activos del proceso de aprendizaje de sus alumnos.
  • Es una ventana abierta por donde entrarán noticias de actualidad, formación, proyectos, animación a la lectura y  experiencias de formación profesional y actividades de todo tipo que se lleven a cabo de forma innovadora.
  • Ligazón á reseña.
  • 05/04/2017

  • ACTIVIDADE DE MAPEO DENTRO DA VI SEMANA DE CONSUMO RESPONSABLE.
  • Este video recolle a actividade de mapeo realizada o pasado 5 de abril polo equipo do Estudio Rurban dentro das actividades da VI Semana de Consumo Responsable do IES Plurilingüe A Paralaia. Ao longo dunha mañá guiaron aos estudantes de primeiro de bachalerato polas rúas do dentro histórico lineal de Moaña, dende San Martiño ata a Praza de Abastos. Ao longo do percorrido os diferentes grupos debían pór a mirada naqueles elementos que permitían analizar mobilidade, a arquitectura tradicional e moderna e espazos verdes. Ao rematar a ruta o grupo conversou diante dun gran panel recolector de datos ubicado na Biblioteca Municipal de Quintela.
    Agradecemos a Martín e María, do Estudio Rurban, o seu traballo e nos sumamos aos agradecementos que eles extenden a Natalia Veiga pola colaboración na mediación da actividade e a Sainza Rodal polo apoio no rexistro gráfico e edición de video.
  • Ligazón ao vídeo.
  • 17/10/2017

  • PUBLICACIÓN DA LISTAXE DE ALUMNADO ADMITIDO E EXCLUIDO PARA O CURSO DE MONTAXE E MANTEMENTO DE SISTEMAS DE AUTOMATIZACIÓN INDUSTRIAL (ELEM0311).
  • Ligazón á listaxe.
  • 02/11/2017

  • VISITA AO MUSEO DO MAR DO ALUMNADO DE 3º DA ESO E 1º BACHARELATO
  • O Pergamiño Vindel recolle as sete cantigas do poeta medieval Martín Codax.  Logo de 40 anos depositado na Morgan Library & Museum de Nova York, volta a Galicia, ao territorio que serviu de inspiración para os seus versos, onde se exhibe por vez primeira. O alumnado de 1º de bacharelato e terceiro da ESO visitará o día 2 de novembro  a exposición que o Museo do Mar de Vigo organizou por este motivo, nunha actividade organizada conxuntamente polos departamentos de Música e Lingua galega.
  • Ligazón á galería de fotos.
  • 02/09/2017

  • PRESENTACIÓN OFICIAL DO CURSO 2017/18
  • O vindeiro luns,  2 de outubro, terá lugar na sala de actos do centro a presentación oficial do curso 2017-2018.
  • Esta correrá a cargo da Dirección e do Departamento de Orientación; ó rematar a presentación poderedes coñecer e manter un primeiro contacto cos titores/as dos distintos grupos.
  • O horario será o seguinte:
    • 19:00h     1º e 3º da ESO.
    • 19:30h     2º e 4º da ESO.
    • 20:00h     1º FP Básica, Bacharelatos e 1º de Ciclos Medios.
  • Ligazón ao calendario escolar do curso 2017/18.
  • INICIO DE CURSO 2017/18

    • ACTO DE PRESENTACIÓN
      • ESO                                                              Venres 15 ás 12:00h
      • BACHARELATO                                               Venres 15 ás 13:15h
      • FP BÁSICA                                                     Venres 15 ás 13:00h
      • CICLOS FORMACIÓN PROFESIONAL                 Luns 18 ás 12:00h
      • ENSINANZAS BÁSICAS INICIAIS (EBI I)           Luns 18 ás 17:00h
      • ESA (EDUCACIÓN SECUNDARIA DE ADULTOS   Luns 25 ás 18:30h
    • SERVIZO DE TRANSPORTE
      • VENRES 15:
        • RECOLLIDA: O alumnado, tanto de ESO como de Bacharelato, que desexe facer uso do transporte escolar deberá estar nas paradas coa antelación habitual (a partir das 11:25h) tendo en conta que as rutas inícianse con 35 minutos de antelación á chegada ó centro dos de ESO.
        • REGRESO: Os autobuses sairán de volta ás 14:00h.
      • LUNS 18:
        • O trasporte realizará as rutas únicamente a primeira hora da mañá, con chegada ó centro para o comezo das clases en horario habitual de 08:30h a 14:00h.
        • O horario de estadía nas paradas debe ser a partir das 07:55h, que é a hora de partida dos autobuses da primeira parada.
  • 01/09/2017

  • Listaxe de libros de texto para o curso 2017-18
  • Ligazón á listaxe.
  • Nota: Na listaxe, os libros marcados como "recomendados" non son de uso obrigatorio.
 

      

 

 OUTROS ENLACES

   

 
 

 

  VÍDEOS INFORMATIVOS DO CENTRO 

Xeral

Dpto. de Metal

Dpto. de Electricidade

Dpto. de Administrativo

 

 

Toda a información, enlaces e documentos dos CONTRATOS-PROGRAMA.

Axúdanos a mellorar a web. Si tes algunha suxestión ou atopas algún erro, indícanolo premendo aquí

 

XUNTA DE GALICIA, CONSELLERÍA DE
CULTURA, EDUCACIÓN E ORDENACIÓN UNIVERSITARIA
Instituto de Educación Secundaria Plurilingüe A Paralaia

O Redondo, (36.950), Moaña, Pontevedra
Tlf. 886 12 03 54    Fax. 886 12 03 77
ies.paralaia@edu.xunta.es

 

 

Distribuir contido