A NOSA ESCOLA

O NOSO CENTRO PERMANECERÁ PECHADO DURANTE O ESTADO DE ALARMA

LEMBRADE QUE O PRAZO DE MATRÍCULA AMPLÍASE ATA UNHA SEMANA DESPOIS DE QUE COMECEN AS CLASES

Podedes contactarnos igualmente tanto telefónicamente (986-62-27-75) como por medio do correo electrónico (cra.tominho@edu.xunta.es)

  

 

 

PARA VISITAS PUNTUAIS CONCERTAR CITA PREVIA

(Teléfono - 986622775 // E-mail - cra.tominho@edu.xunta.gal)

PROPOSTAS SEMANA 6 AO 10 DE ABRIL

 

PINTAR SOMBRAS

 

 

 Necesitaremos:

  1. Un día de sol (ou una lámpada).
  2. Papel.
  3. Lapis de cores ou rotuladores.
  4. Obxectos ou xoguetes.
  5. (OPCIONAL) outros materiais pare decorar.

Aproveitando un día de sol ou coa axuda dunha lámpada, faremos que se reflicta a sombra do noso obxecto sobre o papel. O reto consiste en trazar a súa silueta. Unha vez debuxada, podemos coloreala e decorala libremente (adhesivos, brillantina, elementos da contorna... deixade voar a vosa imaxinación!)

 

 LIMPAMOS  XOGUETES

 

A proposta de vida práctica desta semana está relacionada co coidado e limpeza dos materiais e xoguetes que os vosos nenos/as están a empregar estes días para xogar na casa. Ao realizala, eles mesmos/as encargaranse da súa limpeza e coidado.

A proposta consiste no seguinte:

  1. Necesitaredes dous recipientes grandes para a auga, xaboeira e xabón, un cepillo de dentes ou cepillo pequeno e un trapo para secar. Tamén seleccionaredes, xunto cos nenos/as, aqueles xoguetes que poidan mollarse, preferiblemente de pequeno tamaño.

  2. Teremos que encher ambos recipientes con auga. Un deles empregarémolo para mollar o xoguete e lavalo co cepillo co que previamente frotamos a pastilla de xabón; o outro será para aclarar os xoguetes unha vez limpos e enxaboados.

  3. Iremos lavando os xoguetes de un en un, limpándoos ben co cepillo e secándoos co pano. Ao rematar, xa estarán listos para volver a ser utilizados de novo.

 

 

 

 

XOGAMOS COAS FORMAS XEOMÉTRICAS

 

1. Recortamos dun folio de cor, revista, papel de periódico... tres triángulos, tres círculos, tres cadrados e tres rectángulos e os dispómolos de forma desordenada sobre un folio branco.

 

2. Clasificamos segundo a forma xeométrica xuntando todos os iguais. Contamos os lados e incluso os vértices e repasamos o nome de cada unha delas, facendo reconto de cantas figuras temos das diversas formas.

3. Buscamos obxectos na casa que compartan esa forma xeométrica.

 

 

 

4. Creamos unha serie seguindo o patrón que queiramos (podemos comezar con dous elementos (exemplo cadrado-círculo) e rematar empregando os 4 (exemplo cadrado, círculo, triángulo e rectángulo). Para iso o adulto pódelle facilitar o modelo e os nenos/as continúan.

 

 

 5. Deseñan e constrúen figuras sobre o papel tan só empregando esas formas. ¡Elas/es mesmas/os poden fotografar as súas propias creacións!

 

 

 COCIÑA DE FANTASÍA

A Proposta consiste:

En elaborar unha RECEITA chea de fantasía en colaboración coa vosa familia e despois escribir a lista dos ingredientes. Tamén quedaría ben poñerlle nome á receita.

 Podedes empregar froitas, verduras, ou converter a vosa comida preferida nun divertido personaxe entre outras cousas.

 Aquí vos van algúns exemplos:

 

 

 PASOS:

1. ESCOLLER OS INGREDIENTES.

2. FACER A VOSA RECEITA EN COLABORACIÓN COA FAMILIA. POÑERLLE UN NOME Á RECEITA.

3. ESCRIBIR OS INGREDENTES EMPREGADOS.  SE VOS APETECE TAMÉN FACER DEBUXO DA RECEITA, PODÉDELO FACER DE MOITAS MANEIRAS: EMPREGANDO  SOPORTE DE PAPEL, CARTÓN….BUSCAR AS LETRAS SOLTAS OU OS NOMES DOS INGREDIENTES EN PERIÓDICOS, REVISTAS, FORMALAS A PARTIR DE DIFERENTES MATERIAIS (PASTA, PEZAS LEGO....).  O QUE SE TRATA É DE CONSTRUÍR, LER, DEBUXAR….. PÓDESE DEBUXAR, PEGAR, OU COLOCAR AO LADO DA PALABRA O INGREDIENTE AO NATURAL.

 

4. A PARTIR DISO PODEMOS CONSTRUÍR UN CONTADOR DE PALABRAS, PÓDESE FACER NUN CARTÓN, PAPEL,… PARA TRABALLAR A CONCIENCIA FONOLÓXICA, SÍLABAS,…A PARTIR DO NOME DOS INGREDIENTES QUE USAMOS NA RECEITA.

  • TRABALLAMOS A PALABRA DANDO PALMAS. (NESTE CASO 3 PALMAS: PLÁ- TA-NO). CONSISTE EN     SEPARAR A PALABRA SÍLABA POR SÍLABA CHOCANDO AS PALMAS DAS MANS AO DAR PALMAS
  • PODEMOS DICIRLLE AO NEN@ QUE COLOQUE  PEZAS LEGO OU OUTRO MATERIAL (GARAVANZOS, PEDRAS…) SEGUNDO AS PALMAS NAS QUE SE DIVIDA A PALABRA. ASÍ DEBAIXO DA  PALABRA “PAN”- SERÍA 1 PEZA DE LEGO, UN GARAVANZO…..
  • DENTRO DUNHA CAIXA BALEIRA, BANDEXA….TAMÉN SE PODE BOTAR AREA, FARIÑA….E QUE CO DEDO FAGA A INICIAL POLA QUE  COMEZA O INGREDIENTE, O DEBUXE...

 

 

 

  ESTAMPAS CON MATERIAIS NATURAIS

Material: patacas            mandarinas         follas de árbores

 

                  mazás                 porro                pementos

 

                  limóns                 cebola                cenoria

 

Témpera, pintura de dedos ou acuarelas.

  •  Tamén podemos probar con "corchos", bastóns dos oídos, botóns ou outros materiais que teñamos pola casa.

 

Procedemento:

 Partir as froitas á metade, pintalas e estampar, coas patacas pódense crear formas: as básicas (círculo, cadrado, triángulo, rectángulo) ou máis elaboradas (estrelas, follas…)

 1.     Primeiro estampar libremente comprobando como queda cada forma, se necesita máis pintura ou menos.

 2.     Logo crear paisaxes (árbores, montañas, sol, flores) ou personaxes e podemos inventar unha historia acerca do que acontece nesa paisaxe ou a eses personaxes.

 

 

 

   PSICOMOTRICIDADE

 XOGOS CON MATERIAL DE REFUGALLO

E se xogamos coas cousas que teñamos pola casa dándolles outro uso?

Para esta semana traemos as seguintes propostas que podedes adaptar segundo o material co que contedes na casa e que poderedes elaborar entre todos en familia.

 

Encesta o aro

 

 

Canastra con botellas de auga

 

 

Circuíto para bólas

 

 

Tres en raia con tapóns

 

 

 RELAXACIÓN

         Despois de tantos días na casa, posiblemente haxa momentos nos que o “nivel de enerxía” sexa moi elevado. Por unha banda sería bo non ser tan estritos á hora de facer cumprir as normas dentro de casa e permitir un pouco máis de movemento, pero pola outra, intentaremos dende aquí aportar algunhas ideas para que vaiades traballando cos pequenos diferentes formas de relaxación.

Nesta ocasión traemos un pequeno vídeo didáctico co que aprender a relaxarse de forma diferente, aprendendo a postura da tartaruga, o caranguexo, a quenlla, e para finalizar, a estrela de mar:

 

 Ioga para nen@s – “As posturas dos animais do mar”


 

https://www.youtube.com/watch?v=LOYxOzMUgAY

        Agardamos que vos gusten!

 

MÚSICA

ADIVIÑA QUEN TOCA?

Esta semana propóñovos traballar o voso oído a través dun xogo.

O material que necesitaredes para poder xogar é o seguinte:

  1. Unha caixa de plástico chea de pezas de construción
  2. Unha libreta con arandelas e un lapis.
  3. Un bolígrafo dos que se lle saca a punta apertando por enriba.
  4. Un conto de tapas duras.
  5. Unha pota.
  6. Un puñado de lapis atados cunha goma.

(Se non tedes na vosa casa algún destes materiais podedes cambialo por outro parecido sen ningún problema).

Imos usar estes materiais como instrumentos de percusión.

O primeiro que temos que facer é escoitar cada “instrumento” por separado para ter claro o son que fai cada un. 

O xogo consiste en adiviñar que “instrumento” é o que está soando, pero sen poder velo, só escoitándoo.

Déixovos un vídeo no que fago eu o xogo para que vexades como sería, e anímovos a que probedes a facelo coas vosas familias. Podedes usar como base rítmica a mesma que usei eu no vídeo.

Entrade en youtube e poñede no buscador : ”batería rock 100 BPM”.

Espero que desfrutedes coa proposta!

  https://youtu.be/VKjO5aOvo6I

 

INGLÉS

A BEAUTIFUL RAINBOW

A proposta desta semana consiste en crear un “rainbow” (arco da vella) con pequenos obxectos  que teñades pola casa. As cores serán:

RED  -  ORANGE  -  YELLOW  -  GREEN  -  BLUE  -  PURPLE  -  PINK.

Para axudarvos a identificar as cores empregade esta canción.

 

https://www.youtube.com/watch?v=tRNy2i75tCc 

 Pódese facer de dúas formas:

1) Que o neno busque un obxecto dunha cor determinada. (Ex: “Find something..blue”) e ir colocando de un en un no lugar que llecorresponde.

2) Recolectar os obxectos, pousalos todos no lugar onde ides facer a proposta e logo ir clasificándoos.

 

Deixamos algúns exemplos, pero a idea é darlle renda solta á creatividade en canto ao tamaño e forma.  Ao rematar, lembrade sacar unha foto para que quede constancia do voso “RAINBOW”.

Seguro que quedan preciosos!

 

 

ATENCIÓN EDUCATIVA

Visionado do corto "Cuerdas" : https://www.youtube.com/watch?v=4INwx_tmTKw

Con esta historia gustaríame que fixerades unha reflexión cos nenos/as sobre a importancia de ser solidarios e respectuosos coas persoas que, por algún motivo, son diferentes ou especiais. Igualmente a importancia da amizade, a aceptación e a empatía para intentar que a convivencia sexa o máis grata posible. Polo tanto reflexionar e preguntarlle o neno/a que sentiu e se faría o mesmo que María.

 

RELIXIÓN

Cantar e facer os sons dos animais desta canción da Arca de Noé. Divírtete en familia. https://youtu.be/a5LoHy_Vr0I

 

Distribuir contido