Como xa ben sabedes o día 30 de xaneiro celébrase:

O DÍA ESCOLAR DA NON VIOLENCIA E DA PAZ 

No CEIP de Soutelo, este ano o alumnado estivo traballando no 1º trimestre o libro: “20.000 leguas baixo os mares”.

Escollemos oracións, expresións, situacións do libro e escribímolas na silueta do Nautilius (submarino do libro).

Distribuimos os submarinos polas distintas aulas, e cada neno ou nena, escribiu unha palabra ou oración curta sobre o que lle inspiraba o fragmento que lera. As palabras a favor da Paz puxéronas na silueta dun peixe de cores cálidas; e as inspiracións contrarias á Paz, en peixes de cores frías. Cada alumno e alumna decorou o seu peixiño.

O resultado final foi que o venres cada alumno e alumna levou o seu peixiño ao noso mar (un mural) pero...antes de comezar, tivemos que matinar un pouco, xa que o título do mural era un xeroglífico que había que descifrar. De seguida, entre todos, conseguímolo!!!!

O alumnado de 5º e 6º tamén nos recitou uns fermosísimos  poemas da Paz escritos en galego.

ASÍ ESTABA O MURAL ANTES DE COMEZAR:

 PERO... SE OLLADES ESTE VÍDEO VEREDES COMO QUEDOU AO REMATAR, E TAMÉN ESCOITAREDES RECITAR UNS FERMOSOS VERSOS QUE FALAN DE PAZ

Hoxe iniciamos o plan XOGADE coa actividade de CROSS.

O alumnado de 3º, 4º, 5º e 6º de Primaria xunto con  varios mestres do colexio desprazámonos a Caritel para participar con outros moitos centros da zona.

Os nosos nenos e nenas esforzáronse ao máximo acadando moi bos resultados e algunha medalla tamén.

Moitas grazas pola ilusión e o esforzo que sempre poñedes!!!

Aquí vos deixamos unhas imaxes que dan boa conta desta xornada de Cross.

Como xa é tradición no noso colexio, o día 20 de decembro celebramos o festival de Nadal.

Este ano o programa foi o seguinte:

• EDUCACIÓN INFANTIL: 

A las 12 de la noche/ O lobo e os tres porquiños.

• 1º/2º de PRIMARIA:

Los caballos del tiovivo/ARAM SAM SAM

• 5º/6º de PRIMARIA:

Big big world/We wil rock you

• 3º/4º de PRIMARIA:

No dudaría/Peer Gynt

• 5º/6º de PRIMARIA:

Os Valores

• Todos os cursos:

Mix de Panxoliñas en inglés.

• 3º/4º/5º e 6º de PRIMARIA:

OBLADÍ-OBLADÁ QUE LEDICIA!!! (versión en galego)

O resultado, coma sempre, espectacular xa que contamos con grandes artistas entre o noso alumnado. Ese día, ademais tamén tiñamos os  mellores animadores, os que aplauden con máis brío, que son, por suposto, as familias.

Moitas grazas a todos e todas  por acompañarnos un ano máis.

Aquí vos deixamos dous vídeos onde podedes ver ou lembrar as diferentes actuacións e postas en escena.  

Con motivo do 40º aniversario da Constitución Española o alumnado de 3º,4º,5º,e 6º de Primaria acudeu ao Concello de Forcarei para participar en diversas actividades lúdicas organizadas dende o propio concello.

O alumnado foi recibido pola propia alcaldesa, Belén Cachafeiro e polo concelleiro José Francisco Bouzas.

Entre outras actividades, visitaron as diferentes dependencias do concello,  participaron nun pleno infantil no que xuraron o seu cargo como concelleiros, nombraron como alcaldesa a Clara Troitiño e debatiron varias propostas para mellorar a vida do noso concello: aumentar axudas para as persoas máis necesitadas, traballar no coidado do medio ambiente e facer un campo de fútbol de herba natural.

Dende o centro queremos agradecer ao Concello esta actividade que  dun xeito lúdico, práctico e moi motivador, achega ao alumnado ao funcionamento do Concello, así mesmo tamén agradecemos a dotación que recibimos como agasallo para a nosa biblioteca (exemplares das diferentes constitucións da historia de España)

Podedes ollar as imaxes dese día no seguinte enlace do facebook do Concello de Forcarei.

FACEBOOK DO CONCELLO DE FORCAREI