Coa chegada do Outono producense unha morea de cambios na paisaxe que nos rodea, unha maña na que o sol lucía fermoso saimos da Escola, tódolos nenos e nenas na compaña dos profes, para dar un paseo por Sísamo e observar mais de preto eses cambios.
Así, vimos como as árbores lles cambian de cor as follas e xa non todas son verdes, senón que hainas tamén amarelas e marróns. E tamén vimos como caían as follas! Descubrimos setas ben agochadiñas debaixo de follas caidas. Ulimos moitas prantas como o romero, a menta, etc., houbo unha que nos gustou moito e foi a do anís, cheiraba moi doce! Vimos como algúns campos estaban pintados de amarelo polo millo.
Miramos o ceo e vimos voar a moitos paxaros xuntos, os profes contaronnos que ían de viaxe cara o Sur buscando de novo o verán, mira que son listos os paxaros!
De volta a Escola paramos a facer esta fotiño de lembraza do noso por Sísamo en Outono.
