Exposición

Exposición sobre Rosalía de Castro
O Equipo de Normalización partiu da exposición sobre Rosalía da Fundación Manuel María de Estudos Galegos: Rosalía sempre viva. ¡Viva Rosalía!, para achegármonos á nosa autora e coñecermos algo máis a súa obra. Elaborouse un díptico sobre Rosalía que se enviou ás familias informando da exposición e solicitando a súa colaboración. O profesorado traballa nas aulas con poemas de Rosalía, lendo, recitando, ilustrando, etc. Aínda nos segue chegando material que vai ampliando a nosa exposición e que podemos ver nos corredores do centro. Agradecemos moito todas as colaboracións recibidas para desenvolver esta actividade que nos serve para aprendermos moitas cousas da nosa escritora e comprendermos que, despois de 125 anos, segue viva tal como nolo amosan a variedade de materiais aportados.