No mesmo marco do Plan de Acollida compartido co centro adscrito, uns días máis tarde da Xornada de Convivencia en Coirós co alumnado de 6º nivel de Educación Infantil do Vales, reunímonos de novo, xunto coas Escolas Unitarias de Paderne, para coñecer, explorar e experimentar as instalacións de Primaria do centro adscrito nas que este alumnado continuará a súa escolarización a partir do próximo curso.

Este curso recuperamos esta actividade deseñada no marco do Plan de Acollida compartido por ambos centros e que viñamos levando a cabo, antes da pandemia, ao final de cada curso.