Visita ó CPI Poeta Uxío Novoneyra, comida no Camping do Courel e actividades no Castelo de Carbedo.
O profesorado do CEIP Eduardo Cela Vila e do CEIP de Samos organizou unha excursión conxunta ás máxicas Terras do Courel.
Pola mañá estivemos no CPI Poeta Uxío Novoneyra. Alí recibiunos Tania, a mestra coa que coordinamos o traballo do libro "O Misterio de Portomarín". Tras desfrutar das anécdotas de Antía Yáñez, a autora da obra, e de exporlle as nosas preguntas, despedímonos dos nenos e nenas do Courel e marchamos ó Camping de Seoane, onde xantamos e xogamos grazas á colaboración de Pilar, xefa de estudos do colexio courelá.
Pola tarde, subimos ata o Castelo de Carbedo, onde realizamos dúas actividades: na primeira, o alumnado dos dous coles mestrurados en grupos, escoitaron e anotaron os sons da natureza, pois atopámonos no impoñente Monte Cido; na segunda actividade, descubrimos a vida castrexa que alberga O Courel con diversas imaxes e coñecemos a historia do Castelo de Carbedo a través dunha pequena exploración guiada.
Tras encher as mochilas de cultura e emocións, puxemos rumbo a casa, desexando voltar axiña á marabillosa Terra do Courel.
