Durante este curso decidimos elixir unha mascota para dinamizar a nosa biblioteca. Acordamos involucrar a todo o alumnado no deseño e así xurdiu a idea de facer unha campaña para dita elección.

Unha vez feita esta campaña eleximos seis finalistas que expuñemos na biblioteca xunto co resto de participantes:

Unha vez feita a primeira selección, tocou numerar os debuxos finalistas e pasar a facer a votación. Todo o alumnado participou en dita votación e a mascota gañadora foi unha simpática ratiña

O seguinte paso foi darlle un nome.

Puxemos na entrado do colexio un panel e alí os alumnos e alumnas foron anotando ao longo dunha semana os nomes que lles gustaban.

Ao final entre tódalas propostas de nome, escollemos RATOTECA.

Agora toca estar moi atentos....RATOTECA está preparando moitas sorpresas para todos/as...

O día 8 pola mañá, tivemos o primeiro encontro de Deporte Escolar cos nosos compañeiros/as do CEIP Nosa Señora das Dores de Forcarei. Foi unha xornada ben divertida na que os nosos rapaces e rapazas se tiveron que esforzar moito. Xogaron a fútbol, baloncesto e balonmán e os resultados foron bastante igualados. Na galería podedes ver algunhas fotos.

O xoves 21 de marzo toca Deporte Escolar. Desta volta, os nosos compañeiros/as de Cerdedo acercaranse ata o pavillón de Soutelo de Montes para xogar a fútbol, balonmán e baloncesto...

Ánimo para tódolos equipos!!!

Hoxe celébrase o DÍA DA MULLER TRABALLADORA.

Este día 8 de marzo, converteuse nun día de reivindicación por unha igualdade real entre mulleres e homes nos distintos ámbitos: laboral, social e político.

O único xeito que temos de chegar a unha igualdade entre homes e mulleres, é desde a educación, cunha educación en valores igualitaria e non sexista.