O CPI de Rodeiro colabora coa asociación sen ánimo de lucro Ecoembes coa colocación de contedores de reciclaxe no centro, como medida de impulso para o coidado do mediambiente e a concienciación das xeracións futuras.
Os contedores de reciclaxe foron situados en zonas onde se xeran a maior parte dos residuos, como os patios ou aulas. Nos patios é onde se deben dispoñer os residuos de envases, papel de aluminio, restos de comida, panos, etc. En cambio, nas aulas, reforzáronse os contedores azuis para papel e cartón.
Dispoñer de contedores no noso centro educativo non so axuda coa separación de residuos, senon que é unha práctica que crea conciencia ambiental no noso alumnado.
Ensinar aos nenos e nenas a reducir, reciclar e reutilizar fai que adquiran hábitos de consumo responsable que beneficiará no futuro á sociedade e ao medio ambiente.