COMUNICADO DO EQUIPO DIRECTIVO DO CENTRO COAS INSTRUCIÓNS A SEGUIR PARA O SEGUEMENTO E AVALIACIÓN FINAL DO CURSO 2019/20 DO C.S. DE XESTIÓN FORESTAL E DO MEDIO NATURAL
Seguindo as sucesivas instrucións indicadas pola consellería de Educación, Universidade e Formación Profesional, e tendo en conta en concreto as do 27 de abril de 2020 para o desenvolvemento do terceiro trimestre, infórmase do seguinte:
O centro segue co desenvolvemento da actividade lectiva e de avaliación non presencial neste terceiro trimestre propoñendo actividades de recuperación e reforzo dos contidos esenciais coa finalidade de dispoñer de elementos suficientes de avaliación do alumnado. Así mesmo, foise avanzando nos contidos dos diferentes módulos formativos para que acadedes os máximos coñecementos posibles de cara á vosa cualificación.
A situación existente obriga a unha adaptación da programación didáctica na que se fixan as competencias imprescindibles, os instrumentos e criterios de avaliación así como as características das actividades desenvolvidas neste terceiro trimestre.
Así mesmo, estableceuse o seguimento do alumnado polas canles de comunicación establecidas de cara a obter información da vosa situación e actuar en cada caso para facilitarvos o seguemento do curso.
Por todo elo, establécense as seguintes instrucións :
1- Non vai haber 3ª avaliación. A avaliación final establecerase tendo en conta os resultados da 1ª e 2ª avaliación. As actividades desenvolvidas neste período servirán para a recuperación de materia non superada. As actividades telemáticas propostas mediante probas, traballos e outras tarefas terán esa finalidade e a vosa participación e cumprimento das actividades de recuperación contará para a avaliación final nos termos que se determinen para cada módulo formativo.
2.- Así mesmo, a participación do alumnado no avance de materia que poida facerse para cada módulo formativo tamén se terá en conta, neste caso para mellora da nota final, segundo se determine para cada módulo formativo. Deste xeito valórase o esforzo de participación do alumnado no seguemento do curso.
3.-Establécese o día 5 de xuño como último día de entrega de tarefas de reforzo, recuperación e avance da materia.
4.- Fíxase a semana do 8 ao 12 de xuño, para a realización das probas finais de recuperación (se fose o caso) que propoña o profesorado para cada módulo formativo.
5.- Para o alumnado con situación de perda de dereito da avaliación continua antes da interrupción das actividades presenciais.
5.1- Ten o dereito a unha proba de avaliación final que se fará atendendo obrigatoriamente aos contidos da 1ª e 2ª avaliación. Os contidos avanzados do terceiro trimestre que se puideran engadir, contarán únicamente como mellora da nota final.
5.2.- Este alumnado ten a posibilidade, si así o desexa, de participar nas tarefas de ampliación e reforzo establecidas neste período. Para isto deberá poñerse en contacto co profesorado correspondente a través dos seguintes correos electrónicos:
engrobasal@gmail.com
rialbudi@gmail.com
ardiaznunez@gmail.com
docecaruncho@edu.xunta.es
5.3.- A proba final de avaliación será previsiblemente telemática.
5.4.- A proba poderá consistir nun traballo, supostos prácticos, preguntas curtas ou tipo test segundo se determine para cada módulo formativo.
5.5.- Establécese a semana do 15 ao 19 de xuño para a realización destas probas.
