O venres 13 de novembro publicouse no DOG a Orde do 6 de novembro pola que se regulan os criterios e procedemento de distribución de máscaras entre o alumnado matriculado en educación primaria. De conformidade con esa Orde, todo o alumnado que resultou beneficiario das axudas de material escolar, será directamente beneficiario das máscaras. O resto do alumnado que NON foi beneficiario das axudas de material por diferentes circunstancias, pero pertenza a unha familia cunha renta per cápita igual ou inferior a 6000€, ou familias ás que lle cambiara a situación, deberán presentar solicitude a través do formulario dispoñible na sede electrónica da Xunta, no portal educativo ou na secretaría do centro. O prazo de solicitudes será ata o 27 de novembro incluido.